Debra Messing

Debra Messing
Vida
Nacimientu	Brooklyn, 15 d'agostu de 1968[1] (56 años)
Nacionalidá	Estaos Xuníos
Residencia	Manhattan East Greenwich ^(es)
Llingua materna	inglés d'Estaos Xuníos inglés
Familia
Casada con	Daniel Zelman (2000 – div. 2016)
Fíos/es	1
Estudios
Estudios	East Greenwich High School ^(en) Universidá Brandeis (1986 - 1990) Grau n'Artes : theater arts ^(en) Tisch School of the Arts (1990 - 1993) Máster en Bellas Artes ^(es)
Llingües falaes	inglés[2]
Oficiu	actriz de cine, actriz de voz, actriz de teatru, actriz de televisión, comedianta, actriz, productora de cine, productora de televisión
Premios	ver Estrella del Paséu de la Fama de Hollywood Premio del Sindicato de Actores al mejor reparto de televisión - Comedia  (2000) : Will & Grace TV Guide Award  (2001, 2016) Premio del Sindicato de Actores al mejor reparto de televisión - Comedia  (2001) : Will & Grace Premio del Sindicato de Actores al mejor reparto de televisión - Comedia  (2002) : Will & Grace Satellite Award for Best Actress – Television Series Musical or Comedy  (2002, 2003) : Will & Grace Premio del Sindicato de Actores al mejor reparto de televisión - Comedia  (2003) : Will & Grace Primetime Emmy a la mejor actriz - Serie de comedia  (2003) : Will & Grace Premio del Sindicato de Actores al mejor reparto de televisión - Comedia  (2004) : Will & Grace Lucy Award  (2005) TV Guide Award  (2012) : Smash
Miembru de	SAG-AFTRA ^(es)
Creencies
Relixón	xudaísmu
IMDb	nm0005226

Debra Messing en 2009.

Debra Messing (15 d'agostu de 1968, Brooklyn) ye una actriz d'Estaos Xuníos, ganadora d'un premiu Emmy.

Biografía

Messing nació en Nueva York nel distritu de Brooklyn nel senu d'una familia xudía estauxunidense, descendientes de rusos y polacos, el so padre Brian Messing yera executivu de ventes d'una empresa fabricante de xoyes y la so madre Sandra trabayó como banquera, cantante profesional, axente de viaxes y funcionaria. Cuando Debra tenía 3 años, los sos padres, el so hermanu y ella treslladáronse a Providence en Rhode Island.

Estudió danza, cantu y actuación. Los sos padres animáronla a escorrer el so suañu de ser actriz y a completar una educación d'artes lliberales enantes d'empezar con esta carrera. Siguiendo'l so conseyu, estudió na Brandeis University en Waltham, Massachusetts. Nel primer ciclu universitariu, estudió teatru col programa británicu d'estudiu grupal européu, daqué qu'aguiyó'l so deséu d'actuar.

En 1990, dempués de llicenciase summa cum laude, almitiéronla nel Graduate Acting Program na New York University, onde llogró un máster en belles artes tres años dempués.

Carrera

En 1993, Messing ganóse munchos aponderamientos nel taller de preproducción de Broadway d'Angels in America: Perestroika de Tony Kushner. Dempués apaeció en dellos episodios de la serie NYPD Blue de 1994 a 1995.

En 1995, debutó nel cine con un papel secundariu en A Walk in the Clouds, d'Alfonso Aráu. Participó como coprotagonista de 1995 a 1997 na serie Ned and Stacey y tuvo dos apariciones en Seinfeld: "The Wait Out" en 1996 y "The Yada Yada" en 1997. Más tarde dixo que non a otru papel protagonista nuna serie de televisión pa trabayar en Collected Stories, de Donald Margulies en 1997.

En 1998, protagonizó la serie Prey, faciendo'l papel de l'antropóloga Sloan Parker y consiguió el papel de Grace Adler en Will & Grace.

Woody Allen llamóla personalmente pa protagonizar en 1998 el filme Celebrity. Más tarde actuó en The Mothman Prophecies (2002), Along Came Polly (2004), The Wedding Date (2005) y pa la última temporada del reality show Project Runway.

Vida privada

Conoció al so agora ex maríu, Daniel Zelman, actor y guionista, nel so primer día como estudiantes de posgráu na Universidá de Nueva York en 1990. Casáronse'l 03 de setiembre de 2000, nuna finca privada en Santa Bárbara, California. La pareya tuvo un fíu'l 07 d'abril de 2004, Roman Walker Zelman.

N'avientu de 2011 Debra y el so maríu Daniel, divorciáronse dempués d'once años de matrimoniu. Messing solicitó'l divorciu en 05 de xunu de 2012, según confirmó'l representante de l'actriz, “La so decisión foi mutua, y permanecen sofitándose mutuamente y comprometíos en criar al so fíu como familia”. Dende'l 2012, salió col so coestrella na serie "Smash" Will Chase. N'ochobre de 2014, informóse que los dos se divorciaran.

Filmografía

Cine

Messing nel estrenu de la película de Woody Allen, Whatever Works.

Añu	Película	Papel	Notes
2008	The Women	Edie Cohen
	Nothing Like the Holidays	Sarah Rodriguez	Nomada — Premiu Satellite a la meyor actriz - Musical o Comedia
2007	Purple Violets	Kate Scott
	Lucky You	Suzanne Offer
2006	Open Season	Beth	Voz
2005	The Wedding Date	Kat Ellis
2004	Along Came Polly	Lisa Kramer
	Garfield	Arlene	Voz
2002	The Mothman Prophecies	Mary Klein
	Hollywood Ending	Lori
1998	Celebrity	Reportera
1997	McHale's Navy	Tte. Penelope Carter
1995	A Walk in the Clouds	Betty Sutton

Televisión

Añu	Títulu	Papel	Notes
2014	The Mysteries of Laura	Laura Diamond (Laura Llebrel)
2012	Smash	Julia Houston
2011	Law & Order: Special Victims Unit	Alicia Harding
2008	The Starter Wife	Molly Kagan	10 episodios Nomada — Globu d'Oru a la meyor actriz de serie de televisión - Comedia o musical
2007	The Starter Wife	Molly Kagan	Miniserie de 5 partes Premiu Gracie Allen Nomada — Premiu Primetime Emmy a la meyor actriz de miniserie o telefilme Nomada — Globu d'Oru a la meyor actriz de miniserie o telefilme Nomada — Premiu Satellite a la meyor actriz de miniserie o telefilme Nomada — Premiu del Sindicatu d'Actores a la meyor actriz de televisión - Miniserie o telefilme
2006	Will & Grace: Say Goodnight Gracie	Grace Adler	Especial retrospectivu
2002	King of the Hill	Mrs. Hilgren-Bronson, ma de Jordan	Episodiu: "Get Your Freak Off" (voz)
1999	Jesús	María Madalena
1998–2006	Will & Grace	Grace Adler	Premiu Primetime Emmy a la meyor actriz - Serie de comedia (2003) Premiu Satellite a la meyor actriz de serie de comedia o musical (2002, 2003) Premiu del Sindicatu d'Actores a la meyor repartu de televisión - Comedia (2001), con Eric McCormack, Sean Hayes y Megan Mullally Nomada — Premiu American Comedy a l'actriz más risondera nuna serie de televisión (2000, 2001) Nomada — Premiu Primetime Emmy a la meyor actriz - Serie de comedia (2000-2002, 2006) Nomada — Globu d'Oru a la meyor actriz de serie de televisión - Comedia o musical (2000-2005) Nomada — Premiu Satellite a la meyor actriz de serie de comedia o musical (2004) Nomada — Premiu del Sindicatu d'Actores a la meyor actriz de televisión - Comedia (2001, 2004) Nomada — Premiu del Sindicatu d'Actores a la meyor repartu de televisión - Comedia (2002-2005), con Eric McCormack, Sean Hayes y Megan Mullally Nomada — Premiu Teen Choice a la meyor actriz de televisión (2001, 2002, 2006)
1998	Prey	Dr. Sloan Parker
1996–1997	Seinfeld	Beth Lookner	Episodios: "The Wait Out" (1996) y "The Yada Yada" (1997)
1995–1997	Ned and Stacey	Stacey
1995	Partners	Stacey	Episodiu: "City Hall"
1994–1995	NYPD Blue	Dana Abandando	Episodios: "Double Abandando", "A Murder with Teeth in It" y "Bombs Away"

Referencies

1. Afirmao en: Internet Broadway Database. Identificador de persona d'Internet Broadway Database: 495058. Apaez como: Debra Messing. Data de consulta: 9 ochobre 2017. Llingua de la obra o nome: inglés.
2. Identificador CONOR.SI: 45983331. Afirmao en: CONOR.SI.

Enllaces esternos

• Wikimedia Commons acueye conteníu multimedia sobre Debra Messing.

• Debra Messing na Internet Movie Database (n'inglés)
• Entrevista en Newsweek interview (2005)
• Entrevista en MovieHole Archiváu 2007-09-29 en Wayback Machine (12 de xineru de 2004)
• Entrevista n'USA Today (3 de mayu de 2002)