Julien Lefèvre
|
Dëse Konschtartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
| Julien Lefèvre | |
|---|---|
| Gebuer |
1. Juli 1907 Esch-Uelzecht |
| Gestuerwen |
4. Januar 1984 Lëtzebuerg |
| Nationalitéit | Lëtzebuerg |
| Aktivitéit | Bobfuerer, Medailleur, Sculpteur |
| Huet matgemaach bei | Olympesch Summerspiller 1936 |
| Famill | |
| Bestuet mat | Nina Lefèvre |
| Papp | Alfred Lefèvre |
 | |
De Julien Lefèvre, gebuer den 1. Juli 1907 zu Esch-Uelzecht, a gestuerwen de 4. Januar 1984 an der Stad Lëtzebuerg, war e lëtzebuergesche Sculpteur a Medailleur.
Säi Papp war den Entreprener Alfred Lefèvre, deen ënner anerem den Hotel Alfa an der Stad Lëtzebuerg am Garer Quartier opgeriicht huet.
De Julien Lefèvre huet vill vu senge Wierker zesumme mat senger Fra Nina-Victorine Kestler (1904-1981) erschaaft. Dës Wierker koumen ënner dem gemeinsamen Numm "Julien et Nina Lefèvre" eraus, wéi z. B. d'Éiereplack Dicks-Rodange-Lentz.
Hie war 1935 Grënnungsmember an éischte President vum Groupement des Escrimeurs, aus deem 1937 d'Fédération luxembourgeoise d'escrime ginn ass.
1936 war hie bei den Olympesche Wanterspiller zu Garmisch-Partenkirchen, wou hien Ersatzmann am Bobfuere war.
Hien huet Lëtzebuerg op den Olympesche Summerspiller 1936 zu Berlin als Sculpteur vertrueden.[1]
Wierker
[änneren | Quelltext änneren]- Wandmolerei am Hotel Alfa an der Stad Lëtzebuerg am Garer Quartier
- Medaillon aus Bronz vum Michel Rodange op der Fassad vum Renert-Haus zu Wolz
- Medaillon a Plack vum Edward Steichen op der Edward-Steichen-Plaz zu Béiweng ("Julien et Nina Lefèvre")
Gielercher
[änneren | Quelltext änneren]- Commandeur vum Ordre de Mérite du Grand-Duché de Luxembourg (Promotion 1979)[2]
No him genannt
[änneren | Quelltext änneren]Um Lampertsbierg ass eng Strooss (Rue Nina et Julien Lefèvre, L-1952) no him a senger Fra genannt ginn.[3]
Kuckt och
[änneren | Quelltext änneren]Referenzen
[Quelltext änneren]- ↑ De Julien Lefèvre op der Websäit vu sports-reference.com
- ↑ Remise de médailles à des personnalités de la vie culturelle am Luxemnburger Wort vum 26. Juni 1979 op der Säit 5 op eluxemburgensia.lu gekuckt de 6. Dezember 2022
- ↑ Luxembourg : Rue Nina et Julien Lefèvre. map.geoportail.lu. Gekuckt de(n) 20.02.2025.