Peter Boyle

Peter Boyle
Vida
Nacimientu	Norristown ^(es) , 18 d'ochobre de 1935[1]
Nacionalidá	Estaos Xuníos
Muerte	Nueva York[2], 12 d'avientu de 2006[3] (71 años)
Sepultura	Green River Cemetery ^(en) [4]
Causa de la muerte	mieloma múltiple ^(es)
Fíos/es	2
Estudios
Estudios	Universidad de La Salle ^(es) West Philadelphia Catholic High School ^(en) HB Studio ^(es)
Oficiu	actor de televisión, actor de cine, oficial, montador, actor de teatru, actor de voz
Premios	ver Primetime Emmy al mejor actor invitado - Serie dramática  (1996) : The X-Files Judith Wright Prize  (2010)
Xéneru artísticu	western
Serviciu militar
Cuerpu militar	Armada d'Estaos Xuníos
Graduación	oficial
IMDb	nm0001967

Peter Lawrence Boyle (18 d'ochobre de 1935, Norristown ^(es)  – 12 d'avientu de 2006, Nueva York), foi un actor d'Estaos Xuníos ganador d'un Premiu Emmy en 1996 pol so papel d'actor convidáu na serie The X-Files. Anque nos últimos años Peter Boyle yera conocíu pola so participación na serie Everybody Loves Raymond como Frank Barone, nel so filmografía atópense películes como Young Frankenstein o Taxi Driver.

Biografía

Peter Boyle nació en Pennsylvania, fíu d'un presentador de televisión y nun ambiente católico. Llueu se camudó a Filadelfia, onde estudió nel colexu católicu de La Salle y na Universidá de La Salle. Se enroló na Marina de los Estaos Xuníos, pero la so carrera militar viose atayada por una crisis nerviosa. En Nueva York, Peter estudió col prestixosu profesor d'actores Uta Hagen, de la que se ganaba la vida como carteru y camareru. Empezó depués la so carrera d'actor interpretando La estraña pareya, de Neil Simon, y fixo la so primer apaición nuna película (Medium Cool) en Chicago, en 1969

Peter Boyle consiguió'l so primer papel protagonista na película Joe en 1970, na qu'interpretaba a un trabayador intolerante d'una fábrica de Nueva York. La película tuvo arrodiada de discutiniu, pol so llinguaxe y la so violencia. Amás, nesa dómina Peter conoció a actores como Jane Fonda y participó viviegamente nes manifestaciones contra la Guerra de Vietnam. El so siguiente gran papel foi'l de Bisarma de Frankenstein na película Young Frankenstein de Mel Brooks, en 1974. Ente los sos demás trabayos atopen un papel como taxista filósofu en Taxi Driver, con Robert De Niro, la comedia Los esmadraos pirates de Barbamarilla (Yellowbeard), de 1983, colos Monty Python o'l drama Monster's Ball, con Halle Berry, de 2002.

En 1994 participó na película "La solombra" (The Shadow) xunto a Alec Baldwin nel papel del so taxista quien comparte'l secretu.

Ente 1996 y 2005, interpretó al padre de Ray Romanu na comedia de situación Everybody Loves Raymond.

Peter Boyle finó por cuenta de problemes cardiovasculares el 12 d'avientu de 2006.

Premios y nominaciones

• Premios Emmy: Peter Boyle tuvo nomáu como "Meyor actor principal nun especial de comedia o drama" pol so papel en Tail Gunner Joe en 1977; en 1989 pol so papel d'actor convidáu na serie Midnight Caller, y ente 1996 y 2005 como Actor Secundariu nuna serie risible pol so papel en Everybody Loves Raymond. Ganó un Emmy pola so apaición como actor invitáu na serie The X-Files en 1996
• Premios del Sindicatu d'Actores: tuvo nomáu, xunto colos sos compañeros de repartu de Everybody Loves Raymond, na categoría de "Meyor repartu nuna serie risible", en 1999, 2000, 2002, 2003, 2004, 2005 y 2006.

Referencies

1. Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
2. Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
3. URL de la referencia: http://www.washingtonpost.com/wp-dyn/content/article/2006/12/13/AR2006121301492.html.
4. Afirmao en: Find a Grave. Identificador Find a Grave: 17010501. Data de consulta: 17 abril 2023. Llingua de la obra o nome: inglés.

Enllaces esternos

• Peter Boyle na Internet Movie Database (n'inglés)
• Peter Boyle en TV.com Archiváu 2019-09-13 en Wayback Machine

• Wikimedia Commons tien conteníu multimedia tocante a Peter Boyle.