Cobie Smulders | |
---|---|
Vida | |
Nacimientu | Vancouver, 3 d'abril de 1982[1] (42 años) |
Nacionalidá |
Canadá Estaos Xuníos |
Residencia | Pacific Palisades |
Familia | |
Casada con | Taran Killam (2012 – ) |
Fíos/es | 2 |
Estudios | |
Llingües falaes | inglés[2] |
Oficiu | actriz de cine, actriz de teatru, actriz de televisión, modelu, actriz |
IMDb | nm1130627 |
Jacoba Francisca Maria «Cobie» Smulders[3] (Vancouver, Canadá; 3 d'abril de 1982) ye una actriz y modelu canadiense, conocida pol so papel de Robin Scherbatsky na comedia de situación d'Estaos Xuníos How I Met Your Mother y de Maria Hill nel Universu cinematográficu de Marvel.
Fía de padre neerlandés y madre inglesa, Smulders foi bautizada como Jacoba n'honor a la so tía güela neerlandesa, d'ehí el so llamatu de Cobie.[4]
De pequeña quería dedicase a la medicina o a la bioloxía marina, pero na escuela secundaria apaeció en producciones escolares qu'espertaron el so interés pola actuación. En 2000 remató los sos estudios na Escuela Secundaria Lord Byng con altos honores, siendo escoyida como la «más respetada». Foi afayada por una axencia de modelos na so adolescencia y empezó a desfilar internacionalmente en ciudaes como Nueva York, París, Milán, Berlín, Atenes y Tokiu.[5]
Nuna entrevista cola revista Venus Zine, Smulders declaró que xeneró una «especie d'odiu» a ser modelu y que dicha esperiencia fíxo-y duldar primeramente alrodiu de siguir la so carrera como actriz.[6]
El so primer papel como convidada foi na serie de ciencia ficción Jeremiah y apaeció en numberoses series de televisión de magar, incluyendo un papel recurrente en The L Word.
El so primer papel permanente foi na serie de televisión Veritas: The Quest, d'ABC. El so segundu papel estable foi na comedia de situación de la CBS, How I Met Your Mother, onde representa a la reportera de televisión de nacionalidá canadiense Robin Scherbatsky.
El so primer papel como co-protagonista nel cine foi en The Slammin' Salmon (2009), xunto a Michael Clarke Duncan.
Apaez na película de superhéroes Los Vengadores, na qu'interpreta'l papel de Maria Hill.
Cobie, qu'anguaño mora en Los Angeles, California, casóse con Taram Killam, la so pareya dende 2004, en 2012. Dio a lluz a la so primer fía'l 14 de mayu de 2009: Shaelyn Cado Killam. L'anunciu del so embaranzu féxose'l 26 de payares de 2008 de la mano de TV Guide[7] namái un mes dempués de que la so compañera Alyson Hannigan anunciara'l de so.[8][9] Ye gran amiga del so compañeru de repartu en How I Met Your Mother Neil Patrick Harris (Barney Stinson).
En 2015, Smulders indicó que se-y diagnosticara cáncer d'ovarios cuando tenía 25 años, mientres grababa la tercer temporada de How I Met Your Mother en 2007. Tuvieron qu'estraye-y dos tumores de los ovarios per aciu ciruxía, pero'l cáncer estendiérase a los nodos linfáticos, lo que-y obligó a sometese a delles ciruxíes a lo llargo de dos años.
Añu | Película | Papel | Notes |
---|---|---|---|
2019 | Avengers 4 | Maria Hill | |
2018 | Avengers: Infinity War | Maria Hill | Cameo |
2016 | Jack Reacher: Never Go Back | Susan Turner | |
The Intervention | Ruby | ||
2015 | Unexpected | Samantha Abbott | |
Avengers: Age of Ultron | Maria Hill | ||
Results | Kat | ||
2014 | They Came Together | Novia de Joel | |
Captain America: The Winter Soldier | Maria Hill | ||
The Lego Movie | Wonder Woman (voz) | ||
2013 | Safe Haven | Carly Jo Wheatley | |
Delivery Man | Emma | ||
2012 | The Avengers | Maria Hill | |
2011 | Grassroots | Clair | |
2009 | The Slammin' Salmon | Tara | |
2007 | The Storm Awaits | Anabella DeLorenzo | |
2006 | Escape | ||
2005 | The Long Weekend | Ellen | |
2004 | Walking Tall | Guapura exótica | |
Ill Fated | Mary | ||
2001 | Candy from Strangers | Martina |
Añu | Títulu | Papel | Notes |
---|---|---|---|
2017 | A series of unfortunate events | Sra. Quagmire | 8 episodios |
2013–2014 | Agents of S.H.I.E.L.D. | Maria Hill | 3 episodios |
2005–2014 | How I Met Your Mother | Robin Scherbatsky | Papel principal (208 episodios) |
2005 | The L Word | Leigh Ostin | Episodios: "Luminous", "Loud & Proud", "L'Chaim" y "Lacuna" |
Andrómeda | Esposa de Rhade | Episodios: "The Heart of the Journey: Part 1" y "The Heart of the Journey: Part 2" | |
2004 | Smallville | Shannon Bell | Episodiu 4x09: "Bound" |
2003 | Tru Calling | Sarah Webb | Episodiu: "Brother's Keeper" |
Veritas: The Quest | Juliet Droil | 13 episodios | |
2002 | Jeremiah | Deborah | Episodiu: "Thieves' Honor" |
Special Unit 2 | Zoe | Episodiu: "The Wish" |