Libreville

Libreville
RISTULA
Patecta	Gabona
Gola	Estuaire Winka
SANELIOPA
Sanelia	703 940 ir- (2013)
TAWAVOPA
Maneka	00°23′ G-, 09°27′ R-
Ontine	m-
LAPIRA, LIZIBA
Bira, kuksa
Rid
Kelot
Vawa

Libreville tir widava is kelu valenttalte Gabona. To ristus widot ke Estuaire winka tir, kene lenteon reca ke mantaf Komo bostam van Atlantika Welfa.

Debala ke Libreville koe Gabona

Taneafa widava ke patecta emon gu sanelia dem 703 940 irubasik ba otulara ke 2013 ( nek 419 596 ba 1993 ). Va mon 40 % ke kotafa sanelia ke patecta lospar. Inafa laumara tir kaliapafa is krogafa. Widavaf levedreeem tir gavepaf gu warzafa vegedura. Libreville tir telo nelkafo patectafo ristulaxo isu bareodacaxo ise vas rabafa tegiracapa ( Owendo rabaxo ) dere ruldar.

Widava va walvedeyafo severoxo ( LBV : IATA beksa ) lenteon dadir. Sleda tir abrotcafa gu 3000 m-.

Libreville bak 1849 gan francik zo reduyur ise tiyir malaxo ke francafa boniara va Gabona. Intaf yolt yoke tunuyara va levetirik kototayan moe Elisia suleratota zo ziliyir.

Afigasuteks is ewava

• 
  Kreyaf wiks va Libreville
• 
  Wiks va Komo bost
• 
  Wiks kene reca
• 
  Wiks kene reca
• 
  Kreyaf wiks va Libreville
• 
  Afigasuteks va Libreville moni 1900
• 
  Afigasuteks va Libreville moni 1900
• 
  Patectolafa revava moni 1900
• 
  Kodia ke francaf boniaxobowesik moni 1900
• 
  Berma ke francafe boniaxobowere moni 1900
• 
  Wiks va pulodaxe ke Gabona
• 
  Wiks va ristulaxe
• 
  Wiks va vawila ke Libreville
• 
  Wiks va moltam ke Libreville

	Widava ke Gabona
Franceville • Koulamoutou • Lambaréné • Libreville • Makokou • Moanda • Mouila • Oyem • Port-Gentil • Tchibanga