Mariya Mashkova | |
---|---|
Tavalludi |
ruscha: Мария Владимировна Машкова 19-aprel 1985-yil |
Fuqaroligi |
![]() ![]() ![]() |
Kasbi | Aktrisa |
Faoliyat yillari | 1997-yildan |
Otasi | Vladimir Mashkov |
Onasi | Yelena Shevchenko |
Mashkova Mariya Vladimirovna (1985-yil 19-aprel, Novosibirsk, RSFSR, SSSR) – rus teatr va kino aktrisasi.
Aktrisa 1985-yil 19-aprelda Novosibirskda tugʻilgan. Otasi – Vladimir Lvovich Mashkov (1963-yilda tugʻilgan), aktyor va rejissyor, Rossiya Federatsiyasi xalq artisti (2011). Onasi – Yelena Pavlovna Shevchenko (1964-yilda tugʻilgan), aktrisa va rejissyor, Vladimir Mayakovskiy nomidagi Moskva akademik teatrida xizmat qilgan.
Erta bolalik (bir oylik) dan, yaʼni ota-onasi Moskvaga teatr universitetlariga oʻqishga borganlaridan sakkiz yoshiga qadar Mariya buvisi Valentina bilan Novosibirsk yaqinidagi avia shaharchasida yashagan (Valentina styuardessalar maktabida estetika va axloq oʻqituvchisi boʻlib ishlagan), bobosi Pavel uchuvchi boʻlgan. Aktrisaning ota-onasi Mariya ikki yoshligida ajrashishgan. Ajralishdan keyin Vladimir Mashkov boshqa oila qurgan. Onasi ham ikkinchi marta turmushga chiqqan va ikki oʻgʻil farzandli boʻlgan. Mariyaning ukalari: Kattasi Nikita (1994-yilda tugʻilgan) va kichigi Vsevolod (2002-yilda tugʻilgan).
1992-yilda Masha onasi bilan Moskvaga koʻchib oʻtgan, u yerda yetti yoshida birinchi marta teatr sahnasida koʻrinish qilgan. Mariya oʻsha paytda onasi xizmat qilgan Vladimir Mayakovskiy nomidagi Moskva akademik teatri sahnasida Terens Rettigen (rejissyor Andrey Goncharov) pyesasi asosida „Viktoriya?..“ spektaklida kichik rol oʻynagan. Asosiy rollarni Natalya Gundareva va Armen Djigarxanyan oʻynagan. 2002-yilda u etnik-madaniy moyillikdagi oʻrta maktabning oʻn birinchi sinfida oʻqiyotganida, xuddi shu teatrda Henrik Ibsenning shu nomdagi pyesasi asosida Tatyana Axramkova[1] rejissyori boʻlgan „Stroitel Solnes“ spektaklida Hilda bosh rolini oʻynagan.
Mariya oʻn bir yoshida Vladimir Grammatikovning „Malenkaya prinsessa“ (1997) filmida debyut qilgan, unda aktrisa yaramas qiz Laviniya rolini oʻynagan. 1998-yilda u onasi bilan birga Maksim Pejemskiyning mashhur „Mama, ne goryuy“ komediyasida bezori Masha rolini ham oʻynagan. 1999-yilda Valeriy Axadovning „Jenshin obijat ne rekomenduetsya“ filmi chiqqan, unda Mariya bosh qahramonning qizi rolini ijro etgan[1].
Aktrisa 2006-yilda Moskva davlat „Lenkom“ teatrining truppasiga qabul qilingan. Bir necha yil mobaynida bu truppada faoliyat yuritgan va 2010-yilda qizi tugʻilishidan oldin ishdan ketgan[1][2].
Dastlab u filmlarda, shu jumladan Vladimir Mashkovning „Papa“ (2004) filmida kichik rollarni oʻynagan. Tropinkinaning „Ne rodis krasivoy“ (2005-2006) teleserialidagi rolidan keyin aktrisa anchagina shon-sharafga erishgan.
Birinchi turmush oʻrtogʻi – Artyom Sergeyevich Semakin (1980-yil 12-iyulda tugʻilgan), teatr va kino aktyori. Ular Tropinkinaning „Ne rodis krasivoy“ filmining suratga olish jarayonida tanishishgan. Bu vaqtda aktrisa turmushga chiqmagan, Artyom esa uylangan boʻlgan. Uning xotini aktrisa Anastasiya Milyayeva boʻlgan va ularning Sofiya ismli qizi bor boʻlgan[3]. 2005-yilda Artyom va Mariya yashirincha turmush qurishgan. Ularning munosabatlari 2005-yildan 2009-yil apreligacha davom etgan.
Ikkinchi turmush oʻrtogʻi (2009-yil sentyabr oyida turmush qurgan) – kichik Aleksandr Aleksandrovich Slobodyanik, RSFSRda xizmat koʻrsatgan artist, pianinochi Aleksandr Slobodyanikning oʻgʻli (09.05.1941 – 08.11.2008). Pianinochi, tadbirkor, musiqa asboblari sotuvchi doʻkonlar tarmogʻi egasi, ssenariynavis, kino prodyuseri, aktyor[4]. Aleksandr va Mariya hozirda AQShda yashaydi. Mariya Mashkova eri haqida 2022-yil 6-may kuni Youtube platformasiga joylangan Yuriy Duduga bergan intervyusida turmush oʻrtogʻi Sashkaning juda ham aqllililigini va ular bir-biri bilan doʻst ekanligini aytib oʻtgan. Ularning 2 ta qizi bor. Kattasi Stefaniya Aleksandrovna Slobodyanik (2010-yil 6-iyunda tugʻilgan)[2] va kichigi Aleksandra Aleksandrovna Slobodyanik (2012-yil 12-martda tugʻilgan).
2017-yil – VTB 24 YoAJning asosiy reklama xodimi boʻlgan otasi Vladimir Mashkov bilan Mariya sehrli realizm janrida suratga olingan bankning „Oddiy haqiqatlar“ reklama kampaniyasining ikkita videosida rol oʻynagan. Suratga olish ishlari Portugaliyada boʻlib oʻtgan.
AQShda yashovchi aktrisa Mariya Mashkova CNN telekanalida Rossiyaning Ukrainaga bostirib kirishiga qarshi boʻlganini aytgan boʻlsa, 2022-yil 22-mart kuni RBC telekanalidagi intervyusida esa Ukrainada sodir boʻlayotgan voqealarni „aql bovar qilmaydigan“ deb atagan. "Rossiya maxsus operatsiyasini qoʻllab-quvvatlovchi uning otasi Vladimir Mashkov qiziga „yaxshi rus boʻlish“ va „xiyonat uchun kechirim soʻrash“ kerakligini aytib qoʻngʻiroq qildi", deb xabar bergan.
Mashkova Yuriy Dudga bergan intervyusida „Rossiya 1“ telekanalida ishlashdan bosh tortganini aytgan.