Nacíu en Alexandria, Virxinia, el so nome completu yera Elisha Helm Calvert. Debutó nel cine en 1912, actuando pa la productora Essanay Studios, empresa cola que tolos sos primeros filmes, munchos d'ellos trabayando xunto a l'actriz Lily Branscombe.
Empecipióse como direutor en 1914, siempres con Essanay. La so primer cinta, The Showman, na cual tamién foi productor, tenía como protagonista a Rod La Rocque. Ente los actores que trabayaron con él figuren Francis X. Bushman y Wallace Beery, amás de la so esposa, l'actriz Lillian Drew (1883-1924). Hasta 1917, Calvert dirixó pa Essanay un total de 61 producciones.
Tres una posa de cuatro años, volvió dirixir, nesta ocasión pa la compañía Gaumont Film Company. La última cinta empobinada por él foi The City of Youth, rodada en 1928 nel Reinu Xuníu. Sicasí, siguió cola so carrera d'actor hasta l'añu 1939. Tomó parte en 180 producciones, ente comedies, cintes de misteriu, cine negru, drames, western y hestories romántiques. Tamién actuó, ente otres películes, nuna cinta de los Hermanos Marx, Plumes de caballu.
↑ 1,01,1Afirmao en: autoridaes BNF. Identificador BnF: 161879151. Apaez como: E. H. Calvert. Autor: Biblioteca Nacional de Francia. Llingua de la obra o nome: francés.
↑"Calvert Joins Adventurers." Seattle Daily Times, 23 d'abril de 1913.