Wyrd

Folium murale Urd, Norvegicae mulierum magazinae, ab Andrea Bloch et Olavo Krohn creatae.

Wyrd est notio in cultura Anglosaxonica, quae cum fato vel sorte personali fere congruit. Haec notio, notione paganorum classicorum durior erat, quia wyrd pervinci non poterat. Vocabulum factum est weird ('mirabiliter insolitus'), vocabulum Anglicum hodiernum, quod primam significationem solum in dialectis retinet. Vocabulum wyrd est cognatum Nordicum antiquum vocabuli urðr, eandem rem significans, sed etiam ut Urðr personificatum, una ex Nornis, in nomine fontis Urdae (Urðarbrunnr) etiam apparens, putei sancti in mythologia Nordica.

Usus recentior in Satanismo et Paganismo

Order of Nine Angles ('Ordo Angulorum Novem'), sodalitas Satanica extrema, mentionem notionis wyrd, praecipue ad Tree of Wyrd ('Arborem Wyrd') pertinentis, in suis scriptis publicis saepe facit, quod, secundum Black Sun, librum Nicolai Goodrick-Clarke, originem fortasse in praechristiana paganismi vel Wiccae traditione vernaculari significat.^[1]

Nexus interni

• Amor fati
• Beot
• Karma
• Kismet
• Moirai
• Praedestinatio
• Rta
• Textura (mythologia)
• Teotl

Notae

1. Goodrick-Clarke 2002: 215–216.

Bibliographia

• Goodrick-Clarke, Nicholas. 2002. Black Sun: Aryan Cults, Esoteric Nazism, and the Politics of Identity. NYU Press.
• McNish, Ian. 2004. Wyrd, Causality and Providence: A Speculative Essay. Mankind Quarterly 44.
• Phillpotts, Bertha S. 1928. Wyrd and Providence in Anglo-Saxon Thought. Essays and Studies 13:7-27.

Nexus externi

Vicicitatio habet citationes quae ad wyrd spectant.

• "A Brief 09A Glossary," darknessconverges.wordpress.com (Darkness Converges: The New Satanic Aeon)