Нікаля Анелька

Нікаля Анелька
Агульная інфармацыя
Поўнае імя	Нікаля Себасцьян Анелька
Мянушкі	Ніка, Маўклівы забойца, Качэўнік (Nomad), Бука (Le Sulk)
Нарадзіўся	14 сакавіка 1979(1979-03-14)[1][2]^[…] (45 гадоў) Ле-Шэнэ^[d], дэпартамент Івелін, рэгіён Іль-дэ-Франс, Метраполія Францыі, Францыя
Грамадзянства	Францыя
Рост	185 см
Вага	80 кг
Пазіцыя	нападнік
Інфармацыя пра клуб
Клуб	Ліль
Пасада	трэнер моладзевага складу
Маладзёжныя клубы
1983—1993 Трап Сен-Кантэн 1993—1994 Клерфантэн
Клубная кар’ера[* 1]
1994—1997 Пары Сен-Жэрмен 10 (1) 1997—1999 Арсенал 65 (23) 1999—2000 Рэал Мадрыд 19 (2) 2000—2002 Пары Сен-Жэрмен 39 (10) 2002 →  Ліверпул 22 (5) 2002—2004 Манчэстэр Сіці 89 (37) 2004—2006 Фенербахчэ 39 (14) 2006—2008 Болтан Уондэрэрс 53 (21) 2008—2012 Чэлсі 125 (39) 2012—2013 Шанхай Шэньхуа 32 (5) 2013 →  Ювентус 2 (0) 2013—2014 Вест Бромвіч Альбіён 12 (2) 2014—2015 Мумбаі Сіці 13 (2)
Нацыянальная зборная[* 2]
1997 Францыя (да 20) 3 (0) 1998—2010 Францыя 69 (14)
Трэнерская кар’ера
2012—2013 Шанхай Шэньхуа трэнер 2015 Мумбаі Сіці гул.тр 2018— Ліль моладзь
Узнагароды і медалі
Кубкі канфедэрацый Золата Карэя/Японія 2001 Чэмпіянаты Еўропы Золата Бельгія/Нідэрланды 2000
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 15 лістапада 2018. Колькасць гульняў і галоў за нацыянальную зборную ў афіцыйных матчах, адкарэктавана станам на 13 мая 2012
Медыяфайлы на Вікісховішчы

Нікаля́ Себасцья́н Анелька́ (фр.: Nicolas Sébastien Anelka, французскае вымаўленне [nikɔla anɛlka]; нар. 14 сакавіка 1979, Версаль, Францыя) — французскі прафесійны футбаліст, нападнік. Ігрок нацыянальнай зборнай Францыі (1998—2010). Бацькі Нікаля, Маргарыта і Жан-Філіп — выхадцы з Марцінікі, якія прыехалі ў Францыю ў 1974 годзе.

Клубная кар’ера

«Пары Сен-Жэрмен»

Сваю кар’еру Анелька пачаў у французскім ПСЖ, з якога ў 17-гадовым узросце пераехаў у «Арсенал» у пачатку 1997 года.

«Арсенал»

На «Хайберы» малады форвард прадэманстраваў моцны футбол і ўменне забіваць, якое дапамагло клубу зрабіць чэмпіёнскі дубль у 1998 годзе. У фінале Кубка Англіі Нікаля забіў мяч у вароты «Ньюкасла».

«Рэал» Мадрыд

Праз год Нікаля перайшоў у «Рэал» за 23 мільёны фунтаў стэрлінгаў. І «Арсенал», і сам Анелька былі здаволены ўгодай. У свой адзіны сезон у Іспаніі Нікаля паспеў выйграць Лігу чэмпіёнаў, двойчы забіўшы ў паўфінале ў вароты «Баварыі».

ПСЖ, «Ліверпул»

Правёўшы толькі 12 месяцаў на «Сант’яга Бернабеу», Анелька вярнуўся ў ПСЖ і за 18 месяцаў забіў у новым клубе 18 мячоў, а потым адправіўся ў арэнду ў «Ліверпул», дзе трэнерам працаваў яго суайчыннік Жэрар Улье. На «Энфілдзе» Анелька не стаў іграком асноўнага складу, і гэта стала прычынай яго пераезду ў «Манчэстэр Сіці» пад кіраўніцтва Кевіна Кігана.

«Манчэстэр Сіці»

У складзе «гараджан» Анелька забіваў рэгулярна: за два з паловай года 46 мячоў. Пенальці, які Анелька зарабіў і сам жа рэалізаваў у кастрычніку 2004 года, у вароты свайго цяперашняга клуба, стаў прычынай адзінага паражэння «Чэлсі» ў сезоне, калі «Чэлсі» ўпершыню выйгралі чэмпіянат пад кіраўніцтвам Жазэ Маўрынью.

«Фенербахчэ»

Поспех спадарожнічаў Анелька і ў «Фенербахчэ». Ён забіваў у сярэднім у кожным трэцім матчы, уразіўшы тым самым Сэма Элардайса, які паклікаў Нікаля ў «Болтан» у пачатку сезону 2006/07.

«Болтан»

У «Болтане» Нікаля гуляў як нідзе больш. За паўтары гады ў «Болтане» Нікаля згуляў 53 матчы, і забіў 22 мячы, з-за чаго і выявіў цікавасць да футбаліста лонданскі «Чэлсі».

«Чэлсі»

11 студзеня 2008 года Анелька быў выкуплены «Чэлсі» з «Болтана» за 14 мільёнаў фунтаў, і падпісаў кантракт на 3,5 года.

Апошнія гады

3 снежня 2011 года пасля перамогі «Чэлсі» супраць «Ньюкасла» трэнер «сініх» Андрэ Вілаш-Боаш у сродках масавай інфармацыі пацвердзіў, што Анелька будзе вольны, каб пакінуць «Чэлсі» ў студзені. 12 снежня «Чэлсі» пацвердзіў, што Анелька перайдзе ў кітайскі клуб «Шанхай Шэньхуа». Пазней стаў гуляючым трэнерам кітайскага клуба. У студзені 2013 года быў аддадзены ў арэнду «Ювентусу», а ўлетку таго ж года вярнуўся ў Англію, стаўшы іграком «Вест Бромвіча». У верасні 2014 года далучыўся да індыйскага клуба «Мумбаі Сіці». У студзені 2015 года планаваў перайсці ў алжырскі клуб «Хусейн Дэй», аднак пераход не адбыўся, і пазней Анелька вярнуўся ў «Мумбаі Сіці», дзе стаў галоўным гуляючым трэнерам. Па заканчэнні сезону 2015 пакінуў індыйскі клуб і завяршыў кар’еру.

Міжнародная кар’ера

Апошнія дзесяць гадоў Анелька з’яўляецца сталым іграком зборнай Францыі, за якую ён правёў 43 матчу і забіў 11 мячоў. Анелька быў у складзе зборнай, якая стала ў 2000 годзе чэмпіёнам Еўропы. Апошні матч за зборную ён правёў у лістападзе.

Трэнерская кар’ера

Падчас выступаў у Азіі за «Шанхай Шэньхуа» і «Мумбаі Сіці» некаторы час быў таксама гуляючым трэнерам.

У лістападзе 2018 года атрымаў трэнерскую пасаду ў «Лілі» для працы з маладымі футбалістамі, пераважна нападнікамі^[3].

Дасягненні

«Арсенал»

• Чэмпіён Англіі: 1997/98
• Уладальнік Кубка Англіі: 1997/98
• Уладальнік Суперкубка Англіі: 1998

«Рэал Мадрыд»

• Пераможца Лігі чэмпіёнаў: 1999/2000

«Пары Сен-Жэрмен»

• Уладальнік Кубка Інтэртота: 2001

«Фенербахчэ»

• Чэмпіён Турцыі: 2004/05

«Чэлсі»

• Чэмпіён Англіі: 2009/10
• Уладальнік Кубка Англіі (2): 2008/09, 2009/10
• Уладальнік Суперкубка Англіі: 2009

«Ювентус»

• Чэмпіён Італіі: 2012/13

Зборная Францыі

• Чэмпіён Еўропы: 2000
• Пераможца Кубка канфедэрацый: 2001

Трансферы

Усяго жа за час вандравання француза па еўрапейскіх клубах на адчэпныя было выдаткавана 86 мільёнаў фунтаў. Пры гэтым у першы раз Анелька перайшоў у 1997 годзе з ПСЖ у «Арсенал» за 500 000 фунтаў.

Крыніцы

1. Nicolas Anelka // Transfermarkt — 2000. Праверана 9 кастрычніка 2017.
   <a href="https://wikidata.org/wiki/Track:Q2449070"></a>
2. Nicolas Anelka // Roglo — 1997. — 10000000 экз.
   <a href="https://wikidata.org/wiki/Track:Q83365652"></a>
3. Анелька стал тренером «Лилля» и будет работать с молодежью. by.tribuna.com.

Спасылкі

• На Вікісховішчы ёсць медыяфайлы па тэме Нікаля Анелька
• Профіль іграка на Premiership.Ru (руск.)