Juan José Omella Omella
| Juan José Omella Omella | ||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Arcebispe de Barcelona | ||||||||||||||||||||||||||
.jpg) | ||||||||||||||||||||||||||
| Dende o 6 de noviembre de 2015 | ||||||||||||||||||||||||||
| Predecesor | Lluís Martínez Sistach | |||||||||||||||||||||||||
| Succesor | en o cargo | |||||||||||||||||||||||||
| 8 d'abril de 2004 - 6 de noviembre de 2015 | ||||||||||||||||||||||||||
| Predecesor | Ramón Búa Otero | |||||||||||||||||||||||||
| Succesor | Carlos Escribano Subías | |||||||||||||||||||||||||
| ||||||||||||||||||||||||||
| Naixencia | 21 d'abril de 1946 Cretas (Matarranya, Aragón)
| |||||||||||||||||||||||||
 | ||||||||||||||||||||||||||
| Per misericordiam Dei nostri | ||||||||||||||||||||||||||
Juan José Omella Omella (Cretas, 21 d'abril de 1946) ye un arcebispe y cardenal catolico aragonés, actual arcebispe de Barcelona. Estió bispe auxiliar de Zaragoza (1996-1999), bispe de Balbastro-Monzón (1999-2004), de Calagorra y La Calzada-Logronyo (2004-2015), y president d'a Conferencia Episcopal Espanyola (2020-2024). Fue feito cardenal por o papa Francisco con o títol de Santa Cruz en Cherusalem en o consistorio d'o 28 de chunio de 2017.[1]
Biografía
[editar | modificar o codigo]Primers años y formación
[editar | modificar o codigo]Juan José naixió o 21 d'abril de 1946, d'a localidat teruelana de Cretas, Matarranya; a on su pai yera agricultor y su mai costurera.[2] Estudió en o Seminario de Zaragoza y en centros de formación d'os Misioners d'Africa en Leuven y Cherusalem.
Sacerdocio
[editar | modificar o codigo]Fue ordenau mosén o 20 de setiembre de 1970 en Zaragoza.
En o suyo ministerio sacerdotal, treballó como coadchutor y como parroco en a villa de Calanda (Teruel), y entre 1990 y 1996 como vicario episcopal en l'archidiocesi de Zaragoza. Mientres un anyo estió misionero en Zaire.
Episcopau
[editar | modificar o codigo]Bispe auxiliar de Zaragoza
[editar | modificar o codigo]O 15 de chulio de 1996, o papa Chuan-Pavlo II lo nombró bispe titular de Sasau y bispe auxiliar de Zaragoza. Fue consagrau o 22 de setiembre d'o mesmo anyo, a mans de l'arcebispe Elías Yanes.
Bispe de Balbastro-Monzón
[editar | modificar o codigo]O 27 d'octubre de 1999, o papa Chuan-Pavlo II lo nombró bispe de Balbastro-Monzón. Prenió posesión canonica o 12 d'aviento d'o mesmo anyo.
Entre o 24 d'agosto de 2001 y o 19 d'aviento de 2003 estió administrador apostolico seu vacant d'a Diocesi de Uesca y entre o 19 d'octubre de 2001 y o 21 d'aviento de 2003, tamién administrador apostolico seu vacant d'a Diocesi de Chaca.
Bispe de Calagorra y La Calzada-Logronyo
[editar | modificar o codigo]O 8 d'abril de 2004, fue nombrau bispe de Calagorra y La Calzada-Logronyo. Prenió posesión canonica o 29 de mayo, d'o mesmo.
En a Conferencia Episcopal Espanyola exerció o cargo de president d'a Comisión de Pastoral Social dende l'anyo 2003.[3]
O 23 d'octubre de 2014, fue nombrau miembro d'a Congregación pa os Bispes ad quinquenium.[4]
Arcebispe de Barcelona
[editar | modificar o codigo]O 6 de noviembre de 2015, o papa Francisco lo nombró arcebispe de Barcelona.[5] Prenió posesión canonica o 26 d'aviento d'o mesmo anyo, mientres una cerimonia en a Seu de Barcelona.
Ye patrón d'a Universidat Abad Oliva CEU.[6]
Ye o responsable de Pastoral Social d'as diocesis de Catalunya y o bispe delegau de Caritas Catalunya.
O 3 de marzo de 2020, fue eslechiu president d'a Conferencia Episcopal Espanyola, succedindo a Ricardo Blázquez.
En 2021 presentó a suya renuncia a o Papa Francisco en haber cumpliu 75 anyos, tal y como diz o Dreito Canonico. Manimenos, o Papa no la ha acceptau, a tamas de que atros bispes espanyols fuoron desimius a escape d'os suyos cargos en plegar ta dita edat (Juan Antonio Reig Pla por eixemplo).[7][8]
Cardenalato
[editar | modificar o codigo]O 21 de mayo de 2017, o papa Francisco anunció a celebración d'un consistorio pa a creyación de cinco nuevos cardenals, entre éls monsinyor Omella, qui recibió a birreta cardenalicia o 28 de chunio de 2017[9] en a Basilica de Sant Pero.[10][11]
O 11 d'aviento de 2017 fue nombrau miembro d'a Congregación pa os Bispes y miembro d'o Supremo Tribunal d'a Signatura Apostolica.
Fació parti d'a XV Asembleya Cheneral Ordinaria d'o Sinodo d'os Bispes sobre Os chóvens, a fe y o discernimiento vocacional, celebrada en octubre de 2018,[12] estando eslechiu miembro d'o XV Consello Ordinario.[13]
L'11 d'octubre de 2022 fue confirmau como miembro d'o Dicasterio pa os Bispes usque ad octogesimum annum aetatis.[14]
O 7 de marzo de 2023 fue confirmau como miembro d'o Consello de Cardenals, usque ad octogesimum annum aetatis.[15] [16]
En a Conferencia Episcopal Espanyola ye, dende marzo de 2024, responsable d'as Semanas Socials d'a Subcomisión Episcopal pa l'Acción Caritativa y Social.
Escudo y lema
[editar | modificar o codigo]En o escudo episcopal destaca a imachen d'a Virgen de la Misericordia de Cretas, a la que confía o suyo ministerio situando a os suyos piez o baculo y a mitra, atributos episcopals. A parti inferior d'o escudo apareixe dividida en dos cuartels, en o primero se troban as armas d'a Corona d'Aragón, como recordatorio d'o suyo orichen. A o costau apareixen dos torres d'a basilica d'a Sagrada Familia con o baculo y a mitra en os suyos pinaclos. Entre as dos torres se sitúa a cruz d'a seu d'a Santa Cruz de Barcelona.[17]
O lema d'o escudo ye una frase d'o Benedictus: Per misericordiam Dei nostri, traduciu como «Por a intranyable misericordia d'o nuestro Dios» (Lc 1:78).[18]
Referencias
[editar | modificar o codigo]- ↑ (es) Omella, cardenal con el título de Santa Croce in Gerusalem. Gabriel Ariza. Infovaticana, 28 de chunio de 2017
- ↑ (es) El niño que quería ser cura de pueblo. Pío García. Diario de León, 2020
- ↑ (es) Comisión Episcopal de Pastoral Social
- ↑ (la) Acta Apostolicae Sedis, num. 106 - 11, 7 de noviembre de 2014
- ↑ (it) Rinuncia dell’Arcivescovo Metropolita di Barcelona (Spagna) e nomina del nuovo Arcivescovo Metropolita. Bolletino Salla Stampa della Santa Sede, 6 de noviembre de 2015. Numero B0859
- ↑ (es) Juan José Omella, patrono de la Universidad Abad Oliva CEU
- ↑ (es) Omella renuncia y pone su cargo de Arzobispo de Barcelona a disposición del Papa al cumplir 75 años
- ↑ (es) El Papa fulmina al obispo ultra Reig Pla, que es relevado de la diócesis de Alcalá
- ↑ (es) El Papa nombrará cardenal al arzobispo de Barcelona, Juan José Omella. El Español
- ↑ (es) Gran sorpresa cardenalicia. Omella cardenal. Infovaticana Blogs, 21 de mayo de 2017
- ↑ (es) El Papa nombra cardenal al arzobispo de Barcelona, Juan José Omella. El Mundo
- ↑ (it) Elenco dei Partecipanti della XV Assemblea Generale Ordinaria del Sinodo dei Vescovi
- ↑ (it) XV Consiglio Ordinario del Sinodo dei Vescovi
- ↑ (la) Acta Apostolicae Sedis, núm. 114 - 11, 4 de noviembre de 2022
- ↑ (la) = Acta Apostolicae Sedis, núm. 115 - 4, 7 d'abril de 2023
- ↑ (es) Renovación del Consejo de Cardenales. Iglesia Actualidad
- ↑ (es) Presentado el escudo episcopal de Mons. D. Juan José Omella Omella como arzobispo de Barcelona. Iglesia actualidad, 4 de febrero de 2016
- ↑ Evanchelio de Lucas 1, 78
| Cargos eclesiasticos | ||
|---|---|---|
| Predecesor: Lluís Martínez Sistach |
Arcebispe de Barcelona Dende o 6 de noviembre de 2015 |
Succesor: en o cargo |
| Predecesor: Ramón Búa Otero |
Bispe de Calagorra y La Calzada-Logronyo 8 d'abril de 2004 - 6 de noviembre de 2015 |
Succesor: Carlos Escribano Subías |
| Predecesor: Ambrosio Echebarria Arroita |
Bispe de Balbastro-Monzón 29 d'octubre de 1999 - 8 d'abril de 2004 |
Succesor: Alfonso Milián Sorribas |
| Predecesor: Julián Barrio Barrio |
Bispe titular de Sasau 15 de chulio de 1996 - 29 d'octubre de 1999 |
Succesor: Giacomo Guido Ottonello |
| Predecesor: Joaquín Carmelo Borobia Isasa |
Arcebispe auxiliar de Zaragoza 1996 - 1999 |
Succesor: Alfonso Milián Sorribas |