Злучаныя Штаты Іанічных Астравоў

Брытанскі прыязны пратэктарат
Злучаныя Штаты Іанічных Астравоў
Ηνωμένον Κράτος των Ιονίων Νήσων
Stati Uniti delle Isole Ionie
Герб Сцяг
Герб Сцяг
Тэрыторыя рэспублікі займала 6 вялікіх і некалькі малых астравоў у Іанічным моры
Тэрыторыя рэспублікі займала 6 вялікіх і некалькі малых астравоў у Іанічным моры
< 
 >
1815 — 1864
Сталіца Корфу
Мова(ы) Грэчаская, італьянская
Афіцыйная мова грэчаская мова і італьянская мова
Грашовая адзінка Абол (1818—1833)
Лепта (1833—1864)
Плошча 2.659 км² (1864)
Насельніцтва 236 тыс. (1864)
Форма кіравання Рэспубліка
Лагатып Вікісховішча Медыяфайлы на Вікісховішчы

Злучаныя Штаты Іанічных Астравоў (грэч. Ηνωμένον Κράτος των Ιονίων Νήσων, італ.: Stati Uniti delle Isole Ionie) — гістарычная дзяржава, якая існавала з 1815 па 1864. З’яўлялася пратэктаратам Вялікабрытаніі. Пасля ўтварэння Грэчаскай дзяржавы была падорана Вялікабрытаніяй грэчаскаму каралю Георгу I.

Іанічныя астравы на працягу стагоддзяў уваходзілі ў склад Венецыянскай рэспублікі, пакуль па Кампа-Фармійскаму міру 1797 не перайшлі да рэвалюцыйнай Францыі. У 1798—1799 руска-турэцкія сілы выбілі французаў з астравоў, і ўтварылі там Рэспубліку Сямі Астравоў, якая праіснавала з 1800 па 1807. Пасля гэтага Францыя зноў анексавала Іанічныя астравы, і яны ўвайшлі ў склад яе ў якасці Ілірыйскіх правінцый.

2 кастрычніка 1809 брытанцы разбілі французскі флот каля Закінфа, і захапілі астравы Закінф, Кефалінія і Кітыра. У 1810 яны занялі Лефкас. Корфу заставаўся пад французскім валадарствам да 1814.

Венскі кангрэс санкцыянаваў перадачу астравоў пад «прыязны пратэктарат» Вялікабрытаніі. Вялікабрытанія ўсталёўвала там ваенную адміністрацыю, а Аўстрыйская імперыя гарантавала астравам роўны з Вялікабрытаніяй камерцыйны статус. 26 жніўня 1817 была зацверджаная Канстытуцыя Мэйтлэнда, у адпаведнасці з якой утваралася федэрацыя сямі астравоў, а сэр Томас Мэйтлэнд (англ.) станавіўся яе першым Лордам высокім камісарам (англ.).

29 сакавіка 1864 Вялікабрытанія, Грэцыя, Францыя і Расія падпісалі ў Лондане дагавор, пасля ратыфікацыі якога вострава павінны былі перайсці Грэцыі. 28 мая Лорд высокі камісар выдаў пракламацыю пра аб’яднанне Іанічнай рэспублікі з Каралеўствам Грэцыя.