Manuel Osa Nsue Nsua

Manuel Osa Nsue Nsua
Fødd21. juli 1976 (48 år)
Nsok-Nsomo
Statsborgar avEkvatorial-Guinea
Yrkeadministrerande direktør, politikar
Alle verv
  • Ekvatorial-Guineas statsminister (2024–) Sjå dette på Wikidata

Manuel Osa Nsue Nsua (fødd 21. juli 1976) er ein ekvatorialguineansk politikar og bankmann som frå 17. august 2024 har vore statsminister i Ekvatorial-Guinea. Han var sentralbanksjef i landet før han blei utnemnd til statsminister.

Biografi

[endre | endre wikiteksten]

Osa blei fødd 21. juli 1976 i Andom-Onvang i Nsok-Nsomo-kommunen i provinsen Kié-Ntem i Ekvatorial-Guinea.[1] Som seksåring flytta han til Mallorca og fekk skulegang og utdanning der.[2] Han har studert økonomi og bedriftsøkonomi ved Universidad de las Islas Baleares i Palma de Mallorca, og han har mastergrad i økonomistyring og forretningsrekneskap frå Pompeu Fabra University i 2005.[1]

Etter at Osa hadde fullført studia jobba han ein kort periode ved økonomidirektoratet i den autonome regionen Balearene før han blei tilsett i Santander Bank. Der steig han i gradane og blei etter kvart generaldirektør for avdelinga på Mallorca og rådgjevar for Madrid-kontoret.[2]

I 2012 returnerte Osa til fødelandet og blei administrerande direktør for nasjonalbanken i Ekvatorial-Guinea (Banco Nacional de Guinea Ecuatorial, BANGE).[3][4] Banken, som har hovudsete i den ekvatorialguineanske hovudstaden Malabo, er den einaste långjevar til private med base i Ekvatorial-Guinea.[5] Osa overtok BANGE då banken var på randa av konkurs og fekk han på beina igjen. Det anerkjente tidsskriftet Jeune Afrique utropte Osa til bankens redningsmann.[1] Som administrerande direktør utvikla han banken med mange nye avdelinger, og også eit kontor i Spania. I 2019 var banken etablert i alle distrikta i Spania, med unntak av to.[6] I tillegg til å leie banken innanlands sat han også i styret for avdelinga i Kamerun.[7]

Osa fekk ei rekkje utmerkingar for innsatsen sin for nasjonalbanken.[8] I 2016 blei han kåra til årets bankdirektør, BANGE blei kåra til årets bank[8] Han blei også heidra i åra etter.[9][10] Osa var også styreformann i Bange Business School, som blei starta opp i 2020.[11]

Den 16. august 2024 blei Osa utnemnd til statsminister i Ekvatorial-Guinea av president Teodoro Obiang Nguema Mbasogo. Han etterfølgde Manuela Roka Botey som trekte seg etter påstandar om at regjeringa var ineffektiv.[5][7] I forordning frå presidenten blei Osa sett til å gjennomgå den administrative strukturen i landet.[3] Utnemninga kom samstundes som landet gjekk inn i ei økonomisk krise.[5]

Kjelder

[endre | endre wikiteksten]
  1. ↑ 1,0 1,1 1,2 Devey Malu-Malu, Muriel (30. juni 2016). «Entrepreneurs en Guinée équatoriale : Manuel Osa Nsue Nsua, le sauveur de la Banque nationale» (på fransk). Jeune Afrique. 
  2. ↑ 2,0 2,1 Wandji, Arthur (17. august 2024). «Qui est Manuel Osa Nsue Nsua, le nouveau Premier ministre de Guinée équatoriale ?» (på fransk). EcoMatin. 
  3. ↑ 3,0 3,1 Ndongmo, Kathleen (17. august 2024). «Equatorial Guinea’s President Names New Prime Minister». News Central Africa. 
  4. ↑ Jimenez, Jose. «Untitled» (på spansk). Bange Business School. Arkivert frå originalen 13. april 2024. Henta 25. august 2024. 
  5. ↑ 5,0 5,1 5,2 Hoije, Katarina (17. august 2024). «Equatorial Guinea Leader Taps Ex-Banker to Tackle Graft». Bloomberg News. 
  6. ↑ «Manuel Osa NSUE NSUA: Somos el mejor banco de Guinea Ecuatorial, los logros están a la vista de todos» (på spansk). Guinea Infomarket. 10. desember 2019. 
  7. ↑ 7,0 7,1 Nvó Acaba, Bélgica (17. august 2024). «ÚLTIMA HORA: Manuel Osá Nsue Nsua, nuevo primer ministro de Guinea Ecuatorial» (på spansk). Ahora EG. 
  8. ↑ 8,0 8,1 «Global Banking and Finance Awards 2016». The European Magazine. 
  9. ↑ «Bank of the Year Awards 2017 – Africa». The Banker. 29. november 2017. 
  10. ↑ «The Banker galardona a BANGE como mejor banco en Guinea Ecuatorial del año 2022» (på spansk). Guinea Ecuatorial Press. 2. desember 2022. 
  11. ↑ «Manuel osa Nsue Nsua». LinkedIn.