Eddie Locke
Edward „Eddie“ Locke (* 8. Februar 1930 in Detroit; † 7. September 2009 in Ramsey (New Jersey)) weer en US-amerikaansch Slagtüüchspeler vun de Mainstream un Modern Jazz.
Eddie Locke wurr Enn’ vun de 1940er un in de 1950er Johren in de Detroiter Jazzszene bekannt; van 1948 bit 1953 hett he mit Oliver Jackson in de Varieteshow Bop & Locke arbeit. 1954 wurrn se in’t Apollo Theater bucht. Locke bleev in New York City un arbeit dor mit Dick Wellstood, Tony Parenti, Red Allen, Willie „The Lion“ Smith, Teddy Wilson, Roy Eldridge, Kenny Burrell (Bluesy Burrell, 1962) un mit Coleman Hawkins (Today and Now, 1962), in de sien Band he bit 1969 bleev. In de 1970er Johren weer he Liddmaat in dat Sextett vun Eldridges un de Huusslagtüüchspeler in’ Jimmy Ryan’s; he speel mit Lee Konitz, Tiny Grimes un Earle Warren. Buterdem nehm he mit Roy Eldridge, Oscar Peterson, Joe Pass un Ray Brown dat Album Happy Time up; 1977 speel he dat Album Jivin' With the Refugees from Hastings Street för Chiaroscuro Records in. In de 1980er Johren weer he Baas vun sien eegen Trio (mit Roland Hanna.1999 hett her an Warren Vachés Album What Is There to Say? mitwarkt un he speel ok völ in Europa un Japan. 2008 is he mit Dick Hyman up dat JVC-Festival in New York uptreden. Dorneben weer he as Schoolmeester an de Highschool of Performing Arts un der Trevor Day School in New York tätig.
Literatur
[ännern | Bornkood ännern]- Richard Cook & Brian Morton: The Penguin Guide to Jazz on CD, 6th Edition, London, Penguin 2002 ISBN 0-14-017949-6.
- Leonard Feather, Ira Gitler: The Biographical Encyclopedia of Jazz. Oxford University Press, Oxford usw. 1999; ISBN 978-0-19-532000-8