Giuliano Amato (13 de mayu de 1938, Turín) ye un profesor universitariu de Derechu Constitucional Comparáu y políticu italianu, presidente del Conseyu de Ministros d'Italia en dos causes, de xunu de 1992 a abril de 1993, y d'abril de 2000 a mayu de 2001. Na primer ocasión asocedió a Giulio Andreotti y foi asocedíu por Carlo Azeglio Ciampi. Na segunda, asocedió a Massimo d'Alema y foi asocedíu por Silvio Berlusconi. Amato foi'l Ministru del Interior del so país y miembru de la Cámara de Diputaos d'Italia sol gobiernu de Prodi. Tamién foi Ministru d'Asuntos Esteriores interín del so país, vice-primer ministru y ministru n'otres árees.
Foi vicepresidente de la Convención Europea.
Estudió derechu na Universidá de Pisa, onde se graduó en 1960. Realizó un máster en Derechu comparáu na Facultá de Derechu de la Universidá de Columbia (Nueva York) en 1962.
Foi Profesor Titular de Derechu Constitucional Comparáu na Universidá de Roma, Escuela de Ciencies Polítiques, de 1975 a 1997. Foi caderalgu nes Universidaes de Módena, Perugia y Florencia. Anguaño ye profesor de Derechu Global na Facultá de Derechu de la Universidá de Nueva York y profesor a tiempu parcial nel Institutu Universitariu Européu en Florencia.
Escribió llibros y artículos sobre economía y les instituciones públiques, les llibertaes personales, el federalismu y el gobiernu comparativu. Ente les sos publicaciones más recién tán "Antitrust and the Bounds of Power", Hart Publishing, Oxford 1997, y "When the Economy is affected with a Public Interest", in F. Snyder (Ed.), "The Europeanisation of Law", Hart Publishing, Oxford 2000.
Predecesor: Giovanni Goria |
Vicepresidente del Conseyu de Ministros d'Italia 1987–1988 |
Socesor: Gianni De Michelis |
Predecesor: Giovanni Goria |
Ministru de Facienda d'Italia 1987–1989 |
Socesor: Guido Carli |
Predecesor: Giulio Andreotti |
Presidente del Conseyu de Ministros d'Italia 1992–1993 |
Socesor: Carlo Azeglio Ciampi |
Predecesor: Franco Bassanini |
Ministru de Reformes Institucionales d'Italia 1998–1999 |
Socesor: Antonio Maccanico |
Predecesor: Carlo Azeglio Ciampi |
Ministru de Facienda, Presupuestu y Planificación Económica d'Italia 1999–2000 |
Socesor: Vincenzo Visco |
Predecesor: Massimo D'Alema |
Presidente del Conseyu de Ministros d'Italia 2000–2001 |
Socesor: Silvio Berlusconi |
Predecesor: Ortensio Zecchino |
Ministru d'Universidaes, Investigación Científica y Teunoloxía d'Italia (Interín) 2001 |
Socesor: Letizia Moratti |
Predecesor: Giuseppe Pisanu |
Ministru del Interior d'Italia 2006–2008 |
Socesor: Roberto Maroni |