16. April

Dr 16. April isch dr 106. Dag vum Gregorianische Kalender (dr 107. in Schaltjohr), dodermit blybe no 259 Däg bis zum Änd vum Johr.

Was isch bassiert?

1346: Dr serbisch Chenig Stefan Uroš IV. Dušan erhebt sich zum Chaiser vu dr Serbe un Grieche.
1525: Dr Grof Ludwig vu Helfenstein wird im Dytsche Buurechrieg vu ufständische Buure unter em Jäcklein Rohrbach un dr Schwarze Hofmänni vor Weischberg umbrocht. Fir dr Martin Luther isch die Weischberger Bluettat dr Aalass fir syy Schrift Wider die Mordischen und Reubischen Rotten der Bawren.
1871: D Rychsverfassig vum Bismarck wird verabschidet as Rächtsgrundlag vum Dytsche Chaiserrych.
1888: S Dytsch Rych annektiert d Pazifikinsle Nauru.
1913: Dr Albert Schweitzer un syy Frau Helene dräffe z Lambaréné in Franzesisch-Äquatorialafrika yy. Si fange im glyche Johr aa mit em Ufböu vun ere Missionsstation.
1943: Dr Schwyzer Chemiker Albert Hofmann entdeckt bi Sandoz zuefellig d psychoaktiv Wirkig vum LSD.
1957: Dr dytsche Film Die Zürcher Verlobung chunnt in d Kino.
1964: Di änglisch Rockband The Rolling Stones vereffetligt ire erscht glychnamig Album z Dytschland un z Großbritannie.

Commons: 16. April – Sammlig vo Multimediadateie