Linda Cardellini

Linda Cardellini
Vida
Nacimientu	Redwood City, 25 de xunu de 1975 (49 años)
Nacionalidá	Estaos Xuníos
Llingua materna	inglés
Familia
Casada con	Steve Rodriguez ^(es) (2009 – )
Fíos/es	Lilah-Rose Rodriguez
Estudios
Estudios	Universidá Loyola Marymount Saint Francis High School ^(es)
Llingües falaes	inglés[1]
Oficiu	actriz, actriz de televisión, actriz de cine, actriz de voz
Trabayos destacaos	Scooby-Doo ^(en)
IMDb	nm0004802

Linda Edna Cardellini (25 de xunu de 1975, Redwood City) ye una actriz d'Estaos Xuníos de cine y televisión. Ye conocida pol so papel de la enfermera Samantha Taggart na serie ER, qu'interpretó en delles temporaes. Otros de los sos roles inclúin la estudiante de secundaria Lindsay Weir na serie Freaks and Geeks y l'adolescente Vilma Dinkley nes dos primeres películes con actores reales de Scooby-Doo.

Biografía

Cardellini nació en Redwood City, California, fía de Lorraine (Hernan; apellíu de soltera) y Wayne David Cardellini. Tien ascendecia italiana y irlandesa. La so primer vegada frente al públicu asocedió cuando apenes tenía 10 años d'edá, cuando cantó nuna actuación escolar. Depués d'esto, empezó a actuar en munches producciones escolares y a tomar llecciones d'actuación.^[2] Graduóse na secundaria católica St. Francis High School en 1993, y tuvo'l so debú tres años más tarde cuando llogró un rol como Sarah na serie infantil de l'ABC Bone Chillers. Depués d'esto, apaeció como estrella convidada en dellos programes d'horariu central como Pasu a Pasu o Boy Meets World, onde interpretaba a Lauren, una moza que s'interponía ente la pareya protagonista del show. Cardellini pasó'l branu de 1999 n' Europa como parte d'una xira de producción de Lancelot, A 14th Century.^[3] Per primer vegada apaeció na pantalla interpretando a una estudiante de bones calificaciones con crisis d'identidá, Lindsay Weir, na serie de cultu de la NBC Freaks and Geeks, que ganó un Emmy na categoría de meyor repartu en series de comedia. Dichu papel fíxola merecedora de crítiques positives que la catapultaron a la fama.

Llicenciada n'arte dramático nel añu 2001 na Loyola Marymount University, Cardellini trabayaría depués na adautación live-action de la famosa caricatura de Hanna-Barbera, Scooby-Doo, y más tarde na so secuela, interpretando a Vilma Dinkley. En 2007, foi escoyida pa interpretar a lovelorn Clara na miniserie de CBS Comanche Moon, una precuela de la serie Lonesome Dove del añu 1980.^[4]

Linda sostuvo una rellación cola so co-estrella de Freaks and Geeks, Jason Segel, un par d'años depués de la cancelación de la serie. Présta-y l'arte (especialmente'l de Margaret Keane y toma clases d'artes marciales.^[5] Anguaño l'actriz mora en Los Angeles.

Filmografía

Linda Cardellini en 2010.

Linda Cardellini en 2011 Paley Fest Freaks y Geeks en reunion la repartida

Televisión

• El preciu xustu (1993) ... Ella mesma (participando)
• Bone Chillers (8 episodios en 1996) ... Sarah.
• La tercer roca dende'l Sol (un episodiu en 1997) ... Lorena.
• Pacific Palisades (2 episodios en 1997) ... Sara.
• Clueless (un episodiu en 1997) ... Oddrey.
• Paso a pasu (un episodiu en 1997) ... Cassie Evans.
• Promised Land (un episodiu en 1998) ... Amber.
• Kenan y Kel (un episodiu en 1998) ... Becky.
• Guys Like Us (6 episodios ente 1998 y 1999) ... Jude.
• Boy Meets World (4 episodios ente 1998 y 1999) ... Lauren.
• The Lot (un episodiu en 1999) ... June Parker.
• Freaks and Geeks (18 episodios ente 1999 y 2000) ... Lindsay Weir.
• Dimensión Desconocida (un episodiu en 2003) ... Ali Warner.
• ER (126 episodios ente 2003 y 2009) ... Enfermera Samantha Taggart
• Pollu Robot (episodiu Operación Ricu n'Espíritu en 2005) ... Vilma Dinkley, Masagista asiática, Blueberry Muffin (voz).
• Human Giant (un episodiu en 2007) ... Melody Richards.
• Pollu Robot (episodiu "Chirlaxx" en 2008) ... Condoleezza Rice, madre de moza (voz).
• Comanche Moon (tres episodios en 2008) ... Clara Forsythe.
• Cupidu (un episodiu de 2009) ... Masseuse.
• The Good Family (trece episodios en 2009) ... Bliss Goode.
• Regular Show (2012)... voz de CJ.
• Gravity Falls (2012)... voz de Wendy.
• Sanjay and Craig (2013)... voz de Megan.
• Mad Men (2013) ... Sylvia Rosen
• New Girl (2014)... Abby Day
• Bloodline (2015) ... Meg Rayburn

Cine

• Good Burger (1997) - Heather
• Dead Man on Campus (1998) - Kelly
• Strangeland (1998) - Genevieve Gage
• Dying to Live (1999) - Leslie Chambers
• The Prince and the Surfer (1999) - Melissa
• Legally Blonde (2001) - Chutney Windham
• The Unsaid (2001) - Shelly Hunter
• Scooby-Doo (2002) - Vilma Dinkley
• Gladius (2003) - Ursula (voz)
• Certainly Not a Fairytale (2003) - Adelle/Writer
• Scooby-Doo 2: Bisarmes Sueltes (2004) - Vilma Dinkley
• LolliLove (2004) - Linda
• Jiminy Glick in Lalawood (2004) - Natalie Coolidge
• Brokeback Mountain (2005) - Cassie Cartwright
• American Gun (2005) - Mary-Anne
• Grandma's Boy (2006) - Samantha
• The Lazarus Project (2008) - Julie Ingram.
• Kill the Irishman (2010) - Joan Madigan.
• Super (2010) - Emplegada de la tienda de mascotes
• Avengers: Age of Ultron (2015) - Esposa de Güeyu de Halcón - Laura Barton

Videoxuegos

• Gladius (2003): Voz de Úrsula
• Scooby-Doo 2: Bisarmes Sueltes (2004): Voz de Vilma Dinkley
• Lollipop Chainsaw (2012): Voz De Cordelia

Referencies

1. Identificador CONOR.SI: 28754531. Afirmao en: CONOR.SI.
2. Fotografíes y datos de Linda Cardellini. Consultáu'l 25 d'ochobre de 2010.
3. Información, datos y semeyes de Linda Cardellini en "Ask Men.com". Consultáu'l 25 d'ochobre de 2010.
4. Freaks and Geeks, páxina con información actual sobre tolos actores de la serie Archiváu 2012-05-31 en Wayback Machine. Consultáu'l 25 d'ochobre de 2010.
5. Biografía completa de Linda Cardellini. Consultáu'l 25 d'ochobre de 2010.

Enllaces esternos

• Linda Cardellini na Internet Movie Database (n'inglés)
• Linda Cardellini (enllaz rotu disponible n'Internet Archive; ver l'historial y la última versión). en TV.com (n'inglés).
• Linda Cardellini en NBC (na serie ER).