مراد زاوي

مراد زاوي
معلومات عامة
زيادة	23 أبريل 1980 (44 عام) الدار البيضا
لجنسية	لمغريب الولايات المتاحدة د ميريكان
لحرفة	مومتيل، ممتيل د لأفلام و ممتيل د التلفازة
لّوغات لي كيعرف	عربية و نڭليزية

مراد زاوي (مزيود ف 23 أبريل 1980 ف الدار لبيضا) هو مومتيل مغريبي، بدا لمسيرة لفنية ديالو عام 2004.^[1][2][3]

حياتو

تولد مراد الزاوي ف الدار البيضا و تربى ف حي بورڭون. باه كان كيصنع الصبابط، و مو كنت أستاذة تاع الصيونص. تلقى تعليمو ف نفس لمدينة، و خدا ف عام 1999 شهادة لبكالوريا قبل ما يمشي لمريكان يكمل قرايتو. بعد ما رجع ل لمغريب، نضم ل مسرح لهواة، و مثل ف بعض لإشهارات. توقف على التمثيل بعدما مرض باباه فا ضطر يقابلو و يقابل خدمتو. بعد ما مات باباه، رجع ل التمثيل، و ختاراتو لمخرجة نرجس النجار للعب أحد لأدوار رئيسية في Wake-up Morocco ف عام 2006. من ديك ساعات و هو خدم فبزاف د الأعمال بلا توقف، و هي مقسمة بين لأعمال المغربية (الڭراب، الخط الأحمر، رجال من طين، حراش، وليدات كازا، ولدت في مكان ما، المسيرة الخضراء، هادي والتوبة، مي تاجة،…) و لإنتاجات الدولية لمشتركة و لأجنبية. وباش يطور من لمشاركة ديالو ف لأعمال الدرامية و السينمائية لأجنبية و خصوصا لميريكانية، قرر لإستقرار نهائيا ف لوس أنجليس ف ولاية كاليفورنيا عاصمة صناعة ترفيه ف ميريكان. و تلاقى بمرتو تماك و دخلو لقفص الذهبي عام 2016.^[4][5]

أعمالو

شارك مراد زاوي ف بزاف د لأعمال.^[6]

ف سينما

• 2006: نوض يا لمغريب (Wake-up Morocco)، فيلم ديال نرجس النجار، مثل فيه دور رئيسي.
• 2008: الڭراب، فيلم بوليسي من إخراج علي المجدوب و إنتاج نبيل عيوش.
• 2008: الخط الأحمر، فيلم بوليسي ديال براهيم الشكيري.
• 2009: رجال من طين (Les hommes d'argile)، فيلم مغربي-بلجيكي-فرانساوي ديال لمخرج مراد بوسيف.
• 2009: حراش، ديال سماعيل العراقي.
• 2009: قنديشة، ديال جيروم كوهن-أوليڤار.
• 2010: وليدات كازا، ديال عبد الكريم الدرقاوي.
• 2013: تولدت ف شي بلاصة (Né quelque part)، ديال محمد الحاميدي.
• 2014: ساجا، حكاية رجال لي معمرهوم كيرجعو (SAGA, l'histoire des hommes qui ne reviennent jamais)، ديال عثمان الناصري.
• 2015: رهان التوابل (Un pari pimenté)، فيلم ديال محمد الكغاط.
• 2016: المسيرة الخضراء، ديال يوسف بريطل.

ف لأفلام لقصيرة

• 2013: شعلة، مع أنس الباز و هشام حجي.

ف تلفزيون

• 2006: لابريڭاد، سلسلة بوليسية ديال عادل الفاضلي
• 2009: WCN، مع فرقة هوبا هوبا سبيريت ديال هشام العسري
• 2009: مي تاجة، ديال عبد الحي العراقي
• 2010: هادي والتوبة، ديال رشيد حمان
• 2011: أنا نورا أولا، ديال هشام العسري
• 2011: الما والشطابة حتال قاع البحر، ديال سعيد فيركلي
• 2015: تاريخنا فخرنا

عيون لكلام

1. "Mourad Zaoui - Movies and Filmography". AllMovie (ب نڭليزية). مأرشيڤي من لأصل ف 2023-06-10. تطّالع عليه ب تاريخ 2023-06-10.
2. AlloCine. "Mourad Zaoui". AlloCiné (ب لفرانساوية). مأرشيڤي من لأصل ف 2023-01-08. تطّالع عليه ب تاريخ 2023-06-10.
3. "Mourad Zaoui - Unifrance". www.unifrance.org. مأرشيڤي من لأصل ف 2023-06-10. تطّالع عليه ب تاريخ 2023-06-10.
4. "مراد الزاوي الممثل الذي ترك المغرب للعالمية" (ب لعربية). 2021-04-26. مأرشيڤي من لأصل ف 2023-06-10. تطّالع عليه ب تاريخ 2023-06-10.
5. almaghribtoday. "almaghribtoday". Almaghribtoday (ب لعربية). مأرشيڤي من لأصل ف 2023-06-10. تطّالع عليه ب تاريخ 2023-06-10.
6. hespress (2019-06-06). "مراد الزاوي". ويكي المغرب: المغرب بالمغربية (ب لعربية). مأرشيڤي من لأصل ف 2023-06-10. تطّالع عليه ب تاريخ 2023-06-10.