17. Juli

Dr 17. Juli isch dr 198. Dag vum Gregorianische Kalender (dr 199. in Schaltjohr), dodermit blybe no 167 Däg bis zum Änd vum Johr.

Was isch bassiert?

1203: D Chryzfahrer vum Vierte Chryzzug dringen in e Dail vum belagerete Konstantinopel yy. Dr Chaiser Alexios III. flichtet uf Thrakie, was derzue fiert, ass d Byzantiner d Kämpf yystelle.
1245: Papscht Innozenz IV. setzt uf em Konzil vu Lyon dr Chaiser Friedrich II. ab. Dr Chaiser waigeret sich, syy Amtsenthebig aazerkänne.
1393: D Türke erobere di bulgarisch Hauptstadt Weliko Tarnowo.
1717: Uf ere Luschtfahrt vum britische Chenig George I. uf dr Themse wird di zwoot Suite vu dr Wassermusik vum Georg Friedrich Händel urufgfiert.
1911: Z Arbon im schwyzerische Thurgau fangt e internationale Sozialischtekongräss aa mit 8.000 Dailnämmer.
1936: Mit eme Militärbutsch vu dr nationale Rächte unter em General Franco z Spanisch-Marokko fangt dr Spanisch Burgerchrieg aa, wu bis 1939 goht.
1945: Im Schloss Cecilienhof fangt d Potsdamer Konferenz aa, e Gipfeldräffe vu dr drei Hauptalliierte vum Zweete Wältchrieg.
1998: E Ärdbidem mit dr Sterki 7,0 forderet z Papua-Neuguinea 2.183 Doti.

Commons: 17. Juli – Sammlig vo Multimediadateie