Petrus Assouline

Petrus Assouline

Res apud Vicidata repertae:

Petrus Assouline: imago

Nativitas: 17 Aprilis 1953; Casablanca
Patria: Francia

Petrus Assouline (Pierre Assouline; natus Casablancae die 17 Aprilis 1953) est auctor et diurnarius Francogallicus.

Lutetiam aditus Petrus Assouline discipulus fuit Universitatis Parisiensis X et scholae Linguarum Orientalium. Postea diurnarius meruit apud agentias Apei, Asa Press, Fotolib et diaria Quotidien de Paris (1976-1978), France soir (1979-1983), temporibusque recentibus Le nouvel observateur et Le Monde. Apud situm interretialem lemonde.fr diarium interretiale Petri Assouline divulgatur sub titulo La république des livres ("Respublica librorum"), et a permultis legitur.^[1] Ab anno 1979 symbolas in L'Histoire conscripsit; consilio editoriali eiusdem periodici etiam hodie participat. Apud periodicum litterarium Lire ab anno 1985 diurnarius fuit; ab anno 1993 direxit. Visus est crebriter in emissionibus radiophonicis France Inter (1986-1990), RTL (1990-1999) et France Culture.

Petrus Assouline (ad sinistram partem) et Tahar Ben Jelloun Lutetiae anno 2011 picti

Praelector est apud scholam artis diurnariae Instituti Scientiarum Politicarum. Ibi anno 2007 manipulum discipulorum experientiam facere iussit de fidelitate Vicipaediae, articulis vel duo vel tres falso mutatis; qui discipuli postea librum ediderunt sub titulo La révolution Wikipédia.

Vitas scripsit Gaston Gallimard, Marcelli Dassault, Georgii Simenon, Ioannis Jardin, mercatorum artium Danielis Kahnweiler et Pauli Durand-Ruel, diurnarii Alberti Londres, pictoris librorum Hergé^[2], photographorum Henrici Cartier-Bresson et Desiree Dolron. Assouline ipse reperitur inter personas mythistoriae Après Tintin de vita Hergé a Frederico Grolleau anno 2009 scriptus.

In libro anno 1996 divulgato L'épuration des intellectuels de diurnariis et scriptoribus Francicis sub dominatione Germanico annis 1940-1944 disserit (inter quos Robertus Brasillach, Carolus Maurras, Ioannes Hérold-Paquis, Georgius Suarez, Henricus Béraud, Ioannes Luchaire) et de persecutionibus iudiciis post bellum finitum. Post duos annos scripsit et La cliente de delationibus; anno 2005 rursus Lutetia, de militibus Germanicis collaboratoribusque Francicis eiusdem temporis. Ob hunc librum Praemium Domorum Editorialium (Prix des Maisons de la Presse) meruit; mox anno 2007 Praemio Linguae Francogallicae laureatus est.^[3] Anno 2007 praefationem scripsit libri La révolution Wikipédia, a quinque discipulis suis confecti; ibi critica admodum severa Vicipaediae divulgavit, quae antea in ephemeride interretiali sua paraverat.^[4] Anno 2008 damnatus est ob libellum in infamiam Mariae Kodamae scriptum; hanc enim asseveravit malam tutelam exercere in operibus mariti eius Georgii Ludovici Borges.^[5]

Opera

• (cum Philippe Dampenon) De nos envoyés spéciaux: les coulisses du reportage. Lutetiae: J.-C. Simoën, 1977
• Lourdes: histoires d'eau. Lutetiae: A. Moreau, 1980
• Les nouveaux convertis: enquête sur des chrétiens, des juifs et des musulmans pas comme les autres. Lutetiae: A. Michel, 1981
• Monsieur Dassault. Lutetiae: Balland, 1983. ISBN 2-7158-0406-7
• Gaston Gallimard: un demi-siècle d'édition française. Lutetiae: Balland, 1984. ISBN 2-7158-0486-5
• L'épuration des intellectuels (1944-1945), Bruxelles: Complexe. ISBN 2-87027-167-0 paginae selectae
• Une éminence grise: Jean Jardin (1904-1976). Lutetiae: Balland, 1986. ISBN 2-7158-0607-8
• L'homme de l'art: D.-H. Kahnweiler (1884-1979). Lutetiae: Balland, 1988. ISBN 2-7158-0677-9
• Albert Londres: vie et mort d'un grand reporter (1884-1932). Lutetiae: Balland, 1989. ISBN 2-7158-0726-0
• (cum Antoine Blondin) Le flâneur de la rive gauche: entretiens. Lutetiae: F. Bourin, 1988. ISBN 2-87686-022-8
• (cum Raoul Girardet) Singulièrement libre: entretiens. Lutetiae: Perrin, 1990. ISBN 2-262-00717-9
• Simenon: biographie. Lutetiae: Julliard, 1992. ISBN 2-260-00994-8
• Germinal: l'aventure d'un film. Lutetiae: Fayard, 1993. ISBN 2-213-03152-5
• Hergé: biographie. Lutetiae: Plon, 1996. ISBN 2-259-18104-X
• Le dernier des Camondo. Lutetiae: Gallimard, 1997. ISBN 2-07-074554-6
• Le fleuve Combelle. Lutetiae: Calmann-Lévy, 1997. ISBN 2-7021-2696-0
• La cliente. Lutetiae: Gallimard, 1998. ISBN 2-07-075278-X
• Cartier-Bresson: l'œil du siècle. Lutetiae: Plon, 1999. ISBN 2-259-18568-1
• Double vie. Lutetiae: Gallimard, 2000. ISBN 2-07-075498-7
• Grâces lui soient rendues: Paul Durand-Ruel, le marchand des impressionnistes. Lutetiae: Plon, 2002. ISBN 2-259-19302-1
• État limite. Lutetiae: Gallimard, 2003. ISBN 2-07-076483-4
• Lutetia. Lutetiae: Gallimard, 2005. ISBN 2-07-077146-6
• Rosebud: éclats de biographies.^[6] Lutetiae: Gallimard, 2006. ISBN 2-07-073230-4
• (cum Mark Haworth-Booth) Desiree Dolron: exaltation, gaze, Xteriors. Lutetiae: X. Barral, Institut néerlandais, 2006. ISBN 2-915173-15-X
• Le portrait. Lutetiae: Gallimard, 2007. ISBN 978-2-07-077614-6
• Brèves de blog. Le nouvel âge de la conversation. Lutetiae: Les Arènes, 2008. ISBN 978-2-35204-068-2
• Les invités. Lutetiae: Gallimard, 2009. ISBN 978-2-07-078425-7

Notae

1. De crebritate lectorum; rursus; De hoc diario
2. "Pierre Assouline, Tintin et la politique apud France-Info; fragmentum apud L'Express Livre
3. De praemio
4. "L'affaire Wikipédia"; Andrew Dalby, The World and Wikiedia (2009) pp. 68-72
5. Nuntius apud Le Figaro
6. De editione

Nexus externi

Lexica biographica:  • Deutsche Biographie •

• La République des livres: diarium interretiale Petri Assouline olim apud Le Monde divulgatum
• La République des livres: diarium interretiale recentior
• "La soif d'écrire de Pierre Assouline" a Genovefa Simon in La Libre Belgique
• "Pierre Assouline: la trace ou la preuve" a Marcello Olscamp in Nuit Blanche scriptum
• "Portraits d’écrivains: Dix questions à Pierre Assouline" ab Alano Mabanckou scriptum
• "Dans les cordes" colloquium percontativum cum Frederico Grolleau in Le Littéraire.com
• Frank Fischer, "Un que les Allemands n’ont pas: Pierre Assouline et sa petite tasse blanche" (17 Iunii 2010)