Allan Quatermain and the Lost City of Gold (títol orichinal en anglés, en aragonés Allan Quatermain y la ciudat perdida d'oro, enguerada en Aragón con o títol en castellano de Allan Quatermain y la ciudad perdida del oro, en aragonés Allan Quatermain y la ciudat perdida de l'oro) ye una cinta de cine d'aventuras y comedia de l'anyo 1998 coproducida por o cine estausunidense y lo cie israelín, dirichida por Gary Nelson seguntes un guión adaptau por Gene Quintano y Lee Reynolds (basau en Allan Quatermain, una novela publicada por H. Rider Haggard en 1887), con una dirección de fotografía de Frederick Elmes y Alex Phillips y una producción cinematografica de Yoram Globus y Menahem Golan ta la suya productora cinematografica Golan-Globus Productions. Forman l'elenco d'a cinta, entre d'atros actors, Richard Chamberlain, Sharon Stone, James Earl Jones, Henry Silva, Robert Donner, Larbi Doghmi, Aileen Marson, Cassandra Peterson, Martin Rabbett, Rory Kilalea y George Chiota.
A cinta contina con a historia que contaba King Solomon's Mines (1985, J. Lee Thompson), y en iste nueva cinta Allan Quatermain y Jesse Huston, dimpués de sobrevivir a la suya aventura en busca d'as menas d'o rei Salomón, s'han establiu en Africa y s'han comprometiu en matrimonio. Tanimientres, un amigo de Quatermain plega dende la chungla perseguiu por dos enmascaraus y encara que recibe cudiaus, os suyos enemigos lo matan de nueiz. Pero antes de morir, li puet explicar a Quatermain que su chirmano ye vivo y que ha trobau a mitica Ciudat d'Oro. Entusiasmau, prepara una expedición ta buscar a su chirmano, encara que en primeras Jesse no i ye d'alcuerdo. Finalment, marchan toz dos enta la expedición, acompanyaus d'Umslopogaas (un viello amigo), d'o gurú Swarma y de cinco askaris.
A cinta s'ambienta en bel país ficticio d'Africa mientres os anyor 1910 y las suyas escenas se filmoron en Victoria Falls (Zimbabwe), en Oudtshoorn (Sudafrica) y en o Laird International Studio en Culver City (California, Estaus Unius).[2]
A cinta fue nominada a lo Preio Razzie a la Pior Actriz (Sharon Stone), repetindo la mesma nominación que ya heba recibiu con a primer cinta, King Solomon's Mines.
Actor | Papel | Notas |
---|---|---|
' |