Robert Blox

Robert Blox
Doğum tarixi
Doğum yeri Çikaqo, ABŞ
Vəfat tarixi (77 yaşında)
Vəfat yeri Los-Anceles, ABŞ
Vəfat səbəbi xərçəng xəstəliyi
Dəfn yeri
  • Vestvud qəbiristanlığı[d]
Fəaliyyəti yazıçı, ssenarist, romançı, fantastika yazıçısı[d], film ssenaristi[d]
Fəaliyyət illəri 1934—1994
Əsərlərinin dili ingilis
Janrlar triller, elmi fantastika
Vikianbarın loqosu Vikianbarda əlaqəli mediafayllar

Robert Albert Blox (ing. Robert Albert Bloch, 5 aprel 1917[1][2][…], Çikaqo, İllinoys – 23 sentyabr 1994[1][2][…], Los-Anceles, ABŞ) - ABŞ yazıçısı. Uşaq vaxtlarından Lavkraftın yaradıcılığının pərəstişkarı olan yazıçı sonralar bir müddət onunla məktublaşmışdır. Alfred Hiçkok və Qas Van Sent tərəfindən ekranlaşdırılmış "Psixo" əsərinin müəllifidir. Lüdviq Prinnin yaradıcısıdır. Yüzlərlə hekayə və otuz romanın müəllifidir. Hyuqo, Brem Stoker və Beynəlxalq Fentezi mükafatlarının sahibidir.

Cavanlığı

[redaktə | vikimətni redaktə et]

Blox Çikaqoda alman-yəhudi əsilli ailədə anadan olub. Atası Rafael Rey Blox (1884-1952) bank kassiri, anası Stella Leb (1880-1944) sosial işçi olub. Bloxun 5 yaşı olanda ailəsi Çikaqo ətrafında yerləşən Meyvuda köçür və 10 yaşına kimi orda yaşayırlar. Ata anasının yəhudi kökənli olmasına baxmayaraq orda Metodist Kilsəsini ziyarət edir və Emerson Qrammatika kollecində oxuyurdu. 1925-ci ildə, 8 yaşı olanda, gecə təkbaşına baxdığı "Operanın Xəyalı" (The Phantom of the Opera) filmi ona ona o qədər təsir edir ki, onu iki il davam edən gecə kabuslarından xilas edir və qorxu janrına maraq yaradır.

1929-cu ildə atası bankdakı işini itirdikdən sonra robertin ailəsi Miluokiyə köçür. Robert Linkoln Ali Məktəbinə qəbul olur. Burada o, ömrünün sonuna qədər dost olacağı Herold Qauerlə tanış olur. Herold o vaxtlar Linkolnun ədəbiyyat jurnalının redaktoru idi. Yazıçının "The Thing" adlanan ilk hekayəsini Qauer oz jurnalında nəşr etdirir. 1934-cü ildə hər iki dost ali məktəbdən məzun olur.

Yaradıcılığı

[redaktə | vikimətni redaktə et]

Robert yaradıcılığa erkən yaşlarında başlamışdır, belə ki, o, hələ 17 yaşında ikən ilk əsəri olan "Lilies" hekayəsini yarı-peşəkar jurnal olan "Marvel Tale" jurnalında dərc elətdirib. 1935-1945-ci illər ərzində müxtəlif jurnallarda qorxu və fentezi janrında 100-dən çox hekayə dərc elətdirmişdir.

1935-ci ildə Hovard Lavkraftın yazdığı "The Haunter of the Dar" əsərinin baş qəhrəmanının prototipi Robert Blox olur. qeyd etmək yerinə düşər ki, Lavkraftın öz yaradıcılığında prototip qismində müraciət etdiyi yeganə şəxs Robert Bloxdu.

Robertin ilk yazdığı əsərlərdə "Ktulxu Mifləri"nin ruhu hiss olunur.

1945-ci ildə "Stay Tuned for Terror" radio şousunun yaradılmasında ssenarist kimi fəaliyyət göstərir. Elə həmin 1945-ci ildə Robertin ilk kitabı olan "Stay Tuned for Terror" Böyük Britaniyada nəşr edilir və Arkham House nəşriyyatı sayəsində ilk hekayələr toplusu olan "The Opener of the Way" işıq üzü görür.

Şəxsi Həyatı

[redaktə | vikimətni redaktə et]
Ada, Frank, Salli, Cek, Robert və Marion Blox.

Robert ilk dəfə 1940-cı il oktyabr ayının 2-də əsgərliyə aparılmasın deyə hesablanmış şəkildə Marion Rut Holkombe ilə nigaha girir. Evlilik ərzində sümük vərəmi tutan Marion yerimə qabiliyyətini itirir və 1953-cü ildə onlar, Marion qohumlarına və dostlarına yaxın olsun deyə Marionun doğma şəhəri olan Veauveqaya köçməli olurlar. Burda Marionun vərəmdən müalicə olunmasına baxmayaraq 1963-cü ildə Robert Mariondan boşanır və onların qızı Salli atasının yanında qalmağı seçir.

1964-cü il yanvar ayının 19-da yenicə dul qalmış Elianor Aleksandrı görən Robert, elə həmin il oktyabr ayının 16-da onunla evlənir. Elianor model və kosmetoloq idi. Bal ayını Taitidə keçirən cütlük 1965-ci ildə Londona sonra isə Britaniya Kolumbiyasına köçür. Cütlük Robert vəfat edənə qədər xoşbəxt həyat sürür. Robertin ölümündən sonra bir müddət Los-Ancelesdə yaşayan Elianor, evlərini Bloxu bir pərəstişkarına sataraq Kanadaya doğma ailəsinin yanına qayıdır. Elianora 2007-ci il martın 7-də vəfat edir.

Nekroloq

[redaktə | vikimətni redaktə et]

1994-cü ilin avqust ayında Robert öz Nekroloqunu çap etdirir. "Locus" bunu bütün ömrü boyu ölümdən yazan yazıçının zarafatı adlandırır. Bundan düz bir ay sonra Robert xərçəng xəstəliyindən dünyasını dəyişir. Onun nəşi kremasiya olunur və Los-Ancelesdəki Vesvud qəbristanlığıda dəfn edilir. Yoldaşı Elianora da orda dəfn olunub.

Biblioqrafiya

[redaktə | vikimətni redaktə et]

Yazıçı yüzdən çox hekayənin müəllifidir.

İli Janr Orijinal adı
1935 hekayə The Shambler from the Stars
1936 hekayə The Grinning Ghoul
1936 hekayə Mother of Serpent
1937 hekayə The Mannikin
1938 hekayə The Eyes of the Mummy
1938 hekayə Slave of the Flames
1939 hekayə The Cloak
1939 hekayə Mannikins of Horror
1943 hekayə Yours Truly, Jack the Ripper
1944 hekayə The Devil`s Ticket
1945 hekayə The Man Who Cried "Wolf!"
1945 hekayə The Skull of The Marquis de Sade
1946 hekayə The Bogey Man Will Get You
1946 hekayə Enoch
1946 hekayə Lizzie Borden Took an Axe

İstinadlar

[redaktə | vikimətni redaktə et]
  1. ↑ 1 2 Bibliothèque nationale de France BnF identifikatoru (fr.): açıq məlumat platforması. 2011.
  2. ↑ 1 2 Robert Bloch // Internet Speculative Fiction Database (ing.). 1995.