Petru Floridia

Artìculu dâ seria Mùsica
ARTÌCULI E LISTI

Storia di la mùsica
Tiurìa | Gènira | Strummenta
Cumpusitura
Dirittura | Òpiri / Album / Gruppi

CATIGURÌI

Mùsica | Gruppi
Cantanti


Petru Florida (Muòrica, 5 di maju 1860 – Nova Jorca, 16 di austu 1932) fu nu cumpusituri, pianista, diritturi e maistru di mùsica sicilianu.

Fu lu figghiu di Francescu Floridia e Anna Maria Napulinu Floridia. Ricivìu ‘n reda di sò matri lu tìtulu di Baruni Napulinu di San Silvestru.

Studiau lu pianu sutta Cesi e Paulu Serrau, e cumpusizzioni sutta Lauru Bossi, ô Cunzirvatoriu di San Petru a Majella a Nàpuli. Quarchi annu doppu studiau cu Hans von Bulow.

Addamentri ca fici studenti pubbricau certi cumpusizzioni pi piano chi àppiru anticchia di successu. Ntô 1882 scrivìu la sò prima òpira: Carlotta Clepier a Nàpuli. Vinni laudata, ma iddu nun s’arristau suddisfattu, e nfini abbruciau la partitura musicali e si turnau ‘n Sicilia pi cuntinuari chî soi scoli.

Duranti 1885 e 1886 sunau ê cuncerti comu nu pianista e dû 1888 ô 1892 nzignau la mùsica ô Cunzirvatoriu di Palermu. Ntô 1889 vincìu lu premiu dâ Sucitati dû Quartettu di Milanu pi na sinfunìa chi vinni prisintata ntô 1904 a Zùricu.

Ntô 1904 accittau na pusizzioni comu maistru di mùsica e cumpusituri a Nova Jorca, unni arristau pû restu dâ sò vita, rifiutannu quarchi ufferta pi turnari ‘n Sicilia.

Rifirimenti

[cancia | cancia la surgenti]
  • Sicilia Parra, Vulumi XVII, No. 2, Mmernu 2005.