Witness for the Prosecution (cinta de 1957)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre una cinta estausunidense de l'anyo 1957; ta atros usos, se veiga Witness for the Prosecution.

Witness for the Prosecution
L'actor Tyrone Power en una escena d'a cinta.
Ficha tecnica
Dirección	Billy Wilder
Producción	Arthur Hornblow Jr.
Guión adaptau	Larry Marcus Billy Wilder Harry Kurnitz
Basau en	The Witness for the Prosecution, obra teatral d'Agatha Christie adaptación d'a suya propia novela The Witness for the Prosecution
Musica	Matty Malneck
Soniu	Gordon E. Sawyer
Fotografía	Russell Harlan
Montache	Daniel Mandell
Vestuario	Edith Head
Actors	Tyrone Power Marlene Dietrich Charles Laughton Elsa Lanchester
Datos y cifras
País(es)	Estaus Unius
Anyo	1957
Chenero(s)	Cine de chudicios Cine d'intriga
Durada	116 min.
Idioma(s)	Anglés
Companyías
Productora(s)	Edward Small Productions
Distribución	United Artists
Presupuesto	2 millons de dólars
Recauto	9 millons de dólars
Informacions en bases de datos especializadas:

Witness for the Prosecution (títol en anglés, en aragonés Testimonio de l'acusación), ye una cinta estausunidense de l'anyo 1957 de cine d'intriga chudicial dirichida por Billy Wilder seguntes un guión adaptau de Larry Marcus, Billy Wilder y Harry Kurnitz (basau en The Witness for the Prosecution, una obra teatral d'Agatha Christie de 1953, adaptación d'a suya propia novela The Witness for the Prosecution de 1925). Con una dirección de fotografía de Russell Harlan y una Banda Sonora Orichinal de Matty Malneck, la cinta fue prodicida por Arthur Hornblow Jr. ta la productora Edward Small Productions y en o suyo elenco trobamos actors destacaus en os suyos papels protagonistas, como Tyrone Power, Marlene Dietrich, Charles Laughton u Elsa Lanchester.

Argumento

Sir Wilfrid Robarts ye un prestichioso avogau (ye consellero d'o rei, alto rango en a Chusticia d'o Reino Uniu) que ha teniu un infarto de miocardio y ha estau internau en una clinica ta recuperar-se'n, dica que lo fan fuera en beber a escondidas bebidas alcolicas y fumar-se puros. Marcha enta la suya casa, acompanyau d'una enfermera privada, Miss Plimsoll, qui ha de cosirar que sir Wilfrid cumpla con as prescipcions d'o suyo medico. En plegar en a suya casa, a on en a planta baixa tien lo suyo bufet, aparixe Mr. Brogan-Moore con Leonard Vole, que parixe que bien luego será acusau d'asasinato, sin saber que a sir Wilfrid se li ha prohibiu esfender casos complicaus. Sir Wilfrid marcha a descansar en o leito cuan observa que Mr. Brogan-Moore porta en una bolchaca d'o suyo trache dos polidismos puros. alavez torna a baixar y decide d'escuitar lo que li dicen Mr. Brogan-Moore y lo suyo client Leonard Vole. Se fuma lo puro y en zagueras lis diz que no puet ocupar-se'n, d'o caso. alavez aparixe l'inspector chefe Hearne, qui fa preso a Vole.

Tanimientres, cuan tornaba a puyar a escalera ta puyar a descansar aparixe la muller de Vole, qui resulta estar una muller muit diferent d'o que sir Wilfrid pensaba, dica lo punto que decide treballar en o caso en portando la esfensa de l'acusau. Sir Wilfrid treballa en o caso, destacando por a suya pericia en o chudicio, a on desplega todas las suyas capacidaz como avogau esfensor, bien cosirau por la suya enfermera dende la mesma sala d'o chudicio, acompanyada d'una muller que sigue con muita atención lo suyo desembolique. Sir Wilfried emplega todas las suyas arz ta esfender a l'acusau, y parixe que en zagueras podrá obtener la suya absolución, encara que tot ye encara muit indeciso. alavez puya a declarar Christine Vole, la muller alemana de l'acusau, y lo suyo testimonio ye demoledor ta l'acusau. En ixe inte, una muller anonima vende a sir Wilfrid decumentos que pueden desmontar o testimonio de Cristina, y con éls sir Wilfrid consigue l'absolución de Leonard Vole.

Pero cuan parixe que la historia ya ha rematau, contina d'una forma espectacular....

Reparto^[1]

Actor	Papel	Notas
Tyrone Power	Leonard Vole, l'acusau
Marlene Dietrich	Christine Vole/Helm, l'esposa de l'acusau
Charles Laughton	Sir Wilfrid Robarts, consellero d'o rei y avogau prencipal de l'acusau
Elsa Lanchester	Miss Plimsoll, l'enfermera privada de sir Wilfrid
John Williams	Mr. Brogan-Moore, avogau adchunto de l'acusau
Henry Daniell	Solicitor de Vole que instruye a sir Wlfrid sobre lo caso
Ian Wolfe	H. A. Carter, secretario prencipal y cherent de l'oficina de sir Wilfrid
Torin Thatcher	Mr. Myers, consellero d'o rei y astricto d'a Corona
Norma Varden	Mrs. Emily Jane French, l'anciana asasinada
Una O'Connor	Janet McKenzie, gubernanta d'a Sra. French y testimonio de cargo
Francis Compton	Mr. Justice Wainwright, o chuez
Philip Tonge	Inspector chefe Hearne, qui fa preso a l'acusau
Ruta Lee	Diana, muller choven que sigue lo chudicio, en esperando que liberen a l'acusau
Patrick Aherne	Oficial d'a Cort de Chusticia	No acreditau
Eddie Baker	Spectador en a Sala de Chusticia	No acreditau
Marjorie Eaton	Miss O'Brien	No acreditada
Franklyn Farnum	Un viello avogau	No acreditau
Bess Flowers	Spectadora en a Sala de Chusticia	No acreditada
Colin Kenny	Churau	No acreditau
Ottola Nesmith	Miss Johnson	No acreditada
J. Pat O'Malley	O vendedor de pantalons curtos	No acreditau
Jack Raine	Medico de sir Wilfrid	No acreditau
Ben Wright	Secretario d'a Cort	No acreditau

Premios

Premio	Calendata	Edición	Categoría	Premiau
Premios Oscar^[2]	1958	30ena edición	Nominada a l'Oscar a la Millor Cinta	Witness for the Prosecution
	1958	30ena edición	Nominada a l'Oscar a lo Millor Director	Billy Wilder
	1958	30ena edición	Nominada a l'Oscar a lo Millor Actor	Charles Laughton
	1958	30ena edición	Nominada a l'Oscar a la Millor Actriz Segundaria	Elsa Lanchester
	1958	30ena edición	Nominada a l'Oscar a lo Millor Montache	Daniel Mandell
	1958	30ena edición	Nominada a l'Oscar a lo Millor Soniu	Gordon E. Sawyer
Premios BAFTA^[3]	1959	12ena edición	Nominada a l'BAFTA a lo Millor Actor Forano	Charles Laughton
Premios Globos d'Oro	1957	15ena edición	Nominada a lo Globo d'Oro a la Millor Cinta Dramatica	Witness for the Prosecution
	1957	15ena edición	Nominada a lo Globo d'Oro a lo Millor Actor Dramatico	Charles Laughton
	1957	15ena edición	Nominada a lo Globo d'Oro a la Millor Actriz Dramatica	Marlene Dietrich
	1957	15ena edición	Globo d'Oro a la Millor Actriz Segundaria	Elsa Lanchester
	1957	15ena edición	Nominada a lo Globo d'Oro a la Millor Dirección	Billy Wilder