Connecticut

Connecticut
Bandera de Connecticut ^(es)
Alministración
País	Estaos Xuníos d'América
ISO 3166-2	US-CT
Tipu d'entidá	Estaos d'Estaos Xuníos
Capital	Hartford
Gobernador de Connecticut	Ned Lamont
Nome llocal	State of Connecticut (en)
Llingües oficiales	ensin valor
División	ver Región de Planificación del Capitolio ^(es) , Región de Planificación de Greater Bridgeport ^(es) , Región de Planificación de Lower Connecticut River Valley ^(es) , Región de Planificación de Naugatuck Valley ^(es) , Región de Planificación de Northeastern Connecticut ^(es) , Región de Planificación de Northwest Hills ^(es) , Región de Planificación de South Central Connecticut ^(es) , Región de Planificación de Southeastern Connecticut ^(es) , Región de Planificación de Western Connecticut ^(es) , condáu de Fairfield, condáu de Hartford, condáu de Litchfield, condáu de Middlesex, condáu de New Haven, condáu de New London, condáu de Tolland y condáu de Windham
Xeografía
Coordenaes	41°36′N 72°42′W / 41.6°N 72.7°O / 41.6; -72.7
Superficie	14357 km²
Llenda con	Massachusetts, Rhode Island y Nueva York
Puntu más altu	Mount Frissell ^(en)
Puntu más baxu	Long Island Sound ^(es)
Altitú media	152 m
Demografía
Población	3 605 944 hab. (1r abril 2020)
Densidá	251,16 hab/km²
Viviendes	1 385 437 (31 avientu 2020)
Más información
Estaya horaria	Horariu del este de Norteamérica y America/New_York ^(es)
Fundación	9 xineru 1788
portal.ct.gov

Connecticut (/kəˈnɛtɪkət/) ye un estáu del noreste de los Estaos Xuníos, asitiáu na subrexón con Nueva Inglaterra, de la que fai de llende meridional. Según los datos del censu de 2010 ye l'estáu más ricu del país: ye'l de mayor renta per cápita, mayor Índiz de Desarrollu Humanu (0,962) y mayor ingresu mediu por unidá familiar^[1][2]. Connecticut llenda con Massachusetts al norte, Nueva York al oeste, Rhode Island al este y col estuariu de Long Island Sound al sur. La so capital ye Hartford, y la so ciudá más poblada Bridgeport. La mayoría de los autores ya instituciones inclúinlu en Nueva Inglaterra, magar que gran parte del so territoriu ye agrupáu colos de Nueva York y Nueva Jersey por otros autores ya instituciones que consideren que forma un área triestatal. El nome del estáu vien-y del ríu homónimu, que dixebra en dos metades de tamañu aproximao el so territoriu.

Los primeros habitantes d'orixe européu del territoriu foron holandeses qu'establecieron un asentamientu, pequeñu y de corta vida, nomáu Fort Hoop: taba asitiáu na xuntura de los ríos Connecticut y Park, au s'asitia Hartford anguaño. La metá del actual Connecticut formó parte de la colonia holandesa de Nueva Holanda: yera la mayoría del territoriu asitiáu ente los ríos Connecticut y Delaware, nel que curiosamente los primeros asentamientos importantes foran creaos polos ingleses na década de 1630. D'esti país yera Thomas Hooker, que coló con dellos colonos de la colonia de la badea de Massachusetts y fundó la colonia de Connecticut; y tamién otros colonos, tamién de Massachusetts, que fundaron les colonies de Saybrook y New Haven. Esta cabera, xunto cola de Connecticut, establecieron testos llegales que regulaban la so organización: foron les llamaes Lleis Fundamentales (Fundamental Orders), que son consideraes les primeres constituciones del actual territoriu d'Estaos Xuníos. Les trés colonies de les que venimos falando fundiéronse en una por mandatu d'una carta real en 1662: la nueva colonia de Connecticut pasó a ser asina una colonia real. Sería una de les que rechazarían la soberanía británica na Revolución Americana.

Connecticut ye'l tercer estáu más pequeñu del país, el 29u más pobláu y el cuartu con mayor densidá de población. Nelli hai una llarga tradición marítima, resultáu de la bayura de puertos qu'hebo a lo llargo la so historia neto nel Long Island Sound que nos ríos Connecticut y Thames. Tamién vien de vieyu el so calter de centru importante de la industria financiera, tanto del sector de los seguros como del de los fondos d'inversión.

Enllaces esternos

• Páxina oficial del estáu (n'inglés)

• 
  Catedral católica de San Xosé, n'Hartford.
• 
  Comedor de la Facultá de Derechu de la Universidá de Yale.
• 
  Faru de Five Mile Point, en New Haven.
• 
  Casa conceyu de Bridgeport.

Referencies

1. Olehmacher S, Highest wages in East, lowest in South. Artículu nel periódicu USA Today, 1 de payares de 2005.
2. US slips down development index, na web BBC News (22 de xunetu de 2008).

Los 50 estaos d'Estaos Xuníos d'América

Alabama · Alaska · Arizona · Arkansas · California · Carolina del Norte · Carolina del Sur · Colorado · Connecticut · Dakota del Norte · Dakota del Sur · Delaware · Florida · Georgia · Ḥawai · Idaho · Illinois · Indiana · Iowa · Kansas · Kentucky · Louisiana · Maine · Maryland · Massachusetts · Michigan · Minnesota · Mississippi · Missouri · Montana · Nebraska · Nevada · New Hampshire · Nueva Jersey · Nueva York · Nuevu Méxicu · Ohio · Oklahoma · Oregón · Pennsylvania · Rhode Island · Tennessee · Texas · Utah · Vermont · Virxinia · Virxinia Occidental · Washington · Wisconsin · Wyoming