Manchuria

Manchuria
Alministración
Tipu d'entidá	rexón histórica
Nome llocal	ᡩᡝᡵᡤᡳ ᡳᠯᠠᠨ ᡤᠣᠯᠣ (mnc); 滿洲 (zh-hant); 满洲 (zh-hans); Маньчжурия (ru); 關東 (zh-hant); 关东 (zh-hans); 關外 (zh-hant); 关外 (zh-hans); 东三省 (zh-hans); 東三省 (zh-hant); 満洲（まんしゅう） (ja)
Xeografía
Coordenaes	45°N 125°E / 45°N 125°E
Demografía

Manchuria^[1] (oficialmente Dongbei Pingyuan) ye una rexón allugada al noroeste de China la cuala cunta con una superficie de 801.600 km², y qu'abarca les provincies chines de Liaoning, Heilongjiang y Jilin, asina como la parte oriental de la rexón autónoma de Mongolia Interior. La so antigua capital ye Mukden (anguaño Shenyang).

Xeografía

Ye una rexón claramente montascosa, cruciada pel valle del Sungari y pel valle del Liao. El so tarrén ye ricu en fierro, cinc, carbón, plomu, cobre, plata y oru. Tien un clima rigurosu con llargos y perfríos iviernos.

Historia

Manchuria na antigüedá foi'l llar de guerreres tribus nómades, China anicióu'l so control territorial dende la dinastía Han pero col pasu'l tiempu los chinos namái llimitáronse a tener guarniciones nel sur de la rexón. Llueu, los Tungús crearon el reinu de Pohai, el cualu foi destruyíu pola etnia mongola khitan, quien creó l'imperiu Liao, otres tribus como los Juchen, vasallos de los tungús, fixeron el so reinu chin en 1115 y aliáronse colos chinos de la dinastía Song.

Los mongoles de Gengis Khan acabaron colos reinos de Manchuria en 1234, aniciando'l camín pa la dominación de China, pero en 1368, la dinastía china de los Ming reentamó'l dominiu na rexón, polo qu'a lo cabero los Junchen entamaron a fortalecese mientres que los Ming se debilitaben, dende esi momentu eses tribus conoceríense com los manchús. Pa finales del sieglu XVI escomenzaron les guerres escontra los chinos, que finalmente concluyeron cola cayida de los Ming, dende'l suicidiu del so caberu emperador.

En 1644, los manchús fundaron la dinastía Qing, que reinó hasta 1911 y preborun pa detener la emigración china pa Manchuria hasta finales del sieglu XVIII; ésta debióse a los recursos esistentes na rexón.

La so llende pa con Rusia foio movida delles vegaes en 1689, 1858 y 1860, siendo nesta postrera cuando fixóse ente los ríos Amur y Ussuri.

Dende 1894 foi una rexón disputada por Xapón y por Rusia, lo que fizo qu'españara la guerra ruso-xaponesa de 1904, na que venció'l país nipón y anexonó la rexón en 1931, entamando nella un gobiernu títere sol nome d'Imperiu de Manchukuo. Talo yera l'interés de Xapón na rexón qu'obligó al débil postreru emperador chinu, Puyi, a proclamase Emperador de Manchukúo, sol nome de Kang De. Esta inxerencia na poderosa China foi ún de los motivos polos que los Estaos Xuníos entraran na Segunda Guerra Mundial. Tres la derrota xaponesa na Guerra, l'armisticiu robráu en 1948 declaraba esplícitamente que Manchuria pasaría a ser parte integrante de la República Popular China y, en 1959, la rexón foi dividida ente la Mongolia Interior y les provincies de Liaoning, Heilongjiang y Jilin.

Referencies

↑ Esti términu apaez nel Diccionariu de l'Academia de la Llingua Asturiana. Ver: manchú

Enllaces esternos

[1] Esti términu apaez nel Diccionariu de l'Academia de la Llingua Asturiana. Ver: manchú

[1]