Jako av Ladaniva

«Jako»
Song av Ladaniva[1]

Land Armenia, Frankrike
Språk Armensk
Utgjeve 23. september 2023
Sjanger Verdsmusikk
Lengd 02:25
Selskap Jiguli, PIAS Recordings
Låtskrivar(ar) Audrey Leclercq, Jaklin Baghdasarjan, Louis Thomas

«Jako» (armensk: Ժակո – Zjako) er ein song frå 2023 med den fransk-armenske verdsmusikkduoen Ladaniva[2]. Songen blei gjeven ut 23. september 2023 og var det armenske bidraget til Eurovision Song Contest 2024 i Malmö.

Om songen

[endre | endre wikiteksten]

«Jako» er komponert av medlemmane i Ladaniva, Jaklin Baghdasarjan og Louis Thomas, saman med Audrey Leclercq, og produsert av Jasper Maekelberg.[3][4] Tittelen på songen er avleia frå fornamnet til Baghdasarjan. Songen blei skildra som Baghdasarjan sin påstand om hennar «rett til å tenkje fritt og til å vere den ho vil vere». Ho kritiserer samfunnet for å påleggje kunstige avgrensingar og normer, og seier at desse får jenter til å miste oversikten på kven dei eigentleg er sidan dei ofte blir fortalde korleis dei skal oppføre seg. Baghdasarjan forklarar:

«Dei pleidde å kalle meg 'Jako' då eg var lita. I oppveksten har eg alltid blitt fortald korleis jenter skal oppføre seg, vere audmjuke, kle seg normalt, ikkje snakke for mykje, ikkje gjere gale ting.»

Vidare blir songen skildra som ein bodskap til seg sjølv og til «alle dei små ‘Jako-ane’ rundt om i verda» om å følgje det sanne kallet sitt og forbli tru mot deira autentiske eg, slik ho gjorde gjennom kunsten. Songen blir også skildra som ein invitasjon til å ‘stå opp og danse’, uansett kva folk seier.[5] David Tserunjan, delegsjonssjefen til Armenia, forklarer vidare «[songen] rørar ved ei veldig viktig sak, men på ein munter og leiken måte. Vi håpar å inspirere folk over heile verda til å omfamne deira indre 'Jako' og bli med i denne styrkande dansen av fridom!»[6]

Eurovision Song Contest

[endre | endre wikiteksten]

Ladaniva blei vald av den armenske kringkastaren ARMTV til å representere Armenia i Eurovision Song Contest 2024.[7] Gjennom den interne uttakinga, vedtok kringkastaren at «Jako» skulle vere det armenske bidraget.[6]

Armenia deltok i den andre semifinalen torsdag 9. mai i Malmö.[8] I semifinalen blei «Jako» nummer tre og kvalifiserte seg til finalen laurdag 11. mai.[9][10] I finalen enda låten på åttandeplass med 183 poeng.[11] Dette var den beste plasseringa til Armenia i Eurovision Song Contest sidan 2016, då Iveta Mukutsjjan enda på sjuandeplass med låten «LoveWave».

Listeplasseringar

[endre | endre wikiteksten]
Liste (2024) Høgaste
plassering
Hellas internasjonal (IFPI)[12] 19
Litauen (AGATA)[13] 22
Nederland (Single Tip)[14] 6
Sverige Heatseeker (Sverigetopplistan)[15] 12

Kjelder

[endre | endre wikiteksten]
  1. ↑ Ikkjeraud lenkje som bør gjerast om til vanleg lenkje.
  2. ↑ Ikkjeraud lenkje som bør gjerast om til vanleg lenkje.
  3. ↑ «Jako - Song by Ladaniva». Apple Music. Henta 13. mars 2024. 
  4. ↑ Conte, Davide (13. mars 2024). «Armenia: Ladaniva Release "Jako"». eurovoix.com. Eurovoix News. Henta 13. mars 2024. 
  5. ↑ Adams, William Lee (13. mars 2024). «Jako! Armenia’s LADANIVA share their Eurovision 2024 song». Wiwibloggs. Henta 13. mars 2024. 
  6. ↑ 6,0 6,1 «Armenia's song for Malmö is released - 'Jako' by Ladaniva». eurovision.tv. European Broadcasting Union. 13. mars 2024. Henta 13. mars 2024. 
  7. ↑ «Ladaniva will be representing Armenia at Malmö 2024». Eurovision.tv (på engelsk). European Broadcasting Union (EBU). 9. mars 2024. Henta 9. mars 2024. 
  8. ↑ «Eurovision 2024: Semi-Final Draw results». Eurovision Song Contest (på engelsk). European Broadcasting Union. 30. januar 2024. Arkivert frå originalen 30. januar 2024. Henta 8. mars 2024. 
  9. ↑ «Armenia's "Ladaniva" reached Eurovision Song Contest 2024 final». Armenpress (på engelsk). 10. mai 2024. Henta 31. mai 2024. 
  10. ↑ Vautrey, Jonathan (12. mai 2024). «Eurovision 2024 semi-finals: Detailed results show Croatia and Israel won each show». Wiwibloggs (på engelsk). Arkivert frå originalen 14. mai 2024. Henta 12. mai 2024. 
  11. ↑ «Grand Final of Malmö 2024 - Armenia Grand Final Results Allocation». Eurovision Song Contest. European Broadcasting Union. Arkivert frå originalen 15. mai 2024. Henta 30. mai 2024. 
  12. ↑ «Official IFPI Charts − Digital Singles Chart (International) − Εβδομάδα: 20/2024» (på gresk). IFPI Greece. Arkivert frå originalen 22. mai 2024. Henta 22. mai 2024. 
  13. ↑ «2024 20-os savaitės klausomiausi (Top 100)» (på litauisk). AGATA. 17. mai 2024. Arkivert frå originalen 17. mai 2024. Henta 17. mai 2024. 
  14. ↑ «Dutch Single Tip 18/05/2024» (på nederlandsk). MegaCharts. Arkivert frå originalen 18. mai 2024. Henta 18. mai 2024. 
  15. ↑ «Veckolista Heatseeker, vecka 20». Sverigetopplistan. Arkivert frå originalen 13. mai 2024. Henta 17. mai 2024.