Намінал

Наміна́л (па-лацінску: nominalis ад nomen - імя), вартасьць манэты, банкноты іншых грашовых знакаў. Намінал грошам надае эмітэнт і ён кратны асноўнай грашовай адзінцы. У гісторыі намінал не заўсёды супадаў з сапраўднай вартасьцю манэты. Напрыклад: Пад час Швэдскага патопу і адначасовай вайны з Расеяй па пастанове Сейма у Рэчы Паспалітай біліся медзяныя шэлягі, празваныя пасьля барацінкамі. Карона біла іх у 1659—1666 гадох, ВКЛ — з 1660 па 1666 год. Афіцыйны курс быў прызнаны 3 шэлега — 1 грош. У сапраўднасьці ж барацінка была вартая 15 % ад наміналу.

У 1663—1666 гадах, дзяля пагашэньня запазычанасьці перад войскам у Рэчы Паспалітай білі злотыя (30 грошаў) празваныя пасьля тымфамі, срэбра ж яны ўтрымлівалі толькі на 12 грошаў.