Marina 'e Cammarota | |
---|---|
Nazzione: | Italia |
Reggione: | Campania |
Pruvincia: | Salierno |
Cità: | Cammarota |
Coordinate: | 40°00′N 15°22′E |
Autezza: | 5 mslm |
Populazzione: | 3.500 (2009) |
Codice pustale: | 84059 |
Prefisso pe ttelefunà: | 0974 |
Marina 'e Cammarota (pe 'taliano Marina di Camerota, pe 'celentano Marina re Cammarota) è 'a cchiù grossa frazzione 'e Cammarota (pure cchiù do capeluoco), ind'a pruvincia 'e Salierno, Campania.
'A liggenda d'o nomme se fa derivà a l'Eneide, da Kamaroton, na bellissima femmena ra quale s'annammuraj Palinuro, 'o nucchiero d'Enea; ma 'o nomme, ca ind'o grieco signifeca "chiecato" (o 'ncurvato), pe riferimento 'a presenza d'e tante grotte. Ind'o XVII seculo ind'a l'anno 1848 piglia nomme pe decreto 'e Ferdinando II di Borbone. Verso 'a fine d'o 1800 e 'a l'inizzio d'o '900 ha subbito 'o fenomeno 'e l'emigrazzione, principalmente verso 'o Venezuela. 'O paese ha mantenuto nu ligame forte cu 'o paese suddamericano, tanto ca ind'o centro d'o paese se trova na statua d'o "libertador" Simón Bolívar, ca tene dedicate pure 'a via prencepale d'o paese e nu cinema.
'O paese se trova ind'o sud d'o Ciliento, ngopp'a strada statale 562 e s'affaccia nd'o Mar Tirreno, facenno da puorto p'o commune suojo. Se trova a 8 km 'a Palinuro, 5 'a Cammarota, 18 'a San Giuanne 'a Piro e chiù o meno 90 'a Salierno. 'A zona d'a costa va r'a Grotta d'o Ciclope a ovest (vicino Palinuro), anfi a zona d’’e Lentiscelle. L'ati cale a mare songo, a ovest, Cala d'o Ciefalo, Cala Finocchiara, Cala r'Arconte (cu n'isulella n'faccia), Calanca (ind'o paese); a est Lentiscelle (addo sta 'o campusanto). Situata propeto 'o 40° parallelo nord, Marina 'e Cammarota è 'o paese cchiù a sud d’’a Campania.
'A Marina è na zona turisteca prencepalmente ind'a staggione, sia p'a pusizzione ind'o parco d"o Ciliento ca p’’a qualetà 'e ll'acque soje. 'O paese tene vari punte 'e nderesse turisteco, ca songo:
Marina 'e Cammarota tene nu puorto abbastanza 'mpurtante, custruito ind'o 1968, ca è o'cchiù attrezzato ropp'chill'e Salierno. Usato p'e pescherecci e pe trašpuorte passeggere, è cullegato cu Salierno, Napule e Capri grazzie 'a certi linie r'aliscafo (MM4, MM5/W, MM6, MM6/W), chiammate "Metrò d'o Mare". 'E pescherecci d'o puorto anna avuto na bannera blu speciale [2] ind'a staggione 2007.
A livello 'e ferruvia, 'a stazzione cchiù vicina 'e Pisciotta-Palinuro, a 20 km, cullegata pe mezzo 'e autobus. 'A strada veloce cchiù vicina, semp'a 20 km, è a variante d'a SS 18, da 'e parte 'e S.Severino, frazzione 'e Centola.