Nissan

Nissan Motor Co., Ltd.
Nissan Motor Co., Ltd.
Тып	публічная кампанія
Лістынг на біржы	NASDAQ: NSANY, TYO: 7201.T
Заснаванне	1933
Заснавальнікі	Yoshisuke Aikawa[d], Den Kenjirō[d] і William R. Gorham[d]
Краіна	Японія;
Размяшчэнне	Японія: Іакагама
Адрас	Якагама; Манціньі-ле-Брэтанэ[d];
Галіна	Аўтамабілебудаванне
Прадукцыя	Легкавыя і камерцыйныя аўтамабілі
Абарот	▲12 трлн ¥ (2018);
Аперацыйны прыбытак	▼575 млрд ¥ (2018);
Чысты прыбытак	▲764 млрд ¥ (2018);
Актывы	▲18,7 трлн ¥ (31 сакавіка 2018);
Колькасць супрацоўнікаў	▼136 134 чал. (2020);
Дэвіз	Shift the way you move
Матчына кампанія	Рэно і Renault–Nissan–Mitsubishi Alliance[d]
Даччыныя кампаніі	Jatco[d], Nissan Motor Car Carrier[d], Calsonic Kansei[d], Renault Nissan Automotive India Private Limited[d], Nissan Motor Manufacturing UK[d], Nissan Technical Center North America[d], Nismo[d], Nissan Shatai[d], Nissan Motor Kyushu[d], Aichi Machine Industry[d], Nissan Kohki[d], Automotive Energy Supply Corporation[d], NISSAN TRADING CO., LTD.[d], Nissan Financial Services[d], AutoTechnicJapan CO.,LTD[d], Nissan Network Holdings[d], Nissan Car Rental Solutions[d], Nissan Motor Ibérica[d], Nissan New Zealand[d], Nissan Motor Indonesia[d], Infiniti, Nissan France[d], Renault–Nissan–Mitsubishi Alliance[d] і Datsun[d]
Сайт	nissan-global.com (англ.)

Nissan Motor Co., Ltd. (яп.: 日産自動車株式会社) — японская кампанія, другі па велічыні аўтавытворца ў Японіі пасля Toyota.

Гісторыя

Датай заснавання карпарацыі лічыцца 26 снежня 1933, калі ў выніку зліцця кампаній «Тобата імона» і «Ніхон саньё» была створаная новая кампанія, якая з 1 чэрвеня 1934 г. носіць назву «Нісан мотар» (па першых літарах назвы кампаніі «Ніхон саньё», «Японская прамысловасць»). У маі 1935 кампанія прыняла рашэнне аб развіцці гандлёвай маркі «Нісан». Маленькія машыны па-ранейшаму зваліся Datsun (з 1934 года пад гэтай маркай выпускаўся англійскі Austin 7), а вялікія — Nissan. Першая машына пад назвай Nissan была створана ў 1937 годзе — гэта была Nissan Model 70, які выпускаўся па ліцэнзіі амерыканскай кампаніі Graham-Paige^[5].

Практычна да 1980-х гадах асновай мадэльнага шэрагу кампаніі былі розныя мадыфікацыі аўтамабіляў «Датсан», якія выпускаліся яшчэ да стварэння кампаніі (у 1983 годзе гэтая марка перастала існаваць).

У 1958 годзе пачаліся пастаўкі аўтамабіляў у ЗША, а ў 1964 годзе «Нісан» стала першай японскай кампаніяй, якая ўвайшла ў дзясятку найбуйных аўта-імпарцёраў у ЗША. У 1962 годзе пачаліся пастаўкі аўтамабіляў у Еўропу.

Першая замежная зборачная вытворчасць «Нісан» была адчынена ў 1959 на Тайвані, цяпер замежная вытворчасць «Нісан» разгорнута ў 20 краінах.

У сярэдзіне 90-хх гадоў XX стагоддзя кампанія стала перажываць істотныя фінансавыя цяжкасці, з прычыны чаго яе кантрольны пакет у 1999 быў прададзены французскай Renault. Французскай кампаніі прыналежыць 44,4 % акцый «Нісана», а «Нісан» мае 15 % акцый Renault.

Уласнікі і кіраўніцтва

44,4 % акцый кампаніі прыналежаць французскай кампаніі Renault S.A.. Прэзідэнт і старэйшы выканаўчы дырэктар — Жан-Дамінік Cянар.

Вытворчыя пляцоўкі

У Японіі

Якагама

Адкрыты ў 1935 годзе з выпускам Datsun 14, комплекс ажыццяўляў вытворчасць як цэлых аўтамабіляў, так і кампанентаў. Пасля вайны было прынята рашэнне перанесці аўтамабільныя лініі на новы завод, а Якагаму спецыялізаваць на вытворчасці рухавікоў, падвесак і металічных дэталяў. Вырабляе кампаненты, якімі абсталёўваюць каля 470 000 аўтамабіляў у год^[6].

Пачатак дзейнасці	1935
Лакацыя	Якагама, прэфектура Канагава, Японія
Агульная плошча	537 000 кв. м.
Колькасць супрацоўнікаў	3300 (станам на 2021 год)
Прадукцыя	рухавікі, электрарухавікі, падвескі, кампаненты з каванага алюмінія і штампаванай сталі

Апама

Завод пабудаваны ў 1961 годзе. Комплекс уключае таксама навукова-даследчы інстытут і выпрабавальны палігон. Першай выпусканай мадэллю стаў Nissan Bluebird серыі 410/411. У 1978 годзе завод вырабіў 5-мільённы, у 1992-м 10-мільённы, у 2007-м 15-мільённы аўтамабіль^[7].

Дата пабудовы	1961
Лакацыя	Якосука, прэфектура Канагава, Японія
Агульная плошча	1 699 000 кв. м.
Колькасць супрацоўнікаў	3700 (станам на 2021 год)
Вытворчая магутнасць	каля 240 000 машын у год
Прадукцыя	Leaf, Note, Aura

Татыгі

Комплекс Татыгі быў адчынены ў 1968 годзе. Першым заводам, які быў завершаны і запушчаны, быў завод па вытворчасці дэталяў з жалеза і алюмінію, а праз год пачалася зборка восяў. Яшчэ праз 2 гады на заводзе былі адкрыты лініі для выпуску гатовых аўтамабіляў.

Спецыялізуецца на выпуску прэміяльных і спартыўных мадэляў^[8].

Дата пабудовы	1968 (выпуск аўтамабіляў з 1971 года)
Лакацыя	Камінакава, прэфектура Татыгі, Японія
Агульная плошча	2 922 000 кв. м.
Колькасць супрацоўнікаў	5300 (станам на 2019 год)
Вытворчая магутнасць	каля 250 000 машын у год
Прадукцыя	Nissan Cima, Fuga, Skyline, 370Z, Failady, GT-R; Infiniti Q50, Q60, Q70

У Еўропе

Nissan Motor Ibérica

У 1983 годзе Nissan пачаў вытворчасць на заводзе ў Зона Франка (англ.) (бел. (Барселона, Іспанія). Першай мадэллю, з якой стартаваў выпуск, стаў Nissan Patrol. У 80-я гады ў склад Nissan Motor Ibérica (NMISA) увайшоў штампавальны завод у Монкада-і-Рэшак (англ.) (бел.. У 2016 годзе часткай NMISA стаў завод рам і падвесак у Сант-Андрэу-да-ла-Барка (англ.) (бел..

У 2021 годзе Nissan вырашыў зачыніць завод, 16 снежня была выраблена апошняя машына. За ўвесь час было выраблена 3 345 000 аўтамабіляў звыш 15 розных мадэляў^[9].

Nissan Motor Manufacturing UK

Завод у Вялікабрытаніі быў пабудаваны ў горадзе Сандэрленд. Кантракт на выдзяленне пляцоўкі для будаўніцтва быў падпісаны ў 1984 годзе. Выбар месца быў абумоўлены вялікай колькасцю патэнцыйных супрацоўнікаў, якія страцілі працу на вугальных шахтах, размешчаных у гэтым раёне. Афіцыйнае адкрыццё адбылося 8 верасня 1986 года пры ўдзеле тагачаснай прэм'ер-міністра Маргарэт Тэтчэр і прэзідэнта Нісана Ютакі Куме^[10].

У 1998 годзе была пабудавана ветраная электрастанцыя. Парк вырабляў да 5% неабходнай энергіі. У 2007 годзе выпрацоўка павялічылася да 6%, калі станцыя была пашыраны двума новымі генератарамі, што дало магчымасць скараціць выкіды CO2 на 4000 тон у год. Станам на май 2022 года ёсць 10 ветракоў, на 6,6 МВт магутнасці, да іх дадаўся сонечны парк з фотаэлектрычнымі панэлямі магутнасцю 4,75 МВт, давёўшы долю ўласнай вытворчасці энергіі да 20%.

Першым аўтамабілем, вырабленым на заводзе, стаў Nissan Bluebird. У дзевяностыя пачалася вытворчасць Primera і Micra. З 2015 па 2019 год, акрамя аўтамабіляў Нісан, таксама выпускаліся дзве мадэлі маркі Infiniti — Q30 і QX30. Цяпер фабрыка вырабляе мадэлі Qashqai, Juke, Leaf^[11].

Дата пабудовы	1986
Лакацыя	Сандэрлэнд, Тайн і Уір, Паўночна-Усходняя Англія
Агульная плошча	3 237 500 кв. м.
Колькасць супрацоўнікаў	>6000
Вытворчая магутнасць	звыш 500 000 машын у год
Прадукцыя	Juke, Qashqai, Leaf

У Паўночнай Амерыцы

У ЗША

У 1983 годзе ў Смірне (штат Тэнесі) быў адкрыты першы завод Nissan у ЗША. Першапачаткова тут выпускалі пікапы Datsun, пазней да іх далучыліся седаны Sentra і Altima. Таксама выраблялі мінівэны Quest, пазадарожнікі Xterra, Pathfinder, Rogue, Murano, пікапы Frontier. У 2010—2012 гады быў пабудаваны завод па вытворчасці акумулятараў, дзякуючы чаму ў 2013 стартаваў выпуск электрамабіляў Nissan Leaf. Завод размешчаны на плошчы больш за 3,5 мільёнаў кв. м., з якіх 560 000 кв. м. занятыя будынкамі. Колькасць супрацоўнікаў — больш за 7000 чалавек. Гадавая вытворчая магутнасць складае каля 640 000 аўтамабіляў. Бягучы мадэльны шэраг (станам на 2023 год): Nissan Leaf, Maxima, Pathfinder, Rogue, Murano, Infiniti QX60^[12].

Другі завод маркі ў штаце Тэнесі размешчаны ў Дэчардзе (англ.) (бел.. Тут вырабляюць кампаненты і рухавікі^[12].

У Мексіцы

Першы завод у Агуаскальентэсе быў адкрыты ў 1992 годзе. Для рынка Паўночнай Амерыкі тут выпускаюцца Sentra, Versa, Note, Kicks і March. Колькасць супрацоўнікаў — 7500 чалавек. Вытворчая магутнасць складае 375 000 аўтамабіляў у год^[13].

У 2011 годзе альянс Renault-Nissan заключыў пагадненне аб супрацоўніцтве з Daimler AG. Пасля гэтага пачалося будаўніцтва другога завода пад кіраваннем сумеснага прадпрыемства. Гэты другі комплекс, вядомы як «COMPAS» (Cooperation Manufacturing Plant Aguascalientes), пачаў дзейнасць у 2017 годзе. Тут вырабляюцца Infiniti QX50 і QX55, а таксама Mercedes-Benz A-класа (2018—2020) і Mercedes-Benz GLB. Колькасць супрацоўнікаў — 3600 чалавек. Вытворчая магутнасць складае 175 000 аўтамабіляў у год^[13].

Зноскі

↑ ^а ^б ^в ^г ^д ^е https://www.nissan-global.com/EN/DOCUMENT/PDF/FR/2017/fr2017.pdf
↑ (unspecified title) Праверана 22 мая 2022.
↑ https://web.archive.org/web/20211217021823/https://www.nissan-global.com/EN/COMPANY/PROFILE/
↑ ^а ^б ^в ^г ^д ^е ^ё ^ж ^з ^і ^к ^л ^м ^н ^о ^п ^р https://www.nissan-global.com/EN/DOCUMENT/PDF/FR/2016/fr2016.pdf
↑ Założenie Nissana (польск.). autocentrum.pl (1 чэрвеня 2019). Праверана 29 лістапада 2019.
↑ Filippo Einaudi. Yokohama, dagli esordi di Nissan alle batterie allo stato solido (італ.). it.motor1.com (4 кастрычніка 2022). Праверана 4 кастрычніка 2022.
↑ Filippo Einaudi. Oppama, dove Nissan produce auto elettriche anche "a benzina" (італ.). it.motor1.com (26 ліпеня 2022). Праверана 21 верасня 2022.
↑ Filippo Einaudi. Tochigi, nel polo d'eccellenza Nissan lavorano "i gran maestri" (італ.). it.motor1.com (22 ліпеня 2021). Праверана 22 верасня 2022.
↑ Nissan concludes industrial operations in Barcelona (англ.). europe.nissannews.com (16 снежня 2021). Праверана 30 снежня 2021.
↑ Nissan otwiera pierwszą fabrykę w Europie (польск.). autocentrum.pl (8 верасня 2019). Праверана 30 лістапада 2019.
↑ Filippo Einaudi. Sunderland, dalla Micra alla gigafactory a zero emissioni (італ.). it.motor1.com (31 мая 2022). Праверана 22 верасня 2022.
↑ ^а ^б Filippo Einaudi. Smyrna, la fabbrica che popolerà l'America di Nissan elettriche (італ.). it.motor1.com (18 красавіка 2023). Праверана 10 кастрычніка 2023.
↑ ^а ^б Filippo Einaudi. Sapevate che qui Nissan produce anche delle Mercedes? (італ.). it.motor1.com (17 кастрычніка 2023). Праверана 17 кастрычніка 2023.

Спасылкі

Афіцыйны сайт кампаніі (англ.)

Гл. таксама

Nissan Almera

[_2f91d89b6314f492-1] а ^б ^в ^г ^д ^е https://www.nissan-global.com/EN/DOCUMENT/PDF/FR/2017/fr2017.pdf

[_b7ca23410ee8c7b4-2] (unspecified title) Праверана 22 мая 2022.

[_9615f1f80310de7c-3] ttps://web.archive.org/web/20211217021823/https://www.nissan-global.com/EN/COMPANY/PROFILE/

[_9cb1da6156fc9c2a-4] а ^б ^в ^г ^д ^е ^ё ^ж ^з ^і ^к ^л ^м ^н ^о ^п ^р https://www.nissan-global.com/EN/DOCUMENT/PDF/FR/2016/fr2016.pdf

[5] Założenie Nissana (польск.). autocentrum.pl (1 чэрвеня 2019). Праверана 29 лістапада 2019.

[6] Filippo Einaudi. Yokohama, dagli esordi di Nissan alle batterie allo stato solido (італ.). it.motor1.com (4 кастрычніка 2022). Праверана 4 кастрычніка 2022.

[7] Filippo Einaudi. Oppama, dove Nissan produce auto elettriche anche "a benzina" (італ.). it.motor1.com (26 ліпеня 2022). Праверана 21 верасня 2022.

[8] Filippo Einaudi. Tochigi, nel polo d'eccellenza Nissan lavorano "i gran maestri" (італ.). it.motor1.com (22 ліпеня 2021). Праверана 22 верасня 2022.

[9] Nissan concludes industrial operations in Barcelona (англ.). europe.nissannews.com (16 снежня 2021). Праверана 30 снежня 2021.

[10] Nissan otwiera pierwszą fabrykę w Europie (польск.). autocentrum.pl (8 верасня 2019). Праверана 30 лістапада 2019.

[11] Filippo Einaudi. Sunderland, dalla Micra alla gigafactory a zero emissioni (італ.). it.motor1.com (31 мая 2022). Праверана 22 верасня 2022.

[it.motor1.com-2023-04-18-12] а ^б Filippo Einaudi. Smyrna, la fabbrica che popolerà l'America di Nissan elettriche (італ.). it.motor1.com (18 красавіка 2023). Праверана 10 кастрычніка 2023.

[it.motor1.com-2023-10-17-13] а ^б Filippo Einaudi. Sapevate che qui Nissan produce anche delle Mercedes? (італ.). it.motor1.com (17 кастрычніка 2023). Праверана 17 кастрычніка 2023.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]