Familia
Victoria Atkins, praenominibus vulgaribus Victoria Mary (die 22 Martii 1976 nata Londinii in urbe) est politica Angliae. Filia est Roberti Atkins Londiniensi, qui legatus fuit Parlamento Britannico, deinde Europaeo, pro circulis Lancastriensibus ab anno 1979 usque in 2014. Illa Blackpool in oppido educata, in collegio Corporis Christi apud Cantabrigienses erudita, iuris consulta Londinii operam dedit. Legata est parlamento Britannico pro circulo Louth et Horncastle Lincolniensis comitatus ab anno 2015. A die 13 Novembris 2023 secretaria civica a valetudine meret, antecessore Stephano Barclay.