Càrlo Giöxèppe Ràtto

ZE	Quésta pàgina a l'é scrîta in zenéize, segóndo a grafîa ofiçiâ

A stàtoa dedicâ a-o Ràtto mìssa inta Ciàssa do Popólo a Sànn-a.

O Càrlo Giöxèppe Ràtto (dîto Ràtti ascì, Sànn-a, 27 novénbre 1737 - Zêna, 27 seténbre 1795) o l'é stæto 'n pitô e stòrico de l'àrte zenéize.

Vìtta

O Ràtto scritô

O Càrlo Giöxèppe Ràtto o l'é nasciûo a Sànn-a a-i 27 de novénbre do 1737 da-o Zâne Agostìn, pitô lê ascì, e da Màia Rozalîa Feipónn-a^[1]. Dòppo avéi inpréizo e bâze do mestê da sò poæ o s'é trasferîo a Rómma, dónde, tra o 1756 e o 1759, o l'à travagiòu inte bitêghe do Placido Costanzi, conoscéndo o Pompeo Batoni e l'Anton Raphael Mengs, ch'o l'é diventòu 'n sò câo amîgo^[2].

A despêto di stùddi in córso, o s'é in prinçìpio dedicòu a-a scritûa, conpletàndo into 1762 a prìmma stezûa do manoscrîto in scê vìtte di ciù inportànti artìsti zenéixi, realizòu con l'intençión de continoâ l'òpera stöiografica do Rafaêle Sopràn, publicâ into 1674. St'inpréiza leterâia chi, da quæ o n'à scrîto ciù vòtte inti cartézzi avûi co-o Giovan Pietro Zanotti e o Giovanni Bottari^[3], a l'é stæta in sciâ fìn publicâ inti ùrtimi ànni sciusciànta de quéllo sécolo inta fórma de volùmme de agiornaménto de Vìtte do Sopràn e de volùmme de prosecuçión do Delle vite de' pittori, scultori, architetti genovesi. Into méntre, o l'à comensòu a scrîve a goìdda artìstica da çitæ de Zêna, publicâ inte l'ànno 1766 co-o tìtolo Instruzione di quanto può vedersi di più bello in Genova in pittura, scultura e architettura e propòsta tórna, con di agiornaménti, into 1780, ànno de stànpa do Descrizione delle pitture, scolture e architetture che trovansi in alcune città, borghi e castelli delle due Riviere dello Stato Ligure ascì.

O Ràtto pitô

Trinitæ e Sànti, Zêna, baxìlica de Sànta Màia de Vìgne

Into màzzo do 1766 o l'à riçevûo a nòmina de académico de mérito a-a ligùstica^[4][5] e, inte quélla òcaxón, o l'à donòu a l'Académia Ligùstica de Bèlle Àrte l'òpera Tacrê ch'o batézza Clorìnda^[6]. Inte l'ànno 1770 o Ràtto o l'à firmòu, meténdoghe a dæta, a Trinitæ pi-â baxìlica de Sànta Màia de Vìgne^[7], consciderâ da çèrti critìchi cómme "l'òpera ciù sincêra do discépolo do Costanzi"^[8]. Da-o zenâ de quéllo ànno gh'é stæta 'na corispondénsa pe pòst ciù stréitaa co-o Mengs, con l'artìsta tedésco ch'o l'é arivòu a vixitâ Zêna vèrso a fìn de màrso, coinvolgéndo o Ràtto inta prosecuçión do sò viâgio. Tra e çitæ vixitæ insémme, into córso do 1770, gh'é stæta Pàrma, dónde "són anæti a inbriægâse do Correggio", Firénse, dónde són stæti iscrîti tra i sòcci de l'Académia Fiorenìnn-a, e Rómma, dónde o Ràtto o s'é fermòu scìnn-a-o 1774. Inte sto perîodo chi o l'à realizòu vàrie còpie de grénde òpere do Rinasciménto, quarchedùnn-a ascì in sce comisción da Zêna da pàrte famìggia Cangiâxa^[9]. Do 1771 a l'é 'na téia, firmâ con dæta, ch'a rafigûa o Crìsto ch'o l'apâ a Sànta Catænn-a Fiésca pò-u Conservatöio Fiésco de Zêna^[10], co-o bosétto de st'òpera chi ch'o l'é stæto donòu a l'Académia Romànn-a de Sàn Lùcco inte l'òcaxón da pròpia eleçión, a-i 2 de agósto do 1772, a académico de mérito inte quélla asociaçión in sce propòsta do Mengs mæximo^[11].

Inte l'ànno 1773 o Ràtto, nominòu into méntre cómme un di diretoî de l'Académia Capitolìnn-a, o s'é dedicòu a 'na pâa, d'ancheu despèrsa, ch'a rafiguâva o prezépio. L'òpera, realizâ in sce comisción e bosétto do Mengs pi-â gêxa di Mercànti de Barçelónn-a, segóndo quànte o l'é emèrge da-a corispondénsa tra i doî artìsti a l'é stæta vendûa in loco into lùggio do 1774^[12]. Into córso de quéllo ànno o Ràtto o l'à lasciòu Rómma, faxéndo stramûo a Pàrma, dónde o l'à copiòu pò-u marchéize Càrlo Cangiâxo o Sàn Gêumo do Correggio chi conservòu^[13]. Into 1775, in Zêna, o l'à realizòu 'na còpia da sò pâa pò-u Conservatöio Fiésco; da-e dimenscioìn ciù picìnn-e, destinâ a-o santoâio da Madonétta^[14]. A-i 21 de dexénbre do 1775, 'n méize dòppo a mòrte do sò poæ Zâne Agostìn, o l'é stæto nominòu diretô da schêua de pitûa de l'Académia Ligùstica^[5][15], pi-â quæ, a-i 31 de dexénbre do 1776, o l'à elaboròu o nêuvo diségno pò-u diplöma. Do 1775, firmòu da-o Ràtto, l'é ascì o Ritræto de Zórzo Spìnoa, d'ancheu inte 'na coleçión privâ^[16]. Into lùggio do 1776 o l'à riçevûo a comisción, da pàrte da Cazàssa do Santìscimo Sacraménto da gêxa de Sàn Françésco d'Arbâ, de 'n confaón procescionâle ch'o rafiguêse Sàn Françésco^[17]. A l'ànno 1777 remóntan quàttro téie co-e Stöie de Sànta Sìtta pi-â gêxa de Bórgo Pìlla dedicâ a-a sànta. Inte sta gêxa chi o l'à realizòu e pitûe in sciô vòrto ascì, d'ancheu perdûe aprêuvo a-a distruçión do vêgio cazaménto. L'é probàbile ch'a ségge do mæximo ànno ànche a pâa co-a Crocifisción de Sàn Giöxèppe da Covertìn e o biòu Bonaventûa da Poténsa pi-â gêxa de Sàn Françésco de Urbìn^[18]. Tra o 1778 e o 1782 o Ràtto o l'à pöi pituròu dózze téie co-e Stöie de Sant'Antönio Abòu, comiscionæ da-a Cazàssa de l'ötöio dedicòu a-o sànto a Mê^[19], dónde gh'é conservòu ascì çìnque bosétti da lê firmæ.

Ùrtimi ànni

Sàn Nicòlla de Bâri o sàrva 'n bàrco inta boràsca, Sànn-a, gêxa de Sàn Zâne Batìsta in Sàn Doménego

Do sto perîodo chi, ö sæ quéllo da sò produçión ciù méuia, gh'é de òpere bazæ sorviatùtto in sciô stîle neoclàscico, scibén chò-u Ràtto o l'à conservòu çèrte memöie da grànde tradiçión do baròcco zenéize. A-a fìn di ànni òtànta do sécolo XVIII remóntan dötræ gròsse òpere realizæ pi-â çitæ de Sànn-a, dónde o l'à sogiornòu pe 'n pö de ténpo. Tra quéste se pêuan aregordâ a Trinitæ e i Sànti Agostìn e Mònica pi-â gêxa de móneghe da Santìscima Nonçiâ (d'ancheu ötöio do Crìsto Resuscitòu)^[20]; o cîclo, asæ inspiròu da-i mòddi do Mengs e do Batoni, pe l'ötöio di Sànti Pê e Catæn, inandiòu inte l'ànno 1778 e conpletòu into 1782; l'Aprovaçión de l'órdine domenicàn e o Sàn Doménego o brûxa i lìbbri erétichi pò-u presbitêio da gêxa de Sàn Zâne Batìsta in Sàn Doménego. Pe sta gêxa chi o l'à realizòu âtre quàttro téie ascì: se tràtta de pâe de Sàn Nicòlla de Bâri, do 1779, e de Sàn Tomâxo d'Aquìn, do 1780, méntre a-o 1785 remóntan a Nascìta e a Mòrte da Vèrgine^[21]. Inte l'ànno 1779, aprêuvo a-a mòrte do Mengs, o l'à fæto publicâ l'Epilogo della vita del fu Cavalier Antonio Raffaello Mengs, primo pittor di camera di Sua Maestà Cattolica, socio delle Accademie Romana, Bolognese, Fiorentina, Parmense, Genovese, into quæ o l'à antiçipòu a publicaçión do Notizie storiche sincere intorno la vita e le opere del celebre pittore Antonio Allegri da Correggio, dedicòu a-a biografîa do pitô emiliàn^[22].

Into méntre o Ràtto o l'à gestîo di inportànti cantê a Zêna, tra i quæ se pêuan aregordâ o cîclo de pitûe pò-u palàçio de Giàcomo Særa inta Ciàssa de Sànta Sabìnn-a^[23] e a grànde decoraçión, fæta de pitûe e de téie, do salón do Consegétto a Pâxo, aviâ inte l'ànno 1780 pe sostitoî e pitûe do Françésco Soliménn-a destrûte inte l'incéndio do novénbre do 1777 e conclûza tréi ànni dòppo^[24]. Inte st'ùrtimo ànno chi o l'à decoròu, pe l'Antönio Giùlio III Brìgnoe-Sâle, 'n salòtto do sò scîto inte Palàçio Rósso ma, a-a giornâ d'ancheu, se són conservæ sôlo e téie de l'Èrcole e Câco e l'Èrcole e Atlànte^[25]. Into 1785 o l'à mandòu 'na téia de Sànta Catæn da Zêna a-a gêxa do Lorétto a Lisbónn-a^[26] e, into 1786, o l'à firmòu a pâa de Sàn Françésco de Sales pi-â gêxa de Sànta Màrta de Portöia. Do perîodo 1786-1787 són i doî quàddri pe l'ötöio de l'Inmacolâ Conceçión de Inêia, che rafigûan l'Anonciaçión e l'Asonçión da Vèrgine^[27], e, de lóngo into 1787, o l'à conpletòu l'Anonciaçión pò-u cöo da baxìlica de Sànta Màia de Vìgne^[28] e riçevûo 'n acónto pò-u Mistêro da Trinitæ destinòu a l'ötöio savonéize da-o mæximo nómme^[29]. Do 1788 a l'é a fìrma, con dæta, in sciâ pâa co-a Nòstra Scignôa da Cônétta pi-â gêxa de Sant'Antonìn a Mortiòu^[30]. Tra o 1788 e o 1790 o l'à realizòu e pitûe do presbitêio da gêxa de Sàn Scî de Nérvi^[31] e, into 1791, quélle inta capélla de Gràçie da gêxa de Sànta Margàita de Söi, a-e quæ l'é da azónze e dôe pâe do Gexù prezentòu a Scimeón e da Prezentaçión a-o Ténpio da Vèrgine, con l'ùrtima ch'a l'é firmâ e datâ 1791^[32]. De quéllo ànno són ascì I màrtiri Fèrmo e Inluminâ pi-â gêxa de Sàn Martìn de Polànexi e a Crocifisción de Sàn Pê pi-â gêxa de Sàn Pê a-a Fôxe^[32], pi-â quæ, inte l'ànno a vegnî, o l'à realizòu o Sàn Pê ch'o goarìsce o paralizòu ascì. Da-o 1791, o l'à avûo 'na stréita corispondénsa co-o Luigi Lanzi, asæ inténsa spécce scìnn-a-o 1794^[33]. A st'ànno chi a remónta a pâa de Sàn Michê Arcangiòu, con fìrma e dæta, realizâ pi-â gêxa de Sàn Stêva, dónde o Ràtto o l'é stæto in sciâ fìn interòu aprêuvo a-a sò mòrte, avegnûa in Zêna a-i 24 de seténbre do 1795^[34].

Òpere

Pitûe

O Ràtto o l'à lasciòu 'n'inportànte produçión artìstica, conservâ pi-â ciù pàrte in Ligùria ancón a-a giornâ d'ancheu. Tra e sò òpere poêmo aregordâ:

Ligùria

Apariçión da Vèrgine, Sànn-a, gêxa de Sàn Zâne Batìsta in Sàn Doménego

Trànxito de Sànta Catæn, Zêna, gêxa da Santìscima Nonçiâ de Portöia

• Bogiàsco, Prezentaçión de Màia Vèrgine a-o ténpio, 1791, éuio in sce téia - òpera conservâ inta gêxa da Nativitæ de Màia Santìscima^[35]
• De d'âto d'Arbisêua, Sàn Doménego, 1775-1795, éuio in sce téia^[36]
• De d'âto d'Arbisêua, Sànta Rìtta da Càscia, 1775-1795, éuio in sce téia^[37]
• De d'âto d'Arbisêua, Sànta Catæn da Zêna, 1783, éuio in sce téia^[38]
• De d'âto d'Arbisêua, Sàn Françésco de Sales, 1783, éuio in sce téia^[39]
• Diàn, Sâcra Famìggia con Sàn Zâne Batìsta banbìn, Sant'Elizabétta e Sàn Zacàia, Dîo Poæ e o Spìrito Sànto, 1700-1749 - atriboçión disputâ^[40]
• Récco, Trinitæ co-a Madònna, 1775-1795, éuio in sce téia - òpera conservâ inte l'ötöio de Sàn Michê^[41]
• Récco, Adoraçión da Trinitæ, 1791, éuio in sce téia - òpera conservâ inta gêxa de Sàn Martìn^[42]
• Sànn-a, Sàn Nicòlla de Bâri, sécolo XVIII, éuio in sce téia^[43]
• Sànn-a, Sàn Doménego e o rögo di lìbbri di erétichi albigéixi, 1750-1774, éuio in sce téia^[44]
• Sànn-a, Aprovaçión de l'órdine domenicàn, 1750-1774, éuio in sce téia^[45]
• Sànn-a, Crocifisción de Sàn Pê, 1778-1784, éuio in sce téia - òpera conservâ inta pinacotêca cìvica^[46]
• Sànn-a, Martìrio de Sànta Catæn, 1778-1784, éuio in sce téia - òpera conservâ inta pinacotêca cìvica^[47]
• Sànn-a, Sàn Nicòlla de Bâri, 1779, éuio in sce téia^[48]
• Sànn-a, I Sànti Agostìn e Mònica in contenplaçión da Trinitæ, 1780, éuio in sce téia - òpera conservâ inta gêxa da Santìscima Nonçiâ^[49]
• Sànn-a, Sàn Tomâxo d'Aquìn, 1780, éuio in sce téia^[50]
• Sànn-a, Nàscita de Màia Vèrgine, 1785, éuio in sce téia^[51]
• Sànn-a, Trànxito da Madònna, 1785 ca., éuio in sce téia^[52]
• Sànn-a, Sàn Giâxo o goarìsce 'n figeu, 1790, éuio in sce téia - òpera do Zâne Stêva Robàtto, a l'é stæta bén bén rimanezâ da-o Ràtto into 1790^[53]
• Zêna, Sànto capuçìn, sécolo XVIII, éuio in sce téia - atriboçión^[54]
• Zêna, Tacrè ch'o batézza Clorìnda, 1766, éuio in sce téia - òpera conservâ into Muzêo de l'Académia Ligùstica de Bèlle Àrte^[55]
• Zêna, Sant'Emìdio, 1767, éuio in sce téia^[56]
• Zêna, Adoraçión di pastoî, 1768 (pre), éuio in sce téia - refæta de 'n quàddro do Gianbatìsta Pàggi^[57]
• Zêna, Trinitæ e Sànti, 1770, éuio in sce téia - òpera conservâ inta baxìlica de Sànta Màia de Vìgne^[58]
• Zêna, A vixón de Sànta Catæn da Zêna, 1771, éuio in sce téia - òpera conservâ into Muzêo de l'Académia Ligùstica de Bèlle Àrte^[59]
• Zêna, Anonciaçión, 1777-1778, éuio in sce téia^[60]
• Zêna, Vixitaçión, 1777-1778, éuio in sce téia^[61]
• Zêna, Madònna co-o Banbìn e Sàn Zanìn, 1777-1778, éuio in sce téia^[62]
• Zêna, O miacöo di maròtti in sciô sepùrto de Sànta Zìtta, 1777-1778, éuio in sce téia - òpera conservâ inta gêxa de Nòstra Scignôa Sónta e Sànta Zìtta^[63]
• Zêna, Sànta Zìtta a pàssa e pòrte da çitæ de Lùcca, 1777-1778, éuio in sce téia - òpera conservâ inta gêxa de Nòstra Scignôa Sónta e Sànta Zìtta^[64]
• Zêna, Mòrte de Sànta Zìtta, 1777-1778, éuio in sce téia - òpera conservâ inta gêxa de Nòstra Scignôa Sónta e Sànta Zìtta^[65]
• Zêna, Sànta Zìtta a fà o miacöo de Civàie, 1777-1778, éuio in sce téia - òpera conservâ inta gêxa de Nòstra Scignôa Sónta e Sànta Zìtta^[66]
• Zêna, Sàn Françésco de Sales, 1780, éuio in sce téia^[67]
• Zêna, Vixón de Sànta Catæn da Zêna in purgatêuio, 1780-1795, éuio in sce téia - òpera conservâ inta gêxa da Santìscima Nonçiâ de Portöia^[68]
• Zêna, Ritræto de docénte universcitâio, 1782, éuio in sce téia - òpera conservâ into Palàçio de l'Universcitæ^[69]
• Zêna, Sàn Gotàrdo, Sànti e donatoî, 1784, éuio in sce téia - refæta de 'n quàddro do Lùcco Cangiâxo^[70]
• Zêna, Anonciaçión, 1787, éuio in sce téia^[71]
• Zêna, Sàn Pê liberòu da-o prexón da 'n àngiou, 1791-1792, éuio in sce téia - atriboçión^[72]
• Zêna, Sàn Pê o l'à a vixón di animæ inpûi, 1791-1792, éuio in sce téia - atriboçión^[73]
• Zêna, Crìsto o conségna e ciâve a Sàn Pê, 1791-1792, éuio in sce téia - atriboçión^[74]
• Zêna, Sàn Pê e Sàn Zâna Evangelìsta goarìscian o strosciòu, 1791-1792, éuio in sce téia - atriboçión^[75]
• Zêna, Chéita de Scimón Mâgo, 1791-1792, éuio in sce téia - atriboçión^[76]
• Zêna, Crocifisción de Sàn Pê, 1791-1792, éuio in sce téia - atriboçión^[77]
• Zêna, Sàn Michê Arcangiòu, 1794, éuio in sce téia^[78]
• Zêna, vàrri ritræti conservæ into Muzêo de l'Académia Ligùstica de Bèlle Àrte^[79][80][81]

Âtre regioìn

• Bitónto, Sàn Françésco Xavêio o prédica a-i indìgeni, 1788, éuio in sce téia - òpera conservâ inta galerîa naçionâle de Pólia "Girolamo e Rosaria Devanna"^[82]
• Gâvi, Apariçión de Sàn Giàcomo o Magiô inta batàggia de Clàvio, 1787, éuio in sce téia - òpera conservâ inta gêxa de Sàn Giàcomo^[83]
• Urbìn, Crìsto croxefìsso con Sàn Giöxèppe da Copertìn e o Biòu Bonaventûa da Poténsa, 1777, éuio in sce téia - òpera conservâ into convénto de Sàn Françésco^[84]

Scrîti

• (IT) Storia de' pittori scultori et architetti liguri e de' forestieri che in Genova operarono, 1762.
• (IT) Vite de' pittori, scultori, ed architetti genovesi di Raffaello Soprani in questa seconda edizione rivedute, accresciute, ed arricchite di note da Carlo Giuseppe Ratti pittore, e socio delle Accademie Ligustica e Parmense, 2 vol., Zêna, Stanpàia Casamara, 1768.
• (IT) Epilogo della vita del fu Cavalier Antonio Raffaello Mengs, primo pittor di camera di Sua Maestà Cattolica, socio delle Accademie Romana, Bolognese, Fiorentina, Parmense, Genovese, Zêna, Stanpàia Casamara, 1779.
• (IT) Instruzione di quanto può vedersi di più bello in Genova in pittura, scultura e architettura ecc., 2ª ed., Zêna, Ivone Gravier, 1780.
• (IT) Descrizione delle pitture, scolture e architetture ecc., che trovansi in alcune città, borghi, e castelli delle due riviere dello stato Ligure, Zêna, Ivone Gravier, 1780.
• (IT) Notizie storiche sincere intorno alla vita e la opere del celebre pittore Antonio Allegri da Correggio, Finâ, Stanpàia de Giacomo de' Rossi, 1781.

Nòtte

1. Alizêro, 1864, pp. 268-269
2. Alizêro, 1864, pp. 274-276
3. Bottari & Ticozzi, 1822
4. Alizêro, 1864, p. 278
5. (IT) Marçéllo Stagén, Memorie e documenti sulla Accademia Ligustica di Belle Arti, Zêna, 1867, p. 222.
6. F. Sborgi inte Baccheschi, 1988, p. 114
7. Collu, 1983, p. 202
8. Pesenti, 1987, p. 358
9. Collu, 1983, p. 117
10. Collu, 1983, p. 205
11. Rossi, 2000, p. 432
12. (IT) Anton Raphael Mengs, Opere di Antonio Raffaello Mengs, primo pittore del re cattolico Carlo III, Rómma, Stanpàia Pagliarini, 1787, p. 318.
13. Collu, 1983, p. 207
14. Collu, 1983, p. 206
15. Alizêro, 1864, p. 300
16. A. Orlando, in El siglo de los Genoveses (...), 1999, p. 434
17. Collu, 1983, pp. 210 ss
18. Collu, 1983, p. 210
19. Collu, 2014, pp. 22-31
20. Collu, 1983, pp. 217 ss
21. Collu, 1983, pp. 218-220
22. Magnani, 2012
23. Collu, 1983, pp. 226 ss
24. L. Ghio, in El siglo de los Genoveses (...), 1999, pp. 427-433
25. (IT) Piero Boccardo, Gerolamo Grimaldi e la Società Patria, Zêna, Sagep, 1990, pp. 64-66, ISBN 88-70-58367-8.
26. Alizêro, 1864, pp. 347 ss
27. Collu, 1983, p. 124
28. Alizêro, 1864, pp. 331 ss
29. Collu, 1983, p. 124
30. Alizêro, 1864, p. 352
31. Alizêro, 1864, p. 350
32. Alizêro, 1864, pp. 351 ss
33. Fasola, 1962
34. Alizêro, 1864, pp. 353 ss
35. (IT) Presentazione di Maria Vergine al tempio - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
36. (IT) San Domenico - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
37. (IT) Santa Rita da Cascia - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
38. (IT) Santa Caterina da Genova - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
39. (IT) San Francesco di Sales - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
40. (IT) Sacra Famiglia con San Giovanni Battista bambino, Sant'Elisabetta e San Zaccaria, Dio Padre e lo Spirito Santo - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
41. (IT) Trinità con la Madonna - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
42. (IT) Adorazione della Trinità - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
43. (IT) San Nicola di Bari - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
44. (IT) San Domenico e il rogo dei libri degli eretici albigesi - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
45. (IT) Approvazione dell'ordine domenicano - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
46. (IT) Crocifissione di San Pietro - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
47. (IT) Martirio di Santa Caterina - Carlo Giuseppe Ratti, in sce musa.savona.it. URL consultòu o 29 lùggio 2022.
48. (IT) San Nicola di Bari - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
49. (IT) I Santi Agostino e Monica in contemplazione della Trinità - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
50. (IT) San Tommaso d'Aquino - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
51. (IT) Nascita di Maria Vergine - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
52. (IT) Transito della Madonna - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
53. (IT) San Biagio guarisce un fanciullo - Giovanni Stefano Robatto, Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
54. (IT) Santo cappucino - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
55. (IT) Tancredi e Clorinda - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
56. (IT) Sant'Emidio - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
57. (IT) Adorazione dei pastori - Giovanni Battista Paggi, Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
58. (IT) SS. Trinità, San Nicola di Bari, San Nicola da Tolentino, San Emidio (?), Santa Margherita - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
59. (IT) La visione di S. Caterina da Genova - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
60. (IT) Annunciazione - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
61. (IT) Visitazione - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
62. (IT) Madonna con Bambino e San Giovannino - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
63. (IT) Il miracolo degli infermi sulla tomba di Santa Zita - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
64. (IT) Santa Zita passa le porte della città di Lucca - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
65. (IT) Santa Zita passa le porte della città di Lucca - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
66. (IT) Santa Zita compie il miracolo delle Civaie - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
67. (IT) San Francesco di Sales - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
68. (IT) Visione di Santa Caterina da Genova in purgatorio - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
69. (IT) Sacerdote - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
70. (IT) San Gottardo, Santi e donatori - Luca Cambiaso, Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
71. (IT) Annunciazione - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
72. (IT) San Pietro liberato dal carcere da un angelo - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
73. (IT) San Pietro ha la visione degli animali impuri - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
74. (IT) Cristo consegna le chiavi a San Pietro - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
75. (IT) San Pietro e San Giovanni Evangelista guariscono lo storpio - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
76. (IT) Caduta di Simon Mago - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
77. (IT) Crocifissione di San Pietro - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
78. (IT) San Michele Arcangelo - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
79. (IT) Ritratti di Giovanni Battista Paggi, Domenico Parodi, Lorenzo De Ferrari, Alessandro Magnasco - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
80. (IT) Ritratti di Giovanni Battista Carlone, Andrea Carlone, Bernardo Castello, Domenico Piola - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
81. (IT) Ritratti di Enrico Vaymer, Luca Cambiaso, Gio. Benedetto Castiglione, Carlo Antonio Tavella - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
82. (IT) San Francesco Saverio predica agli indigeni - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
83. (IT) Apparizione di San Giacomo il Maggiore nella battaglia di Clavio - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.
84. (IT) Cristo crocifisso con San Giuseppe da Copertino e il Beato Bonaventura da Potenza - Carlo Giuseppe Ratti, in sce catalogo.beniculturali.it. URL consultòu o 29 lùggio 2022.

Bibliografîa

• (IT) Giovanni Bottari e Stefano Ticozzi, Raccolta di lettere sulla pittura, scultura ed architettura scritte da' più celebri personaggi dei secoli XV, XVI, XVII, vol. VI, Milàn, 1822, pp. 183, 186, 193, 210.
• (IT) Federîgo Alizêro, Notizie dei professori del disegno in Liguria dalla fondazione dell'Accademia, vol. 1, Zêna, Stanpàia de Alvisopoli, 1864, pp. 241-356.
• (IT) Marçéllo Stagén, Memorie e documenti sulla Accademia Ligustica di Belle Arti, Zêna, 1867, p. 222.
• (IT) Giusta Nicco Fasola, Luigi Lanzi, Carlo Giuseppe Ratti e la pittura genovese, in Miscellanea di storia ligure in onore di Giorgio Falco, Milàn, Feltrinelli, 1962, pp. 357-408.
• (IT) Franco Sborgi, Pittura e cultura artistica nell’Accademia Ligustica a Genova dal 1751 al 1920, Zêna, 1974, pp. 26-29, 33 ss.
• (IT) Franco Sborgi, Pittura neoclassica e romantica in Liguria 1770-1860, Zêna, Ente manifestazioni genovesi, 1975.
• (IT) Rosalina Collu, Carlo Giuseppe Ratti pittore e storiografo d'arte, Sànn-a, Editrice Liguria, 1983, ISBN 88-80-55057-8.
• (IT) Paola Lattarulo, Pagine manoscritte dalla "Storia de' Pittori" di Carlo Giuseppe Ratti, in Labyrinthos, n. 5-6, Le Monnier, 1984, pp. 189-217.
• (EN) Timothy James Standring, Carlo Giuseppe Ratti's manuscript for "Le Vite de' pittori, scultori ed architetti genovesi", in The Burlington Magazine, vol. 126, 1984, p. 92.
• (IT) Franco Renzo Pesenti, L'Illuminismo e l'età neoclassica, in La pittura a Genova e in Liguria dal Seicento al primo Novecento, Zêna, Sagep, 1987, pp. 358-361, 374, ISBN 88-70-58214-0.
• (IT) Edi Baccheschi, Il Museo dell'Accademia Ligustica di Belle Arti. La pinacoteca, Zêna, Sagep, 1988, pp. 114-116, ISBN 88-70-58235-3.
• (IT) Mario Bartoletti, Carlo Giuseppe Ratti, in La pittura in Italia, vol. 2, Milàn, Electa, 1990, p. 848.
• (IT) Piero Boccardo e Clario Di Fabio, El siglo de los Genoveses e una lunga storia di arte e splendori nel palazzo dei Dogi, Milàn, Electa, 1999, ISBN 88-43-57270-9.
• (IT) Lorenza Rossi, Carlo Giuseppe Ratti, in Tra divulgazione e storiografia artistica, Zêna, 2000.
• (IT) Olivina Ghiorzo, La guida come ipertesto o progetto multimediale: la realizzazione digitalizzata delle edizioni comparate della Istruzione di Carlo Giuseppe Ratti, in Guide e viaggiatori tra Marche e Liguria dal Sei all'Ottocento, Pézaro, 2006, pp. 211-224.
• (IT) Maurizia Migliorini, Divulgazione e conoscenza della città di Genova dai Saggi cronologici alle edizioni della Istruzione di quanto può vedersi di più bello in Genova di Carlo Giuseppe Ratti, in Guide e viaggiatori tra Marche e Liguria dal Sei all'Ottocento, Pézaro, 2006, pp. 225-242.
• (IT) Lauro Magnani, Intorno alla fortuna di Correggio a Genova e alle Notizie storiche sincere del Ratti, in Mosaico. Temi e metodi d'arte e critica per Gianni Carlo Sciolla, vol. I, Nàpoli, Luciano Editore, 2012, pp. 307-320, ISBN 88-60-26151-1.
• (IT) Rosalina Collu, Mele: le storie di Sant’Antonio Abate secondo Carlo Giuseppe Ratti, in Sotto il segno di Antonio Abate. Arte e devozione a Mele (secoli XVI-XX), Zêna, Sagep, 2014, pp. 22-31, ISBN 88-63-73285-X.

Âtri progètti

Altri progetti

• Wikimedia Commons

• Wikimedia Commons a contêgne di files in sce Càrlo Giöxèppe Ràtto

Colegaménti estèrni

• (IT) Daniele Sanguineti, RATTI, Carlo Giuseppe, in Dizionario Biografico degli Italiani, vol. 86, Rómma, Treccani, 2016.
• (IT) Ratti, Carlo Giuseppe, in sce treccani.it. URL consultòu o 29 lùggio 2022.
• (IT) Carlo Giuseppe Ratti, in sce fosca.unige.it. URL consultòu o 29 lùggio 2022.

Contròllo de outoritæ	VIAF (EN) 74941532 · ISNI (EN) 0000 0001 0655 0087 · SBN (IT) PALV019417 · Europeana (EN) agent/base/10940 · LCCN (EN) n85382414 · GND (DE) 129782521 · BNF (FR) cb10555675t (data) · ULAN (EN) 500007469 · BAV (EN, IT) 495/253216 · CERL (EN) cnp01441767 · WorldCat Identities (EN) n85-382414