Umberto Eco

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Umberto Eco
Información personal
Calendata de naixencia	5 de chinero de 1932
Puesto de naixencia	Piemont (Italia).
Calendata de muerte	19 de febrero de 2016
Puesto de muerte	Milán, Lombardía (Italia).
Ocupación	Escritor, novelista, filosofo y semiologo.

Umberto Eco naixito d'Alessandria, Piemont, Italia, o 5 de chinero de 1932 y muerto o 19 de febrero de 2016 en Milán, Lombardía, yera un escritor, semiotico y filosofo italiano, famoso mesmo por as suyas obras de fición (destaca sobretot en o campo d'a novela) como por os suyos tractatos de semiotica.

Biografía

Naixito lo 5 de chinero de 1932 d'a población d'Alessandria d'una familia que teneban 13 fillos, estudió Filosofía y Letras en a Universidat de Torino, a on que se doctoró. Ha treballato de profesor en diferents prestichiosos centros, y dende l'anyo 1971 ocupa la catedra de semiotica en a Universidat de Bolonya. O reconoiximiento d'o mundo d'a educación superior fa que siga doctor honoris causa d'una trentena d'institucions.

Estió denominato satrapa d'a patafisica por as suyas obras humoristicas, entre as que destaca Como viachar con un canguro, y por haber perfeccionato una d'as suyas brancas, a cacopedia.

Altras distincions lo facioron que s'adubise la membresía d'o Consello de Sabios d'a UNESCO. Recibió, en l'anyo 2000 o Premio Prencipe d'Asturias de Comunicación y Humanidaz.

Ha treballato tamién en os medios de comunicación como difusor cultural. As suyas pasions se centran en a Edat Meya, as luengas y los clasicos. Curiosament, ye tamién un experto en James Bond.

Obras mas famosas

Novelas

• Il nombre della rosa (O nombre d'a rosa, 1980) - Novela historica que estió adaptata ta lo cine y se convirtió en un superventas. Mezcla os elementos d'intriga con a erudición medieval y amana ixa epoca a lo present.
• Il pendolo di Foucault (O pendulo de Foucault, 1988) - Obra que muestra como tres treballadors d'una editorial s'atrapan en a suya propia fición.
• L'isola del giorno prima (A isla d'o diya d'antes, 1994) - Un noble d'o sieglo XVII se troba atrapato en un yate en un fuso orario y reflexiona sobre lo paso d'o tiempo.
• Baudolino (2000) - Novela que explica las aventuras d'un choven labrador adoptato por un emperador, estructurata de traza pareixita a la novela picaresca.
• La Misteriosa Fiamma della Regina Loana (A misteriosa flama d'a Reina Loana, 2004) - Un hombre que pierde la suya memoria y mira de recuperar-la, recreyando los tiempos de choventut d'o propio autor.
• Il cimitero di Praga (O ciminterio de Praga), 2010.
• Numero zero, (2015).

Obras asayisticas

• Opera Ubierta
• Diario menimo
• Kant y l'ornitorrinco
• Semiotica y filosofía d'o lenguache
• Arte y polideza en a estetica medieval
• Os limites d'a interpretación
• Sieis gambatas por as selvas narrativas
• Lector in fabula
• Apocaliptica y integratos
• Sobre Literatura
• Mirando la luenga perfeta
• Historia d'a belleza
• Historia d'a fierura

Vinclos externos

• Se veigan as imáchens de Commons sobre Umberto Eco.
• (es) Fundación Prencipe d'Asturias, Prencipe d'Asturias de Comunicación y Humanidatz 2000.

Premios Prencipe d'Asturias
Predecesor: Instituto Caro y Cuervo	Premio Prencipe d'Asturias de Comunicación y Humanidaz 2000	Succesor: George Steiner