Ramón Carrizalez

Ramón Carrizalez
Vicepresidente de Venezuela
Vicepresidente de Venezuela
Vida
Nacimientu	Zaraza, 8 de payares de 1952 (72 años)
Nacionalidá	Venezuela
Estudios
Estudios	Academia Militar del Ejército Bolivariano (es)
Oficiu	políticu, militar
Graduación	Coronel
Creencies
Partíu políticu	Partíu Socialista Xuníu de Venezuela

Ramón Alonso Carrizalez Rengifo (8 de payares de 1952, Zaraza) ye un políticu y militar venezolanu, qu'ocupó diversos cargos na alministración d'Hugo Chávez. Anguaño ye'l gobernador del estáu Apure.

Foi Vicepresidente de la República Bolivariana de Venezuela, del 3 de xineru de 2008 al 27 de xineru del 2010, amás foi'l Ministru del Poder Popular pa la Defensa dende'l 4 de marzu de 2009 hasta'l 27 de xineru de 2010.

Ye un coronel retiráu del Exércitu, egresado de l'Academia Militar Venezolana el 5 de xunetu de 1974 na promoción Xeneral de División (Ej.) José Ignacio Pulido” col títulu de Llicenciáu en Ciencies y Artes Militares. Solicitó la so baxa (por voluntá propia), en 1994. Ta casáu con Yubirí Ortega (tamién ministra mientres el gobiernu de Chávez) con quien tien 3 fíos.

Dende 2000 ocupó cargos designaos pol gobiernu, como la presidencia executiva de la Fundación Fondu Nacional de Tresporte Urbanu (Fontur), que asumió nesi mesmu añu cuando sustituyó a Jorge Garrido.

Darréu, en marzu de 2004, Carrizalez Rengifo foi nomáu ministru d'Infraestructura, depués de que l'entós gobernador del estáu Miranda, Diosdado Cabello abandonara'l cargu con mires a les eleiciones rexonales d'esi mesmu añu. Dende esta xefatura impulsó la llamada "Misión Vivienda", la construcción de les llinies 3 y 4 del Metro de Caracas y de los metros de Los Teques, Valencia y Maracaibo, amás del tramu Caracas-Cua del Sistema Ferroviariu Nacional.

El más recién cargu del funcionariu nel gabinete de Chávez asocedió a principios de 2007, cuando empezó a ocupar la cartera de Vivienda y Hábitat. El 11 de xunu de 2008 foi designáu nuevamente ministru de vivienda. El 25 de xineru de 2010 dimite de tolos sos cargos ministeriales argumentando motivos personales y ratificando el so sofitu al gobiernu, la so esposa Yubirí Ortega hasta entós Ministra del ambiente arrenuncia'l mesmu día por motivos de salú.^[1]

En febreru de 2011 ye designáu gobernador encargáu del estáu Apure, per parte del Conseyu Llexislativu una y bones fungía como Secretariu de Gobiernu y amás pola declaratoria de la falta absoluta del gobernador titular Jesús Aguilarte, quien arrenunció al so cargu alegando problemes de salú, pa depués ser electu en 2012 y reelecto en 2017.^[2]^[3]