Ганна Аўстрыйская (1528—1590)

У паняцця ёсць і іншыя значэнні, гл. Ганна Аўстрыйская (значэнні).
Ганна Аўстрыйская
ням.: Anna von Österreich
партрэт герцагіні пэндзля Якаба Зайзенегера, каля 1545
партрэт герцагіні пэндзля Якаба Зайзенегера, каля 1545
Сцяг герцагіня Баварыі
7 сакавіка 1550 — 24 кастрычніка 1579
Папярэднік Марыя Бадэн-Шпангаймская
Пераемнік Рэната Латарынгская
Нараджэнне 7 ліпеня 1528(1528-07-07)
Смерць 6 кастрычніка 1590(1590-10-06) (62 гады)
Месца пахавання
Род Габсбургі,
Вітэльсбахі
Бацька Фердынанд I
Маці Ганна Ягелонка
Муж Альбрэхт V
Дзеці Вільгельм V Набожны, Фердынад Баварскі[d], Марыя Ганна Баварская[3], Эрнст Баварскі[d] і Марыя Максіміліяна Баварская[d]
Лагатып Вікісховішча Медыяфайлы на Вікісховішчы

Ганна Аўстрыйская (7 ліпеня 1528, Прага — 16 кастрычніка 1590, Мюнхен) — герцагіня Баварыі як жонка герцага Альбрэхта V. Дачка імператара Свяшчэннай Рымскай Імперыі Фердынанда I і Ганны Ягелонкі.

Біяграфія

[правіць | правіць зыходнік]

Ганна была трэцяй з пятнаццаці дзяцей у сям’і. Сярод яе братоў і сясцёр: герцагіня Тасканская Іаана Аўстрыйская (маці французскай каралевы Марыі Медычы), эрцгерцаг Аўстрыі Карл II, імператар Свяшчэннай Рымскай Імперыі Максіміліян II, каралева Польшчы Лізавета Аўстрыйская і эрцгерцаг Фердынанд II.

З боку бацькі яе дзедам і бабкай былі: кастыльскія манархі Філіп I Прыгожы і Хуана I Вар’ятка, а па матчынай лініі яна была ўнучкай караля Чэхіі Уласла II і Ганны дэ Фуа.

Быўшы яшчэ дзіцем, Ганна была некалькі разоў заручана: спачатку з Тэадорам Баварскім, сынам герцага Вільгельма IV, затым з Карлам Арлеанскім, сынам французскага караля Францыска I, але абеда разы да вяселля справа не дайшла праз заўчасную смерць жаніхоў.

У выніку, сямнаццацігадовая Ганна выйшла замуж 4 ліпеня 1546 года за брата свайго першага жаніха, будучага баварскага герцага Альбрэхта. Гэты шлюб быў часткай стратэгіі дзядзькі нявесты імператара Карла V, які хацеў заручыцца падтрымкай Альбрэхта V перад тым як развязаць Шмалькальдэнскую вайну. Вясельным падарункам імператара былі 50 000 гульдэнаў. Да 7 сакавіка 1550 года, калі Альбрэхт стаў герцагам, пара жыла ў замку Траўсніц.

Герцагіня Ганна і духоўнае жыццё герцагства

[правіць | правіць зыходнік]
Асноўны артыкул: Кніга скарбаў герцагіні Ганны Баварскай

Ганна і Альбрэхт аказвалі моцны ўплыў на духоўнае жыццё герцагства. Адкрыўшы некалькі музеяў і заснаваўшы Баварскую дзяржаўную бібліятэку, яны заслужылі для Мюнхена рэпутацыю горада прысвячэння і мастацтваў. Акрамя гэтага Ганна і Альбрэхт таксама аказвалі падтрымку мастаку Гансу Міліху і кампазітару Арланда дзі Ласа. Самай вядомай працай Міліха для герцагіні стала «Кніга скарбаў герцагіні Ганны Баварскай» («Kleinodienbuch der Herzogin Anna von Bayern», BSB-Hss Cod.icon. 429) — манускрыпт, які быў выкананы ў 1555 годзе і прадстаўляе сабой вопіс каштоўнасцей, што належалі ёй. На адной з мініяцюр вопісу намаляваная выйграная Ганнай у мужа партыя ў шахматы.

Дзеці

[правіць | правіць зыходнік]

Продкі

[правіць | правіць зыходнік]

Зноскі

  1. ↑ Dr. Constant v. Wurzbach Habsburg, Anna von Oesterreich (1528–1587) // Biographisches Lexikon des Kaiserthums Oesterreich: enthaltend die Lebensskizzen der denkwürdigen Personen, welche seit 1750 in den österreichischen Kronländern geboren wurden oder darin gelebt und gewirkt haben — Wien: 1856. — Т. 6. — S. 151.
  2. ↑ Deutsche Nationalbibliothek Record #132969548 // Агульны нарматыўны кантроль — 2012—2016. Праверана 31 снежня 2014.
  3. ↑ Kindred Britain

Літаратура

[правіць | правіць зыходнік]
  • Constantin Wurzbach, Biographisches Lexikon des Kaisertums Österreich, Vienna, 1860, Vol. VI, p. 151 (versione online)