Ismaïl Sghyr

Ismaïl Sghyr
Statsborgarskap	Frankrike
Fødd	16. mars 1972 (52 år) Taroudant
Idrett	friidrett
Tok del i	Sommar-OL 2004, Sommar-OL 1996

Ismaïl Sghyr (fødd 16. mars 1972) er ein marokkansk tidlegare langdistanseløpar som frå 2000 tevla for Frankrike. Han vann sølvmedaljen på 5 000 meter under europameisterskapen 2002.

Aktiv

16 år gammal flytta Sghyr til Bordeaux i Frankrike, men kom til å representere Marokko til han hausten 1999 vart fransk statsborgar. Han slo gjennom med fjerdeplass på 5 000 meter i Göteborg-VM 1995. Etter å ha vunne 10 000-meteren ved Mellomhavsleikane 1997 vart han same sesongen på ny nummer 4 på 5 000 m under verdsmeisterskapen i Aten.

30. juli 1999 sette Sghyr personbeste på 10 000 meter med 27.12,3 ved DN-galan i Stockholm, slått einast av Paul Tergat frå Kenya. Under Bislett Games i Oslo 28. juli 2000 forbetra han sin personlege rekord og den franske rekorden på 5 000 meter til 12.58,8, endå om han berre vart nummer 7 i tevlinga.

Sghyr representerte Frankrike ved Edmonton-VM 2001 der han vart femtemann på halvmila. Året etter sprang han inn til sølvmedalje på same distansen ved europameisterskapen 2002.

Medaljar og plasseringar i internasjonale meisterskap

• VM 1995 i Göteborg: Nr 4 på 5 000 m – 13.17,8
• OL 1996 i Atlanta: Nr 11 på 5 000 m – 13.22,8
• VM 1997 i Aten: Nr 4 på 5 000 m – 13.17,4
• VM 1999 i Sevilla: Nr 15 på 10 000 m – 28.41,4
• VM 2001 i Edmonton: Nr 5 på 5 000 m – 13.07,7
• EM 2002 i München: Sølvmedalje på 5 000 m – 13.39,8, bakom Alberto García (13.38,1)
• VM 2003 i Paris: Nr 10 på 10 000 m – 27.54,8
• OL 2004 i Aten: Nr 8 på 10 000 m – 27.57,0
• VM 2005 i Helsinki: Nr 55 i maraton – 2.27.07

Kjelder

• Denne artikkelen bygger på «Ismaïl Sghyr» frå Wikipedia på tysk, den 13. august 2020.

Bakgrunnsstoff

• «Smail Sghyr» (på engelsk). olympedia.org. Henta 20. februar 2023.