Friedrich Zimmermann

Friedrich Zimmermann (* 18. Juli 1925 in München; † 16. September 2012 in Filzmoos, Öösterriek) weer en düütsch Politiker vun de CSU.

He weer van 1982 bit 1989 Binnenminister vun de Bundsrepubliek Düütschland un van 1989 bit 1991 Bundsminister för Verkehr.

Leven un Berop

Van 1943 bit 1945 nehm Zimmermann as Suldat an de Tweete Weltkrieg deel un weer toletzt Leutnant vun de Reserve. Nahdem de Krieg to Ennen weer hett he sien Abitur maakt (1946) un hett dornah Juristeree un Volksweertschap in München studeert. 1951 hett he sien tweet Staatsexamen makt. 1950 hett he sien Doktertitel kregen. Van 1951 bit 1954 weer he, eerst as Assesser, later henn as Regierungsraat, in’ Bayerischen Staatsdeenst tätig. Siet 1963 weer he as Afkaat tolaaten.

Friedrich Zimmermann weer kathoolsch, to’n darten Mal verheiraadt un hett twee Kinner harrt.

Partei

Bit 1945 weer Zimmermann Liddmaat vun de NSDAP, ok wenn dat ruhen de, wiel he bi de Wehrmacht weer. Siet 1948 is he bi de CSU. 1955 wurr he Hööftgeschäftsföhrer vun de CSU un weer van 1956 bit 1963 Generalsekretär vun de CSU. Dornah weer he bit 1967 CSU-Landesschatzmeester un vun 1979 bit 1989 stellvertredend Vörsitter vun de Partei.

Afordnter

Van 1957 bit 1990 weer Zimmermann Liddmaat vun de Düütsche Bundsdag. He hett woll an’ 15. Oktober 1969 sien Mandat daalleggt, is aber nah de Bundsdagswahl 1969 ok weer in de Bundsdag intrucken. He is immer direkt in de Bundsdag wählt wurrn un bruuk nie över en Listenplatz afsekert wurrn.

Hier weer he van 1961 bit 1982 Vörstandsliddmaat vun de CSU/CSU Bundsdagsfranktschoon. Van 1965 bit 1972 weer Zimmermann Vörsitter vun de Verdefferenden-Utschuss vun de Düütsch Bundsdag. Nah de Bundsdagswahl 1976 wurr he Vörsitter vun de CSU-Landsgruppe un to’n Eersten Stellvertredend Vörsitter vun de CDU/CSU Bundsdagsfraktschoon wählt. Dit Amt harr he bit Oktober 1982.

Apenlich Ämter

An’ 4. Oktober 1982 wurr he as Binnenminister in de Bundsregeeren ünner Kanzler Helmut Kohl beropen. 1989 hebbt se dat Kabinett ümbildt, un so wurr he an 21. April 1989 Bundsverkehrsminister. Nah de Bundsdagswahl 1990 is he ut de Regeeren utscheeden.