The Sea Chase

The Sea Chase
Títol	The Sea Chase
Póster d'a cinta.
Ficha tecnica
Dirección	John Farrow
Aduyant de dirección	Emmett Emerson Russell Llewellyn Gil Mandelik
Dirección artistica	Franz Bachelin
Producción	John Farrow
Guión adaptau	James Warner Bellah John Twist Frank S. Nugent (no acreditau)
Basau en	The Sea Chase, novela d'Andrew Geer de 1948
Musica	Roy Webb
Soniu	Francis J. Scheid
Fotografía	William H. Clothier
Montache	William Ziegler
Escenografía	William O. Wallace
Maquillache	Gordon Bau Web Overlander Norman Pringle
Peluquería	Myrl Stoltz
Efectos especials	Hans F. Koenekamp Horace L. Hulburd
Actors	John Wayne Lana Turner David Farrar Lyle Bettger Tab Hunter James Arness Dick Davalos John Qualen Paul Fix Lowell Gilmore Luis Van Rooten Alan Hale Wilton Graff Peter Whitney Claude Akin John Doucette
Color	Warnercolor Cinemascope
Narrador	David Farrar
Datos y cifras
País(es)	Estaus Unius
Anyo	1955
Debantadera	4 de chunio de 1955 Estaus Unius^[1]
Chenero(s)	Cine d'aventuras Cine belico Cine de drama
Durada	117 min.
Idioma(s)	Anglés Alemán
Companyías
Productora(s)	Warner Bros.
Distribución	Warner Bros.
Estudio(s)	Warner Brothers Burbank Studios
Recauto	6 millons de dólars
Informacions en bases de datos especializadas:

The Sea Chase (títol orichinal en anglés, en aragonés Persecución en a mar, enguerada en Aragón con o títol en castellano d'El zorro de los océanos, en aragonés O raboso d'os oceans) ye una cinta de cine de drama d'aventuras belicas de l'anyo 1955 de cine estausunidense dirichida por John Farrow seguntes un guión adaptau por James Warner Bellah, John Twist y Frank S. Nugent (basau en The Sea Chase, una novela publicada por Andrew Geer en 1948), con una banda sonora orichinal de Francis J. Scheid, una dirección de fotografía de William H. Clothier, una producción cinematografica de John Farrow ta la productora cinematografica Warner Bros. y con un elenco d'actors formau por John Wayne, Lana Turner, David Farrar, Lyle Bettger, Tab Hunter, James Arness, Dick Davalos, John Qualen, Paul Fix, Lowell Gilmore, Luis Van Rooten, Alan Hale, Wilton Graff, Peter Whitney, Claude Akin y John Doucette, entre d'atros.

Karl Ehrlich ye un antigo capitán d'a Kaiserliche Marine de l'Imperio Alemán mientres a Primera Guerra Mundial a qui la suya posición politica contraria a lo nazismo ha feito que li den voleta d'a Kriegsmarine d'o Tercer Reich y en agosto de 1939, quan a Segunda Guerra Mundial ye inminent, no ye so que un capitán d'a marina mercant que capitaneya un viello mercant, o Ergenstrass, que se troba en o puerto de Sydney, en Australia, cuan esclata la guerra con a invasión de Polonia por os alemans. Lo comandant Jeff Napier, d'a Royal Navy, ye amigo personal d'o capitán Ehrlich y preba de convencer-lo ta que accepte d'estar internau dica la fin d'a guerra, pero Ehrlich decice marchar con o suyo barco ta tornar en o Tercer Reich. Sindembargo, dabant d'a inminent declaración de guerra, lo consul alemán en Sydney li ordena de recibir en o barco a una espía de l'Abwehr, que resulta estar a novia d'o suyo amigo lo comandant Jeff Napier, a qui ha estau espiando. D'atra man, en o suyo barco viacha tamién Kirchner, lo segundo de Karl Ehrlich, que resulta estar un nazi fanatico.