«South of the Border» er ein populær amerikansk song som skildrar ein tur til Mexico, skriven av Jimmy Kennedy og Michael Carr. Songen kom ut i 1939 for filmen South of the Border med countrystjerna Gene Autry.[1]
I teksten ser ein mann attende med anger og smerte for å ha lyge til ei kvinne han ikkje kan gløyme - «...and now as I wander, my thoughts ever stray...». Han kjem attende til ho for seint og oppdagar at ho har blitt ei nonne.[2] Teksten er mykje meir nedtont enn musikken, som svintar av glede.
Songen vart ein hit i 1939 for Shep Fields, med vokal av Hal Derwin.[3] Andre suksessrike innspelingar i 1939 var av Guy Lombardo, Gene Autry, Ambrose med vokal av Denny Dennis og Tony Martin.[4]
Frank Sinatra spelte inn songen 30. april 1953[5] for Capitol Records og nådde 18. plassen på Billboard-lista.[6]
Medlemmar av Western Writers of America valde songen som ein av dei 100 beste western-songane gjennom tidene.[7]
Tola (Torleif Larssen) har skrive ein norsk tekst og Øystein Sunde har skrive ein meir humoristisk norsk tekst. Versjonen til Tolas heiter «Sollyse dager ved Mexicos strand», medan Sunde sin versjon heiter «Saus over bordet».
| År | Songtittel | Albumtittel | Artist | Tekstforfattar | Platetype | Platemerke og katalognummer |
|---|---|---|---|---|---|---|
| 1939[19] | «Sollyse dager ved Mexicos strand» | Jens Book-Jenssen med Ø. Berghs Bristolorkester | Tola | 78-plate | Columbia GN 716 | |
| 1939 | «Sollyse dager ved Mexicos strand» | Øystein Frantzen | Tola | 78-plate | His Master's Voice | |
| «Sollyse dager ved Mexicos strand» | Ivar Ruste | Tola | ||||
| 1981 | «Saus over bordet» | Barkebille boogie | Øystein Sunde | Øystein Sunde | LP | Philips 6327 046 |