Kamala Harris

Kamala Harris
Kamala Harris
Kamala Harris in 2021
49 Adjunkpresident van die Verenigde State
Ampstermyn
20 Januarie 2021 – 20 Januarie 2025
President Joe Biden
Voorafgegaan deur Mike Pence
Opgevolg deur James David Vance
Senator van Kalifornië
Ampstermyn
3 Januarie 2017 – 18 Januarie 2021
Voorafgegaan deur Barbara Boxer
Opgevolg deur Alex Padilla
Prokureur-generaal van Kalifornië
Ampstermyn
3 Januarie 2011 – 3 Januarie 2017
Voorafgegaan deur Jerry Brown
Opgevolg deur Xavier Becerra
Distriksprokureur van San Francisco
Ampstermyn
8 Januarie 2004 – 3 Januarie 2011
Voorafgegaan deur Terence Hallinan
Opgevolg deur George Gascón
Persoonlike besonderhede
Gebore 20 Oktober 1964 (1964-10-20) (60 jaar oud)
Oakland, Kalifornië
Politieke party Demokratiese Party
Ouers Donald J. Harris en Shyamala Gopalan
Eggenoot/-note Doug Emhoff (2014–hede)
Alma mater Howard-universiteit (BA)
Universiteit van Kalifornië, Hastings-regskollege (JD)
Handtekening

Kamala Devi Harris (Engels: [ˈkɑːmələ ˈdeɪvi], luister (hulp·inligting), gebore op 20 Oktober 1964) is 'n Amerikaanse politikus en prokureur wat op 20 Januarie 2021 as 49ste adjunkpresident van die Verenigde State van Amerika ingehuldig is. Sy was die eerste vroulike adjunkpresident en die hoogste vroulike amptenaar in die geskiedenis van die VSA, sowel as die eerste Afro-Amerikaanse en eerste Asiatiese Amerikaanse adjunkpresident.[1]

Joe Biden en Kamala Harris tydens die eerste veldtoggeleentheid sedert sy as adjunkpresidentskandidaat aangewys is.

Harris was Joe Biden se adjunkpresidentskandidaat vir die 2020-verkiesing; hulle het die vorige president Donald Trump en sy adjunkpresident Mike Pence geklop.[2] Harris het tussen 2010 en 2017 as die prokureur-generaal van Kalifornië gedien[3] en was tussen 2017 en 2021 die junior Amerikaanse senator vir Kalifornië as lid van die Demokratiese Party.

As 'n senator het sy gepleit vir gesondheidsorghervorming, federale deskedulering van dagga, 'n pad na burgerskap vir ongedokumenteerde immigrante, die DREAM-wet, 'n verbod op aanvalswapens en progressiewe belastinghervorming.

Ná Biden se onttrekking aan die presidensiële verkiesing in 2024 het Harris haar eie presidensiële veldtog geloods met Biden se onderskrywing. Op 22 Julie 2024 het Harris genoeg niegebonde afgevaardigdes gekry om die vermoedelike genomineerde van die Demokratiese Party in die 2024 presidensiële verkiesing te word.[4][5]

Verwysings

[wysig | wysig bron]
  1. ↑ (en) Tensley, Brandon; Wright, Jasmine (7 November 2020). "Harris bursts through another barrier, becoming the first female, first Black and first South Asian vice president-elect". CNN.{{cite web}}: AS1-onderhoud: meer as een naam (link)
  2. ↑ (en) "Democrat Joe Biden wins 2020 US election". IOL. 7 November 2020. Besoek op 20 Januarie 2021.
  3. ↑ (en) "Kamala Harris: Who is Biden's running mate in 2020 US election?". BBC. 8 Oktober 2020. Besoek op 5 November 2020.
  4. ↑ (en) "Harris has support of enough Democratic delegates to become party's presidential nominee: AP survey". AP News. 22 Julie 2024. Besoek op 23 Julie 2024.
  5. ↑ (en) "Harris Crosses Delegate Threshold in Sign Nomination Is Hers". Bloomberg News. 22 Julie 2024. Besoek op 22 Julie 2024.

Eksterne skakels

[wysig | wysig bron]