Appenweier

Basisdate
Bundesland:	Bade-Wirttebärg
Regierungsbezirk:	Friiburig
Krais:	Ortenaukrais
Heh:	152 m i. NHN
Flech:	38 km²
Iiwohner:	10.320 (31. Dez. 2022)
Bevelkerungsdicht:	271 Iiwohner je km²
Boschtlaitzahl:	77767
Vorwahl:	07805
Kfz-Kennzaiche:	OG
Gmeischlissel:	08 3 17 005
LOCODE:	DE APW
NUTS:	DE134
Adress vun dr; Gmaiverwaltung:	Ortenauer Straße 13; 77767 Appenweier
Webpräsenz:	www.appenweier.de
Burgermaischter:	Manuel Tabor
Lag vun vo de Gmai Appenweier im Ortenaukrais
	Karte

Dä Artikel bhandlet d Gmei Appewiir z Bade-Wirttebärg. Zue dr Gmei im Owerelsass lueg unter Appewihr.

Appewiir (dt. Appenweier) isch e Gmei im Ortenaukreis z Bade-Wirttebärg un litt rund 7 km nerdlig vun Offeburig.

Geografii

Appenweier bstoht üs dr Hauptgmei Appewiir (4075 Inwohner), em Ortsdeil Urloffe, wu fir dr Anbau vun Meerrettich bekannt isch, (4301 Inwohner) un Nesselried (1383 Inwohner). Nesselried ziegt sich durich s Wannebachdal in d Vorbärg, Urloffe litt nerdlig vun Appewiir. Dr Bann bstoht üs 58,4 % Landwirtschaftsfleche, 22,5 % Wald, 16,3 % Sidlungsflechi un 2,8 % sunschtiger Flechi.^[2]

Gmeindsgliderung

Zue Appewiir ghere näwem friejere Dorf Appewiir mit em Wiiler Heetlisberg no di ehmolige Derfer Nesselried mit dr Wiiler Illedal un Kohlstatt un Urloffe mit em Wiiler Zimmern. Zue Nesselried ghere au no dr Wiilerhof un di abgangene Ortschafte Schwiighof un Ufholz. Z Urloffe sin di abgangene Ortschafte Richelheim un Wisunge gläge^[3]

Gschicht

Di erscht urkundlig Nännung vun Appewiir stammt üs em Johr 884. Dodemit zellt Appewiir zue de elteschte schriftlig iwerliferte Ortschafte im Ortenaukreis.

Im Drissgjehrige Krieg isch s Dorf arig verwieschtet worre, wu au in dr Revolutionskrieg speter witerschgange sin. 1632 isch Appewiir vun schwedische Druppe niderbrännt wore, 1689 het s Brandschatzunge gää durich franzesischi Druppe.

Anne 1750 isch d Kirch, wu im heiligen Michael gweiht isch, im alte Ortskärn im Rokokostil nej baue worre. Appewiir het bis 1803 zum Hanauerland ghert un isch deno durich de Riichsdeputationshauptschluss zum Großherzogtum Bade kumme, wu s zum Amtsbezirk Kähl zellt het, speter dr Landkreis Kähl wurde. Durich d Kreisreform isch s Dorf 1973 zum Ortenaukreis kumme.

Gschicht vun de Ortsdeil

Nesselried

Nesselried isch zem erschte Mol anne 1120 gnännt worre. Di urspringlige Gmeine Unternesselried un Obernesselried hänn sich im Johr 1871 zue Nesselried zämmegschlosse. Hundert Johr speter isch s Dorf am 1. Dezämber 1971 uf Appewiir ingmeindet woore.

Urloffe

Urloffe isch urkundlig zume erschte Mol im Johr 1150 gnännt worre. Am 1. Jänner 1975 isch d Gmei gege große Widerstand vun ihre Inwohner uf Appewiir ingmeindet worre.

Bolitik

Burgermeischter

1969–1977: Günter Kaufmann
1977–2001: Siegfried Götz
2001–2010: Hansjürgen Stein
sitt 2010: Manuel Tabor

Gmairot

Ergebnis vun dr Kommunalwahl vum 26. Mai 2019:^[4]

Barteie un Wählergmeinschafte		% 2019	Sitz 2019	% 2014	Sitz 2014	Kommunalwahl 2019 % 40 30 20 10 0 32,72 % 32,15 % 23,77 % 11,37 % CDU FW Grüne SPD Gwinn un Verluscht im Verglych zue 2014 %p 6 4 2 0 -2 -4 −2,38 %p −0,05 %p +5,27 %p −2,93 %p CDU FW Grüne SPD
CDU	Christlich Demokratische Union Deutschlands	32,72	6	35,1	7
FW	Freie Wähler	32,15	6	32,2	6
FL/GRÜNE	Frauenliste/Die Grünen	23,77	5	18,5	3
SPD	Sozialdemokratische Partei Deutschlands	11,37	2	14,3	3
gsamt		100,0	19	100,0	19
Wahlbedeiligung		56,83 %		51,2 %

Bartnerschaft

Sit 1976 git es e Bartnerschaft zwische Appewiir un de franzesische Räbböugmei Montlouis-sur-Loire in de Touraine.

Kultur un Sähenswirdigkeite

Bauwärik

Im Ortsdeil Urloffe git s di klassizistisch Sankt Martinskirch, entworfe un üsgfiert vum Hans Voß im Weinbrenner-Stil. Si zeigt e spot Bischpel vu däm Klassizismus, wu z Bade typisch gsi isch. Monümäntal stoßt dr Kirchdurm üs dr Vordersiite vum Kircheschiff in d Heh. Nit typisch fir de Weinbrenner-Stil isch de Schmuckriichtum an de Fassade vum Langhüüs. D Urloffener Kirch zellt zue de scheschte klassizistische Kirche z Bade.

Wirtschaft un Infrastruktur

Verkehr

Appewiir isch e Iisebahnknote, wu insgsamt drej Iisenbahnstreckene ufenanderdräffe D Rhindalbahn verbindet Appewiir mit Manne iwer Karlsrue un Basel iwer Offeburig un Friiburig. D Europabahn stellt d Verbindung mit em franzesische Stroßburig iwer Kähl här un d Ränchdalbahn zwigt uf Bad Griesbach ab. Parallel zue de Rhindalbahn fiere d Bundesautobahn 5 an Appewiir verbii un d B 3 mittle durich. Bodi Stroße wäre vor Aapewiir vun de B 28 krizt, wu mer no Oschte in s Ränchdal un de Mittler Schwarzwald kunnt un no Weschte iwer Kähl un dr rhin (Europabruck) uf Stroßburig.

E groß Brobläm stellt fir Appewiir di blant Infädlung vun de Europabahn in d Rhindalbahn dar. Blant isch e Schnällfahrstrecki, wu d Gmei Appewiir faktisch deet deile. Dodegege git s große Widerstand z Appewiir. E Alternativ dodezue wär, ass d Hochgschwindigkeitszig zwische Frankrich un Ditschland iwer d stillgleit Bahnstrecki Roeschwoog–Rastatt gfiert wäre.

Lit

1815, 18. Juni, Maximilian Werner, † 20. Jänner 1875 z Offeburig, deutscher Politiker, Mitglid vun de Frankfurter Nationalversammlung
1885, 14. April, Georg Lechleiter, † 19. September 1942, Vorsitzende vun de kommunistische Fraktion im badische Landdag un Kopf vun ere Widerstandsgruppe in de Zitt vum Nationalsozialismus
1900, 4. Novämber, Paul Werner, † 15. Februar 1970, SS-Standartefierer un Minischtrialrot
1964, Patrick Dreier, ditscher Drumpeter
1952, 27. April, Stefan Schaub, ditscher Musikpedagog, Psycholog, Musikwisseschaftler un Autor

Fueßnotte

↑ Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).
↑ Statistisches Bundesamt: Bodenfläche nach Art der tatsächlichen Nutzung - Stichtag 31.12. - regionale Tiefe: Gemeinden, Samt-/Verbandsgemeinden (bis 2011)
↑ Das Land Baden-Württemberg. Amtliche Beschreibung nach Kreisen und Gemeinden. Band VI: Regierungsbezirk Freiburg Kohlhammer, Stuttgart 1982, ISBN 3-17-007174-2. S. 303–306
↑ Statistisches Landesamt, Ergebnis der Gemeinderatswahlen 2019

Weblink

Commons: Appenweier – Sammlig vo Multimediadateie

Appewiir
D Kirch vun Urloffe im Weinbrenner-Stil uf re private Architektur-Websitte

Dä Artikel basiert uff ere fräie Übersetzig vu dere Version vum Artikel „Appenweier“ vu de dütsche Wikipedia. E Liste vu de Autore un Versione isch do z finde.

[Metadaten_Einwohnerzahl_DE-BW-1] Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).

[2] Statistisches Bundesamt: Bodenfläche nach Art der tatsächlichen Nutzung - Stichtag 31.12. - regionale Tiefe: Gemeinden, Samt-/Verbandsgemeinden (bis 2011)

[3] Das Land Baden-Württemberg. Amtliche Beschreibung nach Kreisen und Gemeinden. Band VI: Regierungsbezirk Freiburg Kohlhammer, Stuttgart 1982, ISBN 3-17-007174-2. S. 303–306

[4] Statistisches Landesamt, Ergebnis der Gemeinderatswahlen 2019

[1]

[2]

[3]

[4]