Émile Kirscht

Den Émile (oder Emil) Kirscht, gebuer den 11. Juni 1913 zu Rëmeleng, a gestuerwen de 26. Oktober 1994 zu Esch-Uelzecht^[1], war e lëtzebuergesche Moler.

Hien huet virun allem abstrakt Biller an Acryl oder Gouache op Pabeier gemoolt.

Hie war 1954 ee vun de Matgrënner vun den Iconomaques.

Säi Liewen

Als sechst vu siwe Kanner vun enger Aarbechterfamill gëtt den Émile Kirscht den 11. Juni 1913 zu Rëmeleng gebuer.

Am Alter vu siwe Joer fänkt fir hien d'Berufsliewen un andeems hien als Léierjong bei e Schräiner kënnt. Duerno kritt hien eng Plaz op der Schmelz.

Am Zweete Weltkrich, ënner däitscher Besetzung, refuséiert hie fir Member an der Volksdeutschen Bewegung (VDB) ginn, wat mat dozou féiert datt hien an d'Äifel déportéiert gëtt.

1947: Salon vum Cercle Artistique de Luxembourg, Kollektivausstellung
1950: Salon de la nouvelle Equipe, Kollektivausstellung zu Esch-Uelzecht
1954: Salon des Iconomaques, Kollektivausstellung
1966: Perséinlech Ausstellung an der Galerie d'Art d'Esch
1993: Rétrospective am Staatsmusée an der Stad Lëtzebuerg
2007: Kollektivausstellung mat Wierker vun de rëmelenger Konschtschafeneden Félix Corrent (1895-1968), Albert Hames (1910-1989), Émile Kirscht a Foni Tissen (1909-1975) am Kader vum Centenaire vun der Gemeng Rëmeleng

Guy Wagner: Emile Kirscht. Monographie d'un peintre, 1987, Éditions le Phare ISBN 2-87964-000-8
Marc Theis, Elisabeth Vermast: Artistes luxembourgeois d'aujourd'hui, Edition Marc Theis, Lëtzebuerg / Hannover, 1995, S. 42 - S. 43
Linda Eischen: La Collection Luxembourgeoise du Musée National d'Histoire et d'Art - Emile Kirscht, in "ons stad" N° 87, 2008, S.77-S.79