Aurelia Frick

Aurelia Frick

Statsborgarskap Liechtenstein
Fødd 19. september 1975 (49 år)
St. Gallen
Yrke politikar, advokat
Politisk parti Fortschrittliche Bürgerpartei
Aurelia Frick på Commons
Frå venstre til høgre: Austerrikes utanriksminister Karin Kneissl, Tyrkias utanriksminister Mevlüt Çavuşoğlu, Liechtensteins utanriksminister Aurelia Frick, Noregs utanriksminister Ine Eriksen Søreide og Andorras utanriksminister Maria Ubach Font under ministerrådsmøtet til OSSE i Milano 6. desember 2018

Aurelia Cäcilia Katharina Frick (fødd 19. september 1975 i St. Gallen) er ein liechtensteinsk politikar som frå 2009 til 2019 var utanriksminister i Liechtenstein.

Liv og virke

[endre | endre wikiteksten]

Frick er dotter av ein kjøpmann.[1]

Frick gjekk på Liechtensteinisches Gymnasium i Vaduz før ho utdanna seg til jurist i Sveits. Ho studerte frå 1995 juss ved Universität Freiburg og avslutta i 1999 med lisensiatgrad.[2] I 2004 avla ho advokateksamen i Zürich. Den juridiske doktorgraden avla ho i 2005 ved Universität Basel.

Frå 2001 arbeidde Frick i domstolsvesenet og i eit advokatfirma i Zürich, før ho frå 2005 til 2006 arbeidde i London.[2] Deretter arbeidde ho for leiarrekrutteringsfirmaet Dr. Bjørn Johansson Associates AG i Zürich før ho i eit par år arbeidde som sjølvstendig næringslivskonsulent. Frå 2008 til 2009 førelas ho også ved Hochschule Liechtenstein.

Frick blei i 2009 regjeringsmedlem og utanriksminister.[2] I tillegg til utanrikssaker, har porteføljen hennar omfatta justissaker og kultur (2009–2013), undervisning og kultur (2013–2017) og frå mars 2017 igjen justissaker og kultur. I juli 2019 tapte ho eit mistillitsframlegg mot seg og gjekk av som utanriksminister.[3]

Frick er medlem av Fortschrittliche Bürgerpartei (FBP), der ho frå 2009 sat i presidiumet til partiet.[2]

Kjelder

[endre | endre wikiteksten]
  1. ↑ «Frick, Aurelia», Historisches Lexikon des Fürstentums Liechtenstein. Lest 22. desember 2018.
  2. ↑ 2,0 2,1 2,2 2,3 Regierungsrätin «Dr. Aurelia Frick» Arkivert 22. desember 2018 på Wayback Machine., Regierung des Fürstentums Liechtenstein. Lest 22. desember 2018.
  3. ↑ Günther Meier (2. juli 2019). «Liechtenstein: Aussenministerin Frick verliert Vertrauen». Neue Zürcher Zeitung (på tysk). Henta 13. april 2020.