Ар’ен Робен

Ар’ен Робен
Агульная інфармацыя
Нарадзіўся	23 студзеня 1984(1984-01-23)[1][2]^[…] (41 год) Бедзюм^[d], правінцыя Гронінген, Нідэрланды, Каралеўства Нідэрландаў
Грамадзянства	Нідэрланды
Рост	180 см
Вага	80 кг
Пазіцыя	атакуючы паўабаронца, нападнік
Маладзёжныя клубы
Бедзюм Гронінген
Клубная кар’ера[* 1]
2000—2002 Гронінген 46 (8) 2002—2004 ПСВ 56 (17) 2004—2007 Чэлсі 67 (15) 2007—2009 Рэал Мадрыд 63 (13) 2009—2019 Баварыя (Мюнхен) 201 (99) 2020—2021 Гронінген 7 (0)
Нацыянальная зборная[* 2]
1999—2000 Нідэрланды (да 17) 15 (5) 2001—2002 Нідэрланды (да 19) 8 (2) 2001—2003 Нідэрланды (да 21) 8 (1) 2003—2017 Нідэрланды 96 (37)
Узнагароды і медалі
Чэмпіянаты свету Срэбра ПАР 2010 Бронза Бразілія 2014 Чэмпіянаты Еўропы Бронза Партугалія 2004
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 15 ліпеня 2021. Колькасць гульняў і галоў за нацыянальную зборную ў афіцыйных матчах, адкарэктавана станам на 21 красавіка 2018
Медыяфайлы на Вікісховішчы

Ар’ен Робен (нідэрл.: Arjen Robben; нар. 23 студзеня 1984, Бедзюм, Нідэрланды) — нідэрландскі футбаліст, які выступае на пазіцыях нападніка ці вінгера. Ігрок нацыянальнай зборнай Нідэрландаў (2003—2017). З’яўляецца чэмпіёнам чатырох краін, гэта значыць Нідэрландаў, Англіі, Іспаніі і Германіі.

Клубная кар’ера

Раннія гады

Робен нарадзіўся і вырас у невялікім мястэчку Бедзюм, размешчаным побач з горадам Гронінген, дзе і пачаў гуляць у футбол у мясцовым клубе.

«Гронінген»

Гульня Робена і яго футбольныя здольнасці прыцягнулі ўвагу да яго скаўтаў клуба «Гронінген». У лістападзе 2000 года Робен упершыню апынуўся ў заяўцы першай каманды клуба, аднак на поле гэтак і не выйшаў. 3 снежня 2000 года ў матчы супраць «Валвейка» упершыню выйшаў на замену на 79-й хвіліне. У хуткім часе футбаліст заняў месца ў асноўным складзе камады. Улетку 2002 года быў набыты клубам ПСВ за 3,9 млн еўра.

ПСВ

У першым сезоне за ПСВ Робен правёў 33 матчы і забіў 12 галоў^[3]. Па заканчэнні сезона яго назвалі іграком года ў ПСВ разам з іншым нападнікам Мацеям Кежманам, з якім Робен стварыў тандэм у нападзе каманды, названы заўзятарамі ПСВ «Бэтмен і Робен». У 2004 годзе пераехаў у англійскі клуб «Чэлсі».

«Чэлсі»

Робен быў вымушаны прапусціць пачатак свайго першага сезона ў Англіі з-за траўмы, атрыманай у таварыскай гульні з італьянскім клубам «Рома», дзе Ар’ен у сутыкненні з Аліўе Дакурам атрымаў пералом плюсневаў косці. У выніку ён змог дэбютаваць у складзе «арыстакратаў» толькі ў лістападзе, у гульні чэмпіянату Англіі супраць «Эвертана», дзе быў прызнаны іграком матча. Свае першыя матчы Робен правёў добра, за што атрымаў тытул іграка месяца ў АПЛ^[4].

«Рэал Мадрыд»

22 жніўня 2007 года Робен стаў іграком «Рэала», падпісаўшы кантракт на 5 гадоў. За пераход вінгера «Рэал» выплаціў «Чэлсі» суму ў 36,550 млн еўра^[5]. Гэтая купля стала 5-й па суме трансферам у гісторыі «Рэала», пасля Зінэдзіна Зідана, Луіша Фігу, Дэвіда Бекхэма і Раналду^[6].

«Баварыя» Мюнхен

Улетку 2009 года Робен быў выстаўлены на трансфер. Прычынай гэтага стала купля «Рэалам» двух футбалістаў, Крыштыяну Раналду і Кака^[7]. Неўзабаве Робен быў набыты нямецкім клубам «Баварыя» з Мюнхена, які заплаціў за трансфер галандца 25 млн еўра^[8].

У снежні 2018 года стала вядома, што па заканчэнні сезона Робен пакіне «Баварыю»^[9]. У ліпені 2019 года, нягледзячы на прапановы ад іншых клубаў, абвясціў аб завяршэнні кар’еры^[10].

Вяртанне ў «Гронінген»

У чэрвені 2020 года вырашыў аднавіць кар’еру іграка ў складзе роднага «Гронінгена»^[11]. Значную частку сезона 2020/21 прапусціў з-за траўмы. У ліпені 2021 года вырашыў паўторна завяршыць кар’еру^[12].

Міжнародная кар’ера

У складзе зборнай Нідэрландаў Робен дэбютаваў 30 красавіка 2003 года ў таварыскім матчы супраць зборнай Партугаліі, які скончыўся ўнічыю з лікам 1:1, у гэтай гульні Робен замяніў на 77-й хвіліне Марка Овермарса, таксама ў гэтай гульні дэбютаваў іншы малады футбаліст, Уэслі Снейдэр^[13].

Дасягненні

Клубныя

ПСВ:

• Чэмпіён Нідэрландаў: 2003
• Уладальнік Суперкубка Нідэрландаў: 2004

Чэлсі:

• Чэмпіён Англіі (2): 2005, 2006
• Уладальнік Суперкубка Англіі: 2005
• Уладальнік Кубка Лігі (2): 2005, 2007
• Уладальнік Кубка Англіі: 2007

Рэал Мадрыд:

• Чэмпіён Іспаніі: 2008
• Уладальнік Суперкубка Іспаніі: 2008

Баварыя:

• Чэмпіён Германіі (8): 2010, 2013, 2014, 2015, 2016, 2017, 2018, 2019
• Уладальнік Кубка Германіі (5): 2010, 2013, 2014, 2016, 2019
• Уладальнік Суперкубка Германіі (2): 2012, 2018
• Пераможца Лігі чэмпіёнаў: 2013
• Уладальнік Суперкубка УЕФА: 2013

Міжнародныя

Нідэрланды:

• Сярэбраны прызёр чэмпіянату свету: 2010
• Бронзавы прызёр чэмпіянату свету: 2014

Асабістае жыццё

Робен мае трох дзяцей: сыноў Люка 2008 года нараджэння і Кая 2012 года нараджэння і дачку Лін 2010 года нараджэння.

Крыніцы

1. Arjen Robben // Transfermarkt — 2000. Праверана 9 кастрычніка 2017.
   <a href="https://wikidata.org/wiki/Track:Q2449070"></a>
2. ARJEN ROBBEN // Argentine Soccer Database
   <a href="https://wikidata.org/wiki/Track:Q19368470"></a>
3. Профіль на сайце eurosport
4. FA Premier League Seasonal awards 2004/05 Архівавана 11 снежня 2006.
5. Real secure Robben & Heinze. skysports.com
6. Robben determined to prove his worth. abc.net
7. «Могучий голландец». sports.ru
8. Bayern Munich seal Robben signing. bbc.co.uk
9. Роббен покинет «Баварию» по окончании сезона. Он в клубе почти 10 лет. by.tribuna.com
10. Роббен объявил о завершении карьеры. by.tribuna.com
11. Роббен хочет возобновить карьеру в «Гронингене». by.tribuna.com
12. 37-летний Роббен вновь завершил карьеру. by.tribuna.com
13. Kluivert marca un tanto histórico a pase de Makaay. hemeroteca

Спасылкі

• На Вікісховішчы ёсць медыяфайлы па тэме Ар’ен Робен