Dr Marcel Janco (hebräisch מרסל ינקו; * 24. Mai 1895 z Bukarest; † 21. April 1984 z Tel Aviv) isch e rumänisch-jüdische Künstler und Schriftsteller gsi.
Er het 1916 zsämme mit em Hugo Ball, em Tristan Tzara, em Richard Hülsenbeck, em Hans Arp und andere z Züri d Cabaret Voltaire gründet und isch drmit eine vo de Urväter vom Dadaismus.
1922 isch er uf Rumänie zrugggange und het dört bis 1941 as Architekt und Mooler gschafft. Wägen em Antisemitismus, wo währed em Zweite Wältchrieg immer rabiater worden isch, isch er uf Israel gange. D Künstlerkolonii z En Hod im Norde vo Israel, wo 1953 gründet worden isch, verdankt ihri Existänz im Janco siiner Initiative. 1952 het er an dr Biennale vo Venedig deilgnoh.
Unter anderem het er für d Avantgarde-Zitschrift Contimporanul gschriibe.
![]() |
Dä Artikel basiert uff ere fräie Übersetzig vum Artikel „Marcel_Janco“ vu de dütsche Wikipedia. E Liste vu de Autore un Versione isch do z finde. |