Галавач (род грыбоў)

У паняцця ёсць і іншыя значэнні, гл. Галавач.

Галавач
Галавач круглы (Calvatia caelata)
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Падклас:  Agaricomycetidae Парадак:  Агарыкальныя Сямейства:  Шампіньёнавыя Род:  Галавач
Міжнародная навуковая назва
Calvatia Fr. (1849)
Выявы на Вікісховішчы NCBI   68761 EOL   16585 MB   19051

Галава́ч^[1] (Calvatia) — род базідыяльных грыбоў сямейства дажджавіковых.

Апісанне

Пладовыя целы наземныя, розных памераў (ад 5 да 60 см), авальныя, шарападобныя, грушападобныя, плаўна пераходзяць да асновы ў баразнаватую ножку. У асобных відаў пладовае цела сядзячае. Мякаць белая з прыемным пахам і смакам, складаецца з камер, з узростам распыльваецца на споры і капіліцый.

Арэал і экалогія

Адрозніваецца 35 відаў. Пашыраны амаль па ўсім зямным шары. На Беларусі трапляюцца галавач мешкападобны (Calvatia utriformis), галавач круглы (Calvatia caelata). Глебавыя сапратрофы. Растуць асобнымі экзэмплярамі і групамі пераважна на лугах і пашах. Пладовыя целы з’яўляюцца летам і восенню.

Выкарыстанне

Маладыя грыбы ядомыя. Некаторыя віды маюць біялагічна актыўнае рэчыва кальвацын.

Зноскі

1. Грыбы і грыбная кулінарыя : папулярны энцыклапедычны даведнік / Галіна Сяржаніна, Іван Яшкін. — Мінск : Беларуская асацыяцыя кулінараў, 2005. — 387с., [24] л. каляр. іл. ; 24 см. — На вокладцы аўтары не паказаны. — Бібліяграфія: с. 343—350. — Алфавітныя паказчыкі: с. 351—385. — 1000 экз. — ISBN 985-6081-34-3.

Літаратура

• Гапіенка В. Галавач // БЭ ў 18 т. Т. 4. Мн., 1997.