Audrey Tautou

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Audrey Tautou
L'actriz Audrey Tautou, en una imachen de 2010.
L'actriz Audrey Tautou, en una imachen de 2010.
Información personal
Nombre real Audrey Justine Tautou
Calendata naiximiento: 9 d'agosto de 1976
Puesto naiximiento: Beaumont (Puèi Domat)
Premios César
Premio César a la Millor Actriz Revelación:
-2000: Venus Beauty Institute

Audrey Tautou (/'odʀe totu'/) naixita de Beaumont en o Puèi Domat o 9 d'agosto de 1976, ye una actriz occitana, conoixita mundialment por interpretar a Amélie Poulain en a cinta francesa Amélie y a Sophie Neveu en a producción estausunidense O Codigo Da Vinci.

Biografía

[editar | modificar o codigo]

Primers anyos

[editar | modificar o codigo]

Tautou naixió en o departamento occitán de Puy-de-Dôme, en a rechión d'Auvernia, y crexió en Montluçon, en o vecín departamento d'Alier. Filla d'un dentista y d'una mayestra, tien un chirmán y dos chirmanas, menors que ella.

S'intresó por a comedia dende que yera chicorrona y prencipió a ir a clases d'arte dramatico en a escuela d'actuación Corus Florent, prestichiosa en o suyo país con bels actors famosos como antigos alunnos.

Carrera

[editar | modificar o codigo]

En l'anyo 1998, Tautou participó en un casting dito "Jeunes Premiers" (en francés "Debut Choven") en o Canal + d'a televisión francesa y amás obtenió o primer premio en a categoría de Millor Actriz Choven en o 9° Festival de Béziers. Dimpués tamién participó en a cinta Venus Beauty Institute, por a que ganó un Premio César a la Millor Actriz Revelación. En l'anyo 2000, ganó o Premio Suzanne Bianchetti en o suyo país por estar considerata a choven actriz mas prometedora.

Estando ya conoixita en Francia por o suyo treballo en Venus Beauty Institute, en 2001, Tautou obtenió a fama internacional por a suya actuación como Amélie en a comedia romantica francesa Le Fabuleux Destin d'Amélie Poulain. En chunio de 2004, la convidoron a unir-se a l'Academia d'as Artes y as Ciencias Cinematograficas de Hollywood, d'a cual ye miembro dende l'1 de setiembre de 2006.

En 2005, Tautou treballó en a suya primera producción de Hollywood chunto a Tom Hanks en l'adaptación cinematografica de O Codigo Da Vinci, interpretando a la criptologa Sophie Neveu. Tamién treballó chunto a Gad Elmaleh en Hors de prix (2006).

Filmografía

[editar | modificar o codigo]

Premios y nominacions

[editar | modificar o codigo]

Vinclos externos

[editar | modificar o codigo]