Reng (Stod)

Basisdotn
Bundesland:	Bayern
Regiarungsbeziak:	Niederbayern
Landkroas:	Landkroas Reng
Hechn:	532 m ü. NHN
Flächn:	65,12 km2
Eihwohna:	10.888 (31. Dez. 2020)
Bevökarungsdichtn:	167 Einwohner je km2
Postleitzoi:	94209
Voawoien:	09921, Bettmannsäge 09922
Autokennzeichn:	REG
Gmoaschlissl:	09 2 76 138
Stadtgliedarung:	57 Ortsteile
Address vo da; Stadtvawoitung:	Stadtplatz 2; 94209 Regen
Webseitn:	www.regen.de
Erster Bürgermeister:	Andreas Kroner (SPD)
Log vo da Stadt Regen im Landkroas Reng
	Karte

Reng (amtl.: Regen) is d Groasstod fom Landgroas Reng z Nidabaian und ligt im Boarischn Woid am Schwoazn Reng. De Stod is nom Fluss Reng gnennd und is am 7. Dezemba 2004, a staadle dakennda Lufdkuaoat woan.

Stodgliadarung

De bolitisch Gmoa Reng hod 57 Oatstei^[2]:

Adn (Aden)
Augruab (Augrub)
Bärndoaf
Bettmannsäg
Dreieck
Ebenhof
Ecklend
Edhof
Eggenriad
Finkenriad
Fraunmäi (Frauenmühle)
Großseiboldsriad
Huawahof (Huberhof)
Kagahof (Kagerhof)
Kattaschdoaf (Kattersdorf)

Kerschlhäh
Gloaseiboidsriad
Greizahof
Kiahof
March
Maschnbeag
Mazlsriad
Mettn
Naigahäh (Neigerhöhe)
Neigamäi (Neigermühle)
Neisohl
Owamittadoaf
Owanaimoas (Oberneumais)
Oleumhittn (Oleumhütte)
Pfistamäi (Pfistermühle)

Pometsau
Boschatsriad
Reng
Reinhartsmoas
Richtbloz
Riadham
Rinchnamind (Rinchnachmündt)
Roabo (Rohrbach)
Salliz
Schauahof
Schlossau
Schochat
Schollenriad
Scheehäh
Schiznhof

Schwaighof
Schwahitt (Schweinhütt)
Spidoihof
Sumpering
Tausendbo (Tausendbach)
Thanhof
Thurnhof
Weissnstoa (Weißenstein)
Weissnstoana-Au
Wickasdoaf (Wickersdorf)
Wieshof
Windschnua (Windschnur)

S oide Stodgebiet hand Oidstod, Moizerlitz, Biagahoiz, Gruabhiagl, Riadham und St. Johann.

Gschicht

Häxdwascheinle is Reng geng End fom 11. Joohundad fo da Propstei Rinchna dabaud woan. Da Pabst Eugen III. hod am 30. März 1148 an Schutzbriaf fias Glousda Nidaoida gschriim und do drin is gstandn gwen, das de Kiach fo Reng an Stift Nidaoida kead. Reng is dano a wichdiga Grenzoat gwen. A Hoizbrugg iwan Reng, scho uma 1207 ausdengd, iseaschd in da Zeid fo 1902–1905 an da säim Schdäi, ois Ludwigsbrugg aafgschdäid woan. Ludwigsbrugg, zwengam schbadan Kine Ludwig III..

1254, Reng kead owei no za Rinchna, wiads a Glousdamoakt. 1270 hom da Abt fo Nidaoida und da Heazog Heinrich XIII. a Dauschgschäfd gmochd kod, dano is Reng a heazeglicha Moakt gwen. 1468, da Heazog Albrecht IV. sezd a Uakund aaf, mid de Moaktrecht niadare Grichtsboakeid, freiwillige Grichtsboakeit, Entscheidung iwa Bolizeisacha. Scho uma 1448 hoda Reng a Stodwappm gem kod.

Im Dreißgjarign Griag hod da Schwed 1633, 1641 und 1648, Reng eikassiad, gschrebfd, grubfd und dabrennd. 1633 hod a Marienbuidl fo am dabrenndn Beggahaisl koan Schoon dalittn kod, des is schbada no Soizburg kema gwen und hod duad za Grindung fom Woifoatsoat Maria Plain gfiad kod.

Am End fom 16. Joohundat hods Oxn und Warnmeakt gem kod. 1827 iss easchde Schuihaus am Weibeagacka baud woan. Im Joo draaf, is Reng a Munizipalgmoa gwen und 1852 hom aa d Dirndln a Schui griagd kod.

Am 16. Septemba 1877 isa Eisnbohstregg fo Deggndoaf aaf Zwiesl kema gwen. S Schuihaus am Weibeag hodma 1881 uma dridds Gschoos afgstockt. Easchd am 1. Jenna 1932 is Reng a Stod gwen.

Wia da Amerikana am 24. Aprui 1945 kemaris, hand z Reng no drei Bruckan gschbrengt und dano is no hefde kämpfd woan. 36 Heisa hand dano so guad wia hii gwen. 33 deitsche Soidatn und 17 Ziwilistn san gschdoam gwen, 79 Famäin hom era Obdach faloan kod.

De amerikanische Kroas-Milidäaregiarung hod se in da Nochbastod Zwiesl eigrichd kod, wai duad ned sofäi hii gwen is. Am 3. Julei 1945 is aaf Bäfäi fo de Amerikana aas Landratsamt no Zwiesl kema gwen, wos de Renga gscheid gschdunga hod. A hitzkebfige Debattn uman Siiz fom Landratsamt hod oogfangd, dreimoi hod d Nidaboarische Regiearung oogoadnad dass Landratsamt zrugg af Reng kimd, zlezd am 8. Aprui 1948. Owa nixis bassiad gwen, s Landratsamt is oiwai no in Zwiesl gwen. Am 17. Aprui 1948 um 3:30 Uhr in da fria, homse da Landrat Werner Haas und 49 Maana, aaf Zwiesl aafgmochd und hom duad s Landratsamt gschdoin, aaf zea Lastwong glon und af Reng ausse kudschiad. Duad hans dano mid Muse und weiß-blaua Beflaggung gfeiad woan.

Religiona

Evangelisch-Lutharische Kiachagmoa Reng
Kath. Pfoarei March Bistum Rengschburg
Kath. Pfoarei Reng Bistum Bassa

Eigmoandunga

1917 is s Doaf Heilig-Geist mid uma 110 Eiwona, za Reng dazua kema gwen. Am 1. Aprui 1962 homs aa de Gmoa Bärndoaf in Reng eigmoand kod, dano is d Eiwonazoi af 6500 oogschdiing gwen. Am 1. Aprui 1964 hand Neigahäh, Riadham, Wiashof und Huawahof gfoigd, de oisamd za Gmoa Rinchnamind kead kod hom. Am 1. Julei 1964 is de Gmoa Weißnstoa mid 1.260 ha Land und 584 Eiwona dazua kema. Zweng da Gmoagebiadsrefoam hand am 1. Jenna 1972 de Gmoa Obaneimoas^[3] mid 505 Eiwona und 1,241 ha Gmoafläch und am 1. Mai 1978 de Gmoa Rinchnamind mid 1.181 ha und 939 Eiwona sowia de Gmoa March mid 1.038 ha und 743 Eiwona gfoigd.^[4]

Eiwona iwad Joo

Anno 1280 hod Reng za. 200 Eiwona. Bis zan End fom 19. Joohundad hod se des grod gring vaendad kod. 1828 hans aa grod amoi 1.196 und im Joo 1904 2.366 Leid gwen. Easchd im 20. Joahundad sans dano meara woan, 1974 han scho 9.029 Eiwona regischdriad gwen. Da Zuawox kimd foa oim fo Eigmoandunga, da Oosiidlung fo Hoamadvodriimne und aa da Ausbau fo da Industrie. Angebotsfäifoit und Attraktivität losst de Beväikarungszoin steing, 2005 hod Reng 12.553 Eiwona. Dano san de Eiwonazoin a bissal zruck ganga gwen, wega (z. B. Gebuatnrückgang), es hod se owa bei 12000 eipendld.

Wappm

A weiße Lilie und driwa an Rengboong inan blaun Fäid im Schäid (Text fo da Oaginoiuakund fo 1448). S Wappm hod da Heazog Albrecht III. da domoign Moaktgmoa 1448 valien kod. D Stodfoamna san Roud, Gäib, Blau. Da Rengboong städ fian Oatsnam, de Lilie is s Oatszeichn, wos ma af Siegln fom 17. Joahundat seng ko.

Stodpatnaschoftn

Reng hod foigande Patnaschoftn, mid da hessischn Stod Eschwege seit 1997, mid da borischn Stod Roth und mim franzesischn Mirebeau.

Padnschoft

Hoamadkroas Bergreichenstein e.V. (tschech. Kašperské Hory, seit 1984)

Das „Fressende Haus“ (Buchtitel von Siegfried von Vegesack) im Gebäudeensemble der Burg Weißnstoa

Kuitua und Sengswiadekeidn

Musäum

Im Fressandn Haus san Schnupfdowoglasl, a foikskundliche Sammlung, Zeigl wos bei da Buagruin Weißnstoa ausgrom hom und s Oawatszimma voum Dichter Siegfried von Vegesack.
Hoamadmusäum Bergreichnstoa
Nidaboarischs Landwiatschaftsmusäum. Scho in de 1930 Joa hom Renga Birga dafia Drimma gsammed oba eascht 1988 is afgmocht worn.
De Pscheidl-Krippe mid umara 300 Figuan is bis zan Doud vo da Frau Pscheidl-Krystek im Pscheidlhaus an da Ludwigsbruck gstandn.

Musi

Bloskapein Reng
Blosoakesda vou da Stod Reng e.V., grind 1994
Liadadofe Reng v.1852
Spuimannzug Freiwillige Feiawea Reng e.V., grind im Joa 1973.

Bauweak

Bia- und Eiskella
Burgruin Weißnstoa ligt siadle voum Stodblotz voum Oatstei Weißnstoa
De evangelische Kiacha vo 1957–1958
Am Fressandn Haus entstäd seit 2000 da glosane Woid, a woxande Sammlung vo Glosskuipturn in Bamfoam
Heilig-Geist-Kiacha , 1421–1425 ois Spidalkiacha baut
Marienbrunna 2012 Richtung Ludigsbruck vasetzt. D Mariensejle is ausm Joa 1872
St. Johann Kiacha
Stodpfoakiach St. Michael

Nadurdenkmäla

Da Pfoi (Pfahl) is a 150 km langa Kwarzfejsnzug. Im Oatstei Weißnstoa isa mid 750 m am hextn, do is a de Buag Weißnstoa dabaut.

Berihmtheidn

Jakob Ertl, Schriftsteller (1875–1957)
Clara Nordström, schwedische Schriftstellerin (1886–1962)
Adalbert von Pechmann (* 20. Oktoba 1777 in Reng; † 9. Meaz 1860 in Bassa), Bassaua Weihbischof, Domdekan und Generalvikar
Heinrich von Pechmann (* 26. Februa 1774 in Reng; † 4. Julei 1861 in Minga), Architekt, Wossabauinschenöa und Autor
Josef und Maria Pscheidl, Erbauer da Pscheidl-Krippe
Josef Schwannberger (* 19. Mai 1893; † 19. Meaz 1969), Schreinamoasta; Ehrnbriafinhaber (1953) und Ehrnbiagamoasta (1960)
Siegfried von Vegesack, baltischer Dichda (1888–1974)

Im Netz

Commons: Reng – Sammlung vo Buidl, Videos und Audiodateien

Stadt Regen
Reng (Stod): Woppmgschicht vom Haus der Bayerischen Geschichte

Beleg

↑ Genesis Online-Datenbank des Bayerischen Landesamtes für Statistik Tabelle 12411-001 Fortschreibung des Bevölkerungsstandes: Gemeinden, Stichtage (letzten 6) (Einwohnerzahlen auf Grundlage des Zensus 2011) (Hilfe dazu).
↑ http://www.bayerische-landesbibliothek-online.de/orte/ortssuche_action.html?anzeige=voll&modus=automat&tempus=+20111211/163148&attr=OBJ&val=786
↑ Wilhelm Volkert (Hrsg.): Handbuch der bayerischen Ämter, Gemeinden und Gerichte 1799–1980. C.H.Beck’sche Verlagsbuchhandlung, München 1983, ISBN 3-406-09669-7, S. 553.
↑ Statistisches Bundesamt (Hrsg.): Historisches Gemeindeverzeichnis für die Bundesrepublik Deutschland. Namens-, Grenz- und Schlüsselnummernänderungen bei Gemeinden, Kreisen und Regierungsbezirken vom 27. 5. 1970 bis 31. 12. 1982. W. Kohlhammer GmbH, Stuttgart und Mainz 1983, ISBN 3-17-003263-1, S. 622.

Städt und Gmoandn im Landkreis Reng

[Metadaten_Einwohnerzahl_DE-BY-1] Genesis Online-Datenbank des Bayerischen Landesamtes für Statistik Tabelle 12411-001 Fortschreibung des Bevölkerungsstandes: Gemeinden, Stichtage (letzten 6) (Einwohnerzahlen auf Grundlage des Zensus 2011) (Hilfe dazu).

[2] ttp://www.bayerische-landesbibliothek-online.de/orte/ortssuche_action.html?anzeige=voll&modus=automat&tempus=+20111211/163148&attr=OBJ&val=786

[3] Wilhelm Volkert (Hrsg.): Handbuch der bayerischen Ämter, Gemeinden und Gerichte 1799–1980. C.H.Beck’sche Verlagsbuchhandlung, München 1983, ISBN 3-406-09669-7, S. 553.

[4] Statistisches Bundesamt (Hrsg.): Historisches Gemeindeverzeichnis für die Bundesrepublik Deutschland. Namens-, Grenz- und Schlüsselnummernänderungen bei Gemeinden, Kreisen und Regierungsbezirken vom 27. 5. 1970 bis 31. 12. 1982. W. Kohlhammer GmbH, Stuttgart und Mainz 1983, ISBN 3-17-003263-1, S. 622.

[1]

[2]

[3]

[4]