На Зямлі існуе 15 відаў суркоў, якія маюць агульнага продка. Прарадзіма суркоў — Амерыка. У той час як большасць жывёл рухалася з Еўразіі ў Амерыку, суркі з Амерыкі перабіраліся ў Азію. Розныя віды абасобіліся ў розных геаграфічных зонах і адрозніваюцца асаблівасцямі паводзін, але захавалі знешнюю падобнасць, неабходнасць упадаць у спячку і жыццё ў калоніях. Усе суркі траваядныя, жывуць у норах, маюць цёплае футра.
Даўжыня цела суркоў да 70 см, хваста — да 25 см. Маса да 9 кг[1]. Маюць кароткія вушы і моцныя кіпцюры. Афарбоўка ад свтелай пясчана-вохрыстай да цёмна-бурай і вохрыста-рыжай[1]. Нараджаюць да 10 (звычайна 4—5) дзіцянят за год.
Некаторыя віды — пераносчыкі ўзбуджальнікаў чумы і іншых хвароб.