Gerd-Liv Valla
| Gerd-Liv Valla | |
 | |
| Statsborgarskap | Noreg |
| Fødd | 25. januar 1948 (76 år) Korgen |
| Yrke | politikar, friidrettsutøvar, fagforeningsleder |
| Politisk parti | Arbeidarpartiet |
| Medlem av | Kommunistisk Universitetslag |
| Gerd-Liv Valla på Commons | |
Gerd-Liv Valla (fødd 25. januar 1948) var leiar for Landsorganisasjonen (LO) frå 2001 til 2007. I 1997 var ho statsråd og sjef for Justis- og politidepartementet (justisminister) i regjeringa til Thorbjørn Jagland.
Bakgrunn, utdanning og yrke
[endre | endre wikiteksten]Valla er frå Korgen i Nordland. Ho har hovudfag i statsvitskap, med mellomfag i sosialantropologi mellomfag og grunnfag i offentleg rett. Ho tok pedagogisk seminar i 1979, og vart cand. polit. ved Universitetet i Oslo i 1977. I sju år var ho gift med historikaren Harald Berntsen.
Valla var som student med i Kommunistisk Universitetslag (KUL), ei gruppe med basis i Filosofisk Institutt på Blindern. Grupperinga samarbeidde med Kommunistisk Arbeidarforbund (KA) og vart etterkvart KA sin studentorganisasjon. Ho var aktiv studentpolitikar og leiar i Norsk Studentunion 1974–75.
Ho har arbeid både i fagrørsla og som førstekonsulent og kontorsjef i Norges Allmenvitenskapelige Forskningsråd, samt som høgskolelektor ved Eik Lærerhøyskole i Tønsberg.
Valla hadde som LO-leiar ei rad styreverv, deriblant styreleiar i A-pressa og i Fafo. Ho er også medlem av sentralstyret i Arbeidarpartiet. Ho gjekk av som leiar etter ei sak om arbeidsmiljø i LO og påstander om at ho mobba nære medarbeidarar.
Tidlegare politisk karrière
[endre | endre wikiteksten]Ho var politisk rådgjevar ved Statsministerens kontor frå 1990 til 1992, og deretter statssekretær same stad fram til 1994, under statsminister Gro Harlem Brundtland. Frå 1994 til 1997 var ho forbundsnestleiar i Norsk Tenestemannslag (NTL).
Ho etterfølgde Anne Holt som statsråd i Justis- og politidepartementet i 1997, men regjeringa gjekk av etter valet same år. Ho var nestleiar i LO frå 1997 fram til ho i 2001 vart vald som ny leiar etter Yngve Hågensen. Valla var den første kvinnelege leiaren i LO.
Kjelde
[endre | endre wikiteksten]- «Gerd-Liv Valla» på Wikipedia på bokmål og riksmål.