Toledo (Ohio)

Toledo
	flag of Toledo (en)
Alministración
País	Estaos Xuníos
Estaos	Ohio
Condáu	condáu de Lucas
Tipu d'entidá	ciudá de los Estaos Xuníos
Mayor of Toledo, Ohio (en)	Wade Kapszukiewicz
Xeografía
Coordenaes	41°39′10″N 83°32′16″W / 41.6528°N 83.5378°O
	Toledo Toledo (los EE.XX.)
Superficie	217.953266 km²
Altitú	187 m
Llenda con	Municipio de Bedford (es)
Demografía
Población	270 871 hab. (1r abril 2020)
Porcentaxe	100% de condáu de Lucas
Densidá	1242,79 hab/km²
Viviendes	119 215 (31 avientu 2020)
Más información
Fundación	1833
Prefixu telefónicu	419
Llocalidaes hermaniaes	Poznań, Toledo, Eberswalde (es) , Londrina, Szeged, Toyohashi, Qinhuangdao y Tanga
	toledo.oh.gov

Pa ver otros usos d'esti términu, Toledo (dixebra).

Toledo ye una ciudá allugada nel condáu de Lucas nel estáu norteamericanu d'Ohio. Nel Censu de 2010 tenía una población de 287 208 habitantes y una densidá de población de 1318,19 persones per km².[2]Toledo ye la cuarta ciudá más grande d'Ohio. Ta allugada na ribera del ríu Maumee.

Toledo ye conocida como la Ciudá de Cristal, gracies a la so llarga tradición na anovación en tolos aspeutos de la industria del vidriu, de lo que'l so muséu tien una estensa coleición. L'automóvil Jeep foi fabricáu en Toledo dende 1941. Ye ciudá universitaria.

Ye sede de la Diócesis de Toledo y tol Mediu-Oeste (Patriarcáu ortodoxu d'Antioquía)^[1]

Xeografía

Toledo alcuéntrase allugada nes coordenaes 41°39′51″N 83°34′55″W / 41.66417°N 83.58194°O / 41.66417; -83.58194. Según la Oficina del Censu de los Estaos Xuníos, Toledo tien una superficie total de 217,88 km², de la que 208,99 km² correspuenden a tierra firme y (4,08 %) 8,89 km² son agua.[4]

Ta nel noroeste del estáu d'Ohio, al pie de la badea de Maumee, estremu occidental del llagu Erie y ta travesada pel ríu Maumee. Ta cerca del estáu de Michigan. La so elevación sobro'l nivel del mar ye de 187 metros. Gran parte de la ciudá ta enriba de suelu formáu artificialmente que de primeres taba ocupáu por llamuergues.

El terrén ye xeneralmente llanu, y el suelu ye fértil, particularmente nel valle del Maumee.

La proximidá del llagu modera les temperatures, de forma que les nevaes suelen ser llixeres. La temperatura medio de xineru ye de -5,3 °C, la de xunetu ye de 22,3 °C, y la media añal xube a 9,2 °C.

Gobiernu

La ciudá gobérnase por aciu d'un alcalde (mayor) y dolce conceyales (council members) que formen el conceyu (city council). Seis de los conceyales escuéyense por distritos y los otros seis por tola ciudá (at-large). Tanto l'alcalde como los conceyales escuéyense por periodos de cuatro años. La posición del alcalde ye bien fuerte na organización alministrativa de Toledo.

Historia

La zona empezó a ser percorrida por tramperos y comerciantes franceses a partir de los años ochenta del sieglu XVII, pero nun se construyó nengún asentamientu estable. L'área abrióse a la colonización anglosaxona tres la Batalla de los Árboles Cayíos en 1794. Esti combate llevó a una serie de trataos colos indios ente los años 1795 y 1817. Ente 1803 y 1805 edificóse un fuerte —Fort Industry— na desaguada de la riega Swan Creek. A partir de la guerra de 1812 hubo un establecimientu de población permanente alredor del fuerte. Na zona fundáronse dos poblaciones: Port Lawrence (1817) y Vistula (1832). Dambes xuniéronse'n 1833 sol nome de Toledo y, anque se dieron delles versiones, desconozse con seguridá la razón pola que s'escoyó esti nome.

Dende 1835 Toledo ye la capital del condáu de Lucas incorporándose como ciudá en 1837. Nos años trenta d'esi sieglu, l'estáu d'Ohio decidió incorporar la rexón de Toledo al so plan de construcción de canales. Sicasí, la zona nun formaba parte del estáu, sinón del Territoriu de Michigan, polo que se produció un problema de llendes conocíu como la Guerra de Toledo en 1835. Los habitantes de la zona puxaben por que'l valle baxu del Maumee pasara de Michigan a Ohio. El conflictu solucionólu el presidente Andrew Jackson axudicando'l territoriu en discutiniu a Ohio y compensando a Michigan cola qu'anguaño ye la so península septentrional.

El desenvolvimientu industrial de la rexón producióse mientres esa década y la siguiente, al construyise canales pal tresporte y ferrocarriles.

La industria del vidriu empecipió a partir de la década del 1880 por Edward Libbey y Michael Owens.

Demografía

Según el censu de 2010,[5] había 287.208 persones morando en Toledo. La densidá de población yera de 1.318,19 hab./km². De los 287 208 habitantes, Toledo taba compuestu pol 64.83% blancos, el 27.18% yeren afroamericanos, el 0.37% yeren amerindios, el 1.14% yeren asiáticos, el 0.03% yeren d'islles del Pacíficu, el 2.58% yeren d'otres races y el 3.88% pertenecíen a dos o más races. Del total de la población el 7.39% yeren hispanos o llatinos de cualquier raza.[6]

Población per añu^[2]
Añu	Población	Puestu ente les ciudaes de los EE.XX.
1860	13.768	68ª
1870	31.584	40ª
1880	50.137	35ª
1890	81.434	34ª
1900	131.822	26ª
1910	168.497	30ª
1920	243.164	26ª
1930	290.718	27ª
1940	282.349	34ª
1950	303.616	36ª
1960	318.003	39ª
1970	383.818	34ª
1980	354.635	40ª
1990	332.943	49ª
2000	313.619	57ª
2010	287.208	66ª

Trátase del cuartu conglomeráu urbanu del estáu d'Ohio. La población de la ciudá ta menguando dende la década de 1970.

Referimos los datos del documentu 2005 American Community Survey Data Profile Highlights (enllaz rotu disponible n'Internet Archive; ver l'historial y la última versión). de la Oficina del Censu de los EE.XX., referíos a 2005.

Habitantes: 285.937^[3]

Homes: 138.873 (48,6%). Muyeres: 147.064 (51,4%) (la media de los EE.XX. ye d'un 49,0% d'homes).

Media d'edá: 34,2 años (la media de EE.XX. ye 36,4 años). Población de menos de 5 años: 7,5% (la media de EE.XX. ye 7,0%). Población de 65 años o mayor: 12,0% (la media de EE.XX. ye 12,1%).

Por races, el 66,3% son blancos y el 25,4% afroamericanos (les cifres pa EE.XX. son 74,6% y 12,1% respeutivamente).

El 6,4% de los habitantes son llatinos, frente al 14,5% nos EE.XX.

De la población de 25 o más años, el 81,7% acabara bachilleratu (84,2% de media n'EE.XX.), y el 17,3% tenía estudios cimeros (27,2% de media n'EE.XX.).

El porcentaxe de persones nacíes nel estranxeru ye de 3,2%, cuando la media nacional ye de 14,4%.

Economía

La situación ventayosa de Toledo na rexón de los Grandes Llagos, con accesu navegable al océanu al traviés del ríu San Llorienzu viose reforzada pola conexón a otres canales de navegación y la llegada del ferrocarril, nes décades de 1830 y 1840. El so puertu, xestionáu pola Toledo-Lucas County Port Authority, ye unu de los mayores del mundu nel tresporte de carbón y fierro. Tamién distribuye ceberes y soya, petroleu y derivaos, cementu y otres cargues, y dispón d'instalaciones pal arreglu de barcos.

Ente les industries de la rexón de Toledo alcuéntrense la del vidriu, automóvil, construcción naval, aeronáutica, metal, maquinaria, medicines y fabricación de farines. Esisten más de mil fábriques y centros de producción nel área metropolitana. Les empreses con más trabayadores emplegaos incluyen Daimler AG., General Motors, Libbey Inc., Dana Corporation, Owens-Illinois Inc., ProMedica Health Systems y el sistema d'escueles públiques. L'ochavu puestu pol númberu d'emplegaos ye'l Medical College of Ohio.

Toledo dispón d'un aeropuertu (Toledo Express) sirvíu por siete aereollinies y que ye la base d'operaciones de Burlington Air Express. L'aeropuertu de Detroit ta allugáu a menos d'una hora n'automóvil.

Ciudaes hermaniaes

Toledo ta hermaniada cola Toledo española dende 1931, siendo esti el primer hermaniamientu ente ciudaes en Norteamérica. En total, Toledo cunta con ocho ciudaes hermanes, designaes por Sister Cities International (SCI):^[4]